MATEYO 10 - Disambi Dipyadipya

¹ YI akabikila beyi banci disangi yi babidi, yi akabapa bumanya kulu kwa bidimu bia mbindu, bwa kubipauia, yi bwa kuncincidisa kusama kwoso yi bubombu bwoso bwa mumbidi.

² Mena lolo a batumibwi disangi yi babidi adi noku ; ku buxi, Ximono amabikidibwa ene, Pita, yi Andelo mwakunyenci ; Yakobo a Sebede, yi Yoano mwakunyenci ;

³ Filipi yi Batolomo ; Tomasa yi Mateyo musangi a milambu ; Yakobo a Alifayo, yi Tadayo ;

⁴ Ximono a Kyenene ; yi Yudaxi a Ixikalioto, akamwenga kunyuma.

⁵ Yisu akatuma disangi dedi yi babidi, yi akabatôyela ene, Kanuyi mu ncila a mabila, kanubwedi mu bula bwoso bwa bena Samalia ;

⁶ kaninga nuyi ku mikwakwa yamabungwa ya nkumbu a Isalele.

⁷ Binwendenda iolo, nwambili ene, Bufumu bwa diulu bwamakokyela pepe.

⁸ Nuncincidisi bena mabombu ; nubisi bafu ; nususuli bena sudi ; nupauli bidimu bibi ; nwapwangata kanana, nupi kanana.

⁹ Kanuditekyedi ndo ôlo, ndo mpalata ndo kiengele mu ndengi yenu,

¹⁰ ndo mwosokye ku bwalo bwa ncila, ndo binkutu bibidi, ndo makaka, ndo mulangala ; bwalo bwalelekyela musadi yi bidya bienci.

¹¹ Kaninga mu bula bwoso bunwabwela ndo kankyenda, nwapangusi udi yi n wami momu ñani, yi nusali koku noku binunancuka kabidi.

¹² Binwabwela mu ncibo nubeli môyo.

¹³ Aka lolo ncibo amalelekyela sôsôlwo, polo enu alwi kulu kwanci ; kaninga ndo kasolelekyela, polo enu anupiñanini.

¹⁴ Oka udi muntu utasonwangata, utasokwombwa meyi enu, binwancuka mu ncibo you, ndo mu bula bobu, nudikupululi yimbwi ya makasa enu.

¹⁵ Nwatôyela sôsôlwo ene, Kubedebwa kwa bula bobu kunadika kubelebwa kwa mbata ya Sodomo yi Ngomola ku dituku dia lopelo.

¹⁶ Numoni, meme nwatuma bea mikwakwa pakacikaci pa ngasama ; mbwôso nwakali yi bwanya bea nyoka, kutena buluba lolo bea bimbenga.

¹⁷ Kaninga nudimuki ku bwalo bwa bantu ; bwalo bunanuongolabo kudi bikokye, yi bananukuma bintu mu bixingidilu biabo ;

¹⁸ yi nunacwadibwa ku mpala ya milopwe yi bafumu ku bwalo bwamene, ndo kutôbôla ntôbô kudibo yi kudi mabila.

¹⁹ Oka lolo banwalongola, kanwakadi yi mutete mununatôya ndo binunatôya, bwalo bunanupebwa binuxetôya ku ola you.

²⁰ Bwalo butena nonu badi mu kutôya, kate Mwoxixi a Tetenu ndo atôya munda mwenu.

²¹ Mo mwana a mama unalongola mwana a mama ku lufu, yi tete, mwana ; yi bana banatanda yi bateteabo yi bamamabo yi banabatombokyela ;

²² yi nunanyafianibwa kudi bantu boso ku bwalo bwa dina diamene. Mo you unakala amakwemana ku sula, yei unapandixibwa.

²³ Kaninga pananukolomonabo ku bula bobu, nuyi mangwoso ku bunga ; bwalo bunwatôyela sôsôlwo ene, Kanunamana kutanga mala a Isalele buxi bunaiwa Mwana a Muntu.

²⁴ Mweyi kasodika mweyexi anci, yi musadi kasodika fumwanci.

²⁵ Kunalelekyela ndo mweyi unakala bea mweyexi anci, yi musadi bea fumwanci. Ndo bamakwenyika fumu a ncibo ene, Belesebubu, kabanadika bwalo bwa bena ncibo anci ?

²⁶ Mbwôso kanubacini ; bwalo butasobucikibwa bwalo butasokwebexebwa, ndo bwa busoko butasolubukibwa.

²⁷ Diembi dinamanutôyela ku mwedima, nonu nuditôyi ku obo, yi bwalo bunwombombwa ku dicu, nonu nubwambili kulu kwa ncibo.

²⁸ Kanucini bantu baxipa mumbidi batabiyi kuxipa kidimu ; kaninga nucini you ubili kuncimisa yi mumbidi yi kidimu mu dilungu.

²⁹ Bisompwodya bibidi ka biamakwodixibwa ku kampalata kamokamwe ? yi kimokimwe kakisopona paxi kutena Tetenu ;

³⁰ kaninga isanga nyonyi ya mucwe ěnu yamabadibwa bungi bwayo.

³¹ Mbwôso kanucini ; nonu nwamadika bisompwodya bingi diso.

³² Mbwôso muntu mwoso unangusakola ku mpala ya bantu, meme kabidi nakumusakola ku mpala a Tetemi udi mu diulu.

³³ Kaninga muntu mwoso unanguyafiana ku mpala ya bantu, meme kabidi nakumunyañana ku mpala a Tetemi udi mu diulu.

³⁴ Kanukixi ene, napulwa kulwa tuma polo paxi ; kiluli ndo kutuma polo, kate mwele.

³⁵ Bwalo bunapulwa kulwa atolananisa muntu yi tetenci, yi mwana a babakaxi yi mamanci, yi mukwa yi mukwanci ;

³⁶ batandafiani yi muntu banakala bena nkumbu anci.

³⁷ You adika kunanga ndo tetenci ndo mamanci, kumoni meme, kasolelekyela yi bwalo bwamene ; yi you adika kunang a mwananci ndo a babalumi ndo a babakaxi, kumoni meme, kasolelekyela yi bwalo bwamene.

³⁸ You kabidi utasokwongula nkulusu anci kulwa ngulandudila kasolelekyela yi bwalo bwamene.

³⁹ You asokolola môyo ănci unauncimisa ; you lolo amancimisa môyo ănci ku mucwe ămene unausokolola.

⁴⁰ You amanwangata nonu amangwangata meme, yi you amangwangata meme amangata you akangutuma.

⁴¹ You angata mudimuxi ku dina dia mudimuxi unangata sayi a mudimuxi ; you lolo angata muna nkwami ku dina dia muna nkwami unangata sayi a muna nkwami.

⁴² Yi muntu mwoso unanusa kana kamokamwe ka babaki baba isanga mpamba a mai ku dina dia mweyi, meme nwatôyela sôsôlwo ene, kanakodya kwangata sayi anci pô.