MATEYO 27 - Disambi Dipyadipya

¹ KU butwatuku kwakakwelañana nkanyi bungi bwa makanda manene yi babakulu ba bantu bwalo bwa Yisu ndo kumuxipa.

² Yi bakamusuka yi bakamucwala kuya mulongola kudi Pontio Pilata, fumu.

³ Yi Yudaxi akamwenga, pakamonayi amabelebwa, akaxipibwa bundu, yi akapingasa mpalata masangi asatu kudi makanda manene yi babakulu

⁴ ene, Namakwona, bwalo bunamakwenga maxi atena bubi. Kaninga bobo ene, Nako ndo bwalo bwecu ? tebela owe.

⁵ Yi akakwecikisa mpalata mu tempelo yi akancuka yi akaya diela mikyenci disudi.

⁶ Yi makanda manene akangata mpalata yi akatôya ene, Kakusolelekyela yi bwadi ndo kuyeia munda mwa kibumbilu kia tempelo bwalo budio diso dia maxi.

⁷ Yi bakakwelañana nkanyi yi bakakwola yinayo kibidi kia mufumbi ndo kuncika bantu babene momu.

⁸ Ndo biamabikidibwa kibidi kieki ene, Kibidi kia maxi, pôi dituku dedi.

⁹ Nako kwakafikixibwa diyi diakatôyebwa kudi Yelemia mudimuxi ene, Bakangata mpalata masangi asatu, diso dia you akapikibwa diso, akapikila bana ba Isalele diso,

¹⁰ yi babayileka ku mucwe ă kibidi kia mufumbi, mwakangutôyela Fumu.

¹¹ Mo Yisu akakwemana ku mpala a fumu. Yi fumu akamwapangusa ene, Owe udi Fumu a bena Yuda ? Yi Yisu akamwambila ene, Watôya.

¹² Yi pakasanyibwayi kudi makanda manene yi babakulu, akapudikila nya.

¹³ Pilata lolo akamutôyela ene, Kusokwombwa mwatôbôlabo bintu bingi ku bwalo bwebe ?

¹⁴ Yi akadi kasomupingasa isanga diyi dimodimwe, biakakama fumu kukama kungi.

¹⁵ Mo ku kitula, fumu akakwekyela ekyela yi kulekyelela bantu musungi umoumwe, muntu mwoso akanangabo.

¹⁶ Yi ku kikondo kieki bakadi yi musungi munene, dina dienci ene, Balaba.

¹⁷ Mbwôso pakadi bamakokama, Pilata akabambila ene, Nwakyeba beci ? nakunulekyelela nani ? ndo Balaba ndo Yisu abikidibwa ene, Kalistu.

¹⁸ Bwalo bwakalubukwayi mwakamulongolabo ku mucwe ă mwokunyo.

¹⁹ Mo pakaxikamayi ku nkwasa a kisambolelu, mukasanci akamutumina diyi ene, Kwenci kintu yi you muna nkwami, bwalo bunamakwombwa kusama kungi mu dilu dia tulu ku mucwe ănci.

²⁰ Kaninga makanda manene yi babakulu bakakwetabuxisa bimbukuma balombi Balaba, baxipi Yisu.

²¹ Yi fumu akabapingasa ene, Nwakyeba nulekyeleli ñani a babidi baba ? Yi bakatôya ene, Balaba.

²² Pilata akabambila ene, Ape nkisi beci lolo yi Yisu abikidibwa ene, Kalistu ? Bakatôya bo-a-bwoso ene, Axipibwi ku nkulusu.

²³ Yi akatôya ene, Kukai ? Apwenca bubi kai ? Kaninga bakakolesa kwamena ene, Axipibwi ku nkulusu.

²⁴ Yi pakamona Pilata kutôya kudi kanana, kate muyengi ulolwa, akangata mai, yi akakusula makaci anci ku mpala ya bantu ene, Meme namasuwa bwalo bwa maxi a muna nkwami you ; nonu nutebeli.

²⁵ Yi bantu boso bakapingasa ene, Maxi anci akali bwalo bwecu yi bwa bana becu.

²⁶ Yi akabalekyelela Balaba ; kaninga Yisu ndo akakumayi mwokaba yi akamulongola kuya xipibwa ku nkulusu.

²⁷ Yi masalai a fumu akacwala Yisu ku lumbu lwa fumu, yi bakamukokyeyeia kibumbu kincimancima ;

²⁸ yi bakamuncula kilamba kienci, bakamulatisa kifunda kia mumbidi ă maxi.

²⁹ Yi bakadinga kilongo kia mieba, yi bakakiapeya kulu kwa mucwe ănci, yi kanonge ku kianca kienci kia kidyo ; yi bakakuma binu ku mpala anci, bakamukyeca, ene, Bwatetela, Fumu a bena Yuda

³⁰ Yi bakamwela mati, bakangata kanonge yi bakamukuma kulu kwa mucwe.

³¹ Yi pakadi bamamukyeca bakamuncula kifunda, yi bakamulatisa bilamba bienci yi bakamuncula kuya mukopeka ku nkulusu.

³² Pakancukabo bakasañana muna Kulene, dina dienci ene, Ximono ; you akabambabo dibambu dia kuya, bixecwalayi nkulusu anci.

³³ Yi pakadi bamafika ku kidi kiabikidibwa ene, Ngolongota, (sakolo anci ene, Kidi kia kibwongwasa,)

³⁴ bakamupa finika a kunwa, muputola yi lusangu ; yi pakakikisayi akanyañana kunwa.

³⁵ Yi pakamukopekabo ku nkulusu, bakakwabanyañana bilamba bienci, yi bakacwa lubexi.

³⁶ Bakaxikama lolo, yi bakamudingila papa.

³⁷ Yi bakapanyika kusanyibwa kwanci pelu pa mucwe ănci ; ene, YOU UDI YISU, FUMU A BENA YUDA.

³⁸ Ku kikondo kieki kwakakopekyebwa yinanci befi babidi, munga ku kidyo yi munga ku kimoso.

³⁹ Mo bobo bakadika dika bakamutangola, badi mu kunyingisa micwe yabo,

⁴⁰ ene, Owe waxipa tempelo, umwabaka ku matuku asatu udipandisi mikyebe. Ndo owe udi Mwana a Ncembi, pweka ku nkulusu.

⁴¹ Mo nako kabiai, makanda manene akakyeca, yi bafundi ba mikanda yi babakulu ene,

⁴² Yei akapandisa banga bantu, kabiyi ndo kudipandisa mikyenci. Udi Fumu a Isalele ; apweki nkyekyu ku nkulusu, yi tunamwetabuxila.

⁴³ Yei akakwetabusa Ncembi ; amupandisi nkyekyu ndo umwananga. Bwalo bwakatôyayi ene, Meme ndi Mwana a Ncembi.

⁴⁴ Yi befi kabidi bakakopekyebwa yinanci bakamutangola mietangu ya noku.

⁴⁵ Yi pôi ola amusambomo pakadi mwedima ku bungi bwa mbata pôi ola dibwa.

⁴⁶ Kaninga pa ola dibwa Yisu akakwamena yi diyi dikola ene, Eli, Eli, lama sabakatani ? kulexi yi kutôya ene, Ncembi amene, Ncembi amene, kukai wapungukadeya ?

⁴⁷ Yi banga bakakwemana papa, pakakwombwabo bakatôya ene, You abikila Eliya.

⁴⁸ Yi muntu akadi yinabo akaya lubilu kuya angata supunci yi akamwolubisa finika, akateka kulu kwa lukaku yi akamuionga ndo kunwa.

⁴⁹ Kaninga banga ene, Lekyela ; tumoni ndo Eliya unalwa mupandisa.

⁵⁰ Yi Yisu akakwamena kabidi yi diyi dikola, yi akalekyela kidimu kienci.

⁵¹ Yi mona, mbuxa a ngumbu a mu tempelo akasambudibwa pakacikaci pôi kulu pôi muxi, yi loboko lwakatepexebwa, yi mabwe akapandibwa,

⁵² yi nkita yakadipudibwa ; yi mimbidi mingi ya bena babala bakadi bamalala tuiu, yakabixibwa,

⁵³ yakabatuka mu nkita kunyuma kwa kubika kwanci, yi bakabwela mu buia bwa babaia, bakamoneka kudi bantu bangi.

⁵⁴ Kaninga kapalai ka masalai, yi bobo bakadi yinanci badi mu kunama Yisu, pakamonabo kutepa kwa loboko, yi bintu biakapona, bakacina kungi ene, Sôsôlwo, You akadi Mwana a Ncembi.

⁵⁵ Yi koku kwakadi babakaxi bangi badi mu kutebela kulekule, bakalandudila Yisu ku Ngalili, bakamusadila ;

⁵⁶ koku yinabo kwakadi Mali a Mangadala, yi Mali, Yakobo yi Yosese mamabo, yi bana ba Sebede mamabo.

⁵⁷ Pakakwela butuku pakalwa mwodidi a Alimatia, dina dienci ene, Yosefe, akadi mweyi a Yisu kabidi mikyenci.

⁵⁸ Yei akaya kudi Pilata, yi akalomba mumbidi ă Yisu. Yi Pilata akatôya ene, alongolebwi.

⁵⁹ Yi Yosefe akangata mumbidi, akaudinga mbuxa a susu a babala,

⁶⁰ yi akauladika mu lukita iwanci lupyalupya lwakakululayi mu lubwe ; akabungulusa lolo dibwe dinene ku mbelo a lukita, yi akancuka.

⁶¹ Kaninga Mali a Mangadala akadi koku yi munga Mali, batanaxikama ku mpala a lukita.

⁶² Mankyelo lolo, akadi diba diakalanda kilungikilu kia kitula, kwakakokama makanda manene yi baFalixi kudi Pilata

⁶³ ene, Twelela nkanyi, idyanga, mwakatôya muna ncimi you, pakadi ukidi yi môyo, ene, Kunyuma kwa matuku asatu, meme nakubika kabidi.

⁶⁴ Mbwôso elapo bwadi ene, lukita lunamibwi pôi dituku diamusatu, ximbi beyi banci baxelwa mweba, yi baxetôyela bantu ene, Amabixibwa kudi bafu ; yi lodimbu lwa kunyuma lunadika lodimbu lwa buxi.

⁶⁵ Yi Pilata akabambila ene, Nonu nudi yi banami ; nuyi lubamba mubambilu ěnu unubili kubamba nda.

⁶⁶ Yi bakaya bamba lukita, yi bakakwela madlmbu ku dibwe, yi banami bakadi yinabo.