LUKA 21 - Disambi Dipyadipya

¹ YI akasangola meso anci yi akamona bena madidi badi mu kwela malongi abo mu kibumbilu kia tempelo.

² Mo akamona kabidi mukasa a mufu, mwokombi, udi mu kwela momu tumpalata tubidi.

³ Yi akatôya ene, Nwatôyela sôsôlwo ene, You mukasa a mufu, mwokombi, apwela lwedi Iwamadika lwabo lwa bungi bwabo ;

⁴ bwalo bwamasangisa bantu baba boso malongi ku madidi abo ; mo yei amakwela ku bokombi bwanci bima bioso biakadi yinanci.

⁵ Yi pakatôya banga dia tempelo mwakabongexebwayi yi mabwe a lwoxixi yi malongi, akatôya ene,

⁶ Bwalo bwa bintu bebi binwatebela matuku analwa atasoxiyibwa kunu dibwe kulu kwa dibwe ditasokwelebwa paxi.

⁷ Yi bakamwapangusa ene, Mweyexi, mbwôso bintu bebi binapona ku kikondo kai ? Yi kilayixilu kinakala beci palanda bintu bebi kulwa ?

⁸ Yi akatôya ene, Nudingili binutaxeungixibwa. Bwalo bunalwa bantu bangi mu dina diamene ene Meme kayou, yi ene, Kikondo kidi pepe ; kanubalandi.

⁹ Ki panunakwombwa dia mbita yi minyingu, kanucini bowa, bwalo buxefika bintu bebi buxi, kate ku sula kakuna nkyekyu nkyekyu.

¹⁰ Kunyuma kwakabatôyelayi ene, Bubila bunatombokyela bubila, yi bufumu bufumu ;

¹¹ yi matepa manene a loboko anakala paxi, yi ku binga bidi nkombo ya ncala, yi bilulu bia masama ; yi bixesa yi bilayixilu binene binalwa bia diulu.

¹² Mo buxi bwa bintu bebi bioso bunanubakabo makaci abo yi bananukolomona, bananulongola ku bixingidilu yi ku ncibo ya nkanu, yi nunacwadibwa ku mpala ya bafumu yi milopwe ku mucwe ă dina diamene.

¹³ Nako nunakala yi kipoma kia kutôbôla ntôbô.

¹⁴ Mbwoso nukolesi micima yenu kumoni kwela nkanyi ku buxi mwa kupingasa ;

¹⁵ bwalo bunanupa musuku yi bwinu, bitaxelubukwa bungi bwabo batanda yinenu mwa kukulumuna, ndo kupetola mpeto.

¹⁶ Mo nunalongolebwa isanga kudi batetenu yi bamamenu yi bena kwenu yi bilungu bienu yi bimbila bienu ; yi banaxipa banga badi yinenu.

¹⁷ Yi nunanyananibwa kudi bantu boso ku mucwe ă dina diamene.

¹⁸ Yi kakuna lunyonyi lwa mucwe ěnu lunafwa pô.

¹⁹ Ku bwika bwenu ndo kununakala yi mieyo yenu.

²⁰ Kaninga panunamona Yelusaleme amadingibwa yi masalai kô, nulubukwi ene, kinkambili kienci kiamakokyela pepe.

²¹ Ku kikondo kieki bobo badi mu Yudiya bacini ku mpongo, yi bobo badi pakacikaci panci babatuki, yi bobo badi ku mbata kababwedi munda mwanci.

²² Bwalo budi matuku aa matuku a kusombola malo, bixefikixibwa bintu biosc biamafundibwa.

²³ Mpeya kudibo badi yi mafu yi kudibo banusa bana ku matuku yia ; bwalo bunakala buxitu bungi ku mbata, yi bisusu kulu kwa bubila bobu.

²⁴ Yi banapona ku mpala a mwele, yi banacwadibwa misungi kudi mabila moso ; yi Yelusaleme unanyacibwa muxi mwa makasa a mabila binakukixibwa bikondo bia mabila.

²⁵ Yi bilayixilu binakala mu diba yi mu ngondo yi mu mitoto ; yi ku loboko kunakali buxitu kudi mabila adi mu kudixenga xenga bwalo bwa kibila kia mai manene yi diele dia bubi ;

²⁶ bantu badi mu kulanda kufwa bwalo bwa bowa, yi bwalo bwa mudingidilu ă malo alolwa ku loboko lwa bantu ; bwalo bunanyingixibwa bena ngulu ba diulu.

²⁷ Yi ku kikondo kieki kunamonabo Mwana a Muntu udi mu kulwa ku dibaxi yi ngulu yi dikai dingi.

²⁸ Mo panakala bintu bebi biamabangola kulwa, nusangoli meso enu, nwcmbululi micwe yenu, bwalo bwamakokyela kupikudibwa kwenu pepe.

²⁹ Yi akabatôyela mwele ene, Numoni muci ă klkuyi, yi mici mioso ;

³⁰ papandikayi malwa nwalubukwa mikyenu binwelela meso, ene, ngondo ya munyinya itani pepe nkyekyu.

³¹ Mo nako nonu kabidi, binwamona bintu bebi bilu kulwa, nulubukwi ene, Bufumu bwa Ncembi budi pepe.

³² Nwatôyela sôsôlwo ene, Mwociya ou kaunadika pô buxi bunapona bintu bioso.

³³ Diulu yi loboko binadika, mo meyi amene kanadika pô.

³⁴ Mo nudingili ximbi ambeci micima yenu yixekwolubixibwa yi ndôi a bidya yi nkolwa ya malufu yi maxitu a môyo ou, yi dituku dedi dixenukwata kimpwaxa pwa ;

³⁵ bwalo bunaluladio bantu boso luna mupeto bakala ku mpala a loboko luncimancima.

³⁶ Mo nutebeli, nulombeli Ncembi ku kikondo kioso, binuxelelekyela yi kupanda bintu bebi bioso bitanalanda kulwa, Skwemana ku mpala a Mwana a untu.

³⁷ Yi akakweyesa eyesa mu tempelo ku diba dioso ; yi ku butuku bwoso kwakabatukayi, yi akalala ku lupongo Iwabikidibwa ene, lwa Olife.

³⁸ Yi bungi bwa bantu bakalwa kudiyi ku butwatuku pexe mu tempelo kulwa mwombwa.