LUKA 2 - Disambi Dipyadipya

¹ MO ku matuku yia kwakakwelebwa bwadi kudi Kyesa Angusto ene, bena mbata mioso babadibwi lubadi ku mena abo.

² Lolu ndo lubadi lwa buxi lwakabadibwa pakadi Kulenio udi mulopwe a Silia.

³ Yi bungi bwa bantu bakaya kuya fundibwa mu mukanda, muntu mwoso ku bula bwanci muntu mwoso ku bula bwanci.

⁴ Yi Yosefe kabidi akancuka mu Ngalili mu bula bwa Nasalete, kuya ku Yudiya, ku bula bwa Dafidi bwabikidibwa ene, Beteleme ; bwalo bwakadiyi muna nkumbu a Dafidi a bulungu bwanci ;

⁵ kuya fundibwa mu mukanda, yi Mali, mukasanci a mbandu akadi yi difu.

⁶ Yi pakadi batani koku, matuku anci a kulela akakukixibwa.

⁷ Yi akalela mwananci a buxi, yi akamudinga mbuxa mile yi akamuladisa mu kidilu kia nyama, bwalo bwakasakabo kidi mu ncibo a benyi.

⁸ Yi ku mbata you kwakadi tulama twa mikwakwa twamasala kunci ku mbata, tudi mu kunama nama kibumbu kiabo kia mikwakwa ku butuku.

⁹ Yi mwangele a Fumu akakwemana padibo, yi dikai dia Fumu diakalumuka kudibo, yi bakacina bowa bungi.

¹⁰ Yi mwangele akabatôyela ene, Kanucini ; mona, nwambila losangu lunengela lwa kiango kingi kinakala kia bubila buncimancima ;

¹¹ bwalo bwamanulelebwa Mupandixi lelo mu bula bwa Dafidi, udi Kalistu Fumu.

¹² Yi kunu kudi kilayixilu kienu ; nunasañana mwana mubende mudinga yi mbuxa mile, ulele mu kidilu kia nyama.

¹³ Yi kibumbu kia masalai a diulu kiakasangila mangwoso yi mwangele, badi mu kutumbisa Ncembi, yi badi mu kutôya ene,

¹⁴ Dikai kudi Ncembi kulu, yi polo pa loboko, muxekyělelu pakacikad pa bantu.

¹⁵ Yi pakancuka bangele kudibo kuya mu diulu, pakatôyelañana tulama ene, Cuyi nkyekyu lolo pôi ku Beteleme, tumoni bwalo bobu bwamatulubukisa Fumu.

¹⁶ Yi bakaya mangwoso yi bakasañana yi Mali yi Yosefe, yi mwana mubende ulele mu kidilu kia nyama.

¹⁷ Yi pakamonabo nako, bakalubukisa bantu diyi diakabambidibwa dia Mwana you.

¹⁸ Yi bantu bosc bakakwo mbwa bakakamina bintu biakabambidibwa kudi tulama twa mikwakwa,

¹⁹ Mc Maii akabumba malo aa moso, udi mu kwelañana nkanyi mu mucima ănci.

²⁰ Yi tulama twa mikwakwa twakapiñana, tudi mu kutumbisa yi kwembikixila Ncembi bwalo bwa bintu biakakwombwabo yi biakamonabo, bea biakabambidibwa.

²¹ Yi pakadi matuku yenana amakukixibwa bwalo bwa kumwela bwadi, pakabikidibwa dina dienci ene, Yisu ; diakabikidibwayi noku kudi mwangele buxi butakwembicibwayi mu difu.

²² Yi pakadi matuku a kukusudibwa kwabo amakukixibwa luna bidi bwadi bwa Mosese, bakamucwala ku Yelusaleme kuya mulongola kudi Fumu,

²³ (bea biamafundibwa mu bwadi bwi Fumu ene, Mwamulumi mwoso adipula difu unabalolebwa babala bwalo bwa Fumu) ;

²⁴ yi kulongola dilongi bea biamatôyebwa mu bwadi bwa Fumu ene, Bimbenga bibidi ndo twana tubidi twa nkudimba.

²⁵ Yi mona, mu Yelusaleme mwakadi muntu, dina dienci ene, Ximeono ; yi you akadi muna nkwami yi muna bowa, udi mu kukungila kibondelu kia Isalele, yi Mwoxixi a babala akadi kulu kwanci.

²⁶ Yi kwakamwebexebwa kudi Mwoxixi a babala ene, yei kaxemona lufu buxi bwa kumona Kalistu a Fumu.

²⁷ Yi akabwela mu Mwoxixi munda mwa tempelo ; yi pakabwesa tetenci yi mamanci Mwana Yisu bixemwencelabo bea luna mwosambu ă bwadi,

²⁸ yei akamwangata mu biboko bienci, yi akatumbisa Ncembi ; yi akatôya ene,

²⁹ Fumu, nkyekyu utanalekyela musadi ebe bea biakadi diyi diebe, ayi polo ;

³⁰ bwalo bwamamona meso amene kipandilu kiebe,

³¹ kiamalungika owe ku mpala a mabila moso ;

³² obo a kiebexelu ndo kwebesa mabila, yi dikai dia bantu bebe ba Isalele.

³³ Yi tetena yi mamanci bakakamina maio akatôyebwa ku bwaio bwanci.

³⁴ Yi Ximeono akabalwangwasana, yi akatôyela Mali mamand ene, Mona, mwana you amatekyebwa bwalo bwa kupona yi bwalo bwa kwombuluka kwa bantu bangi mu Isalele ; yi ku kilayixilu kinatangolebwa ;

³⁵ (yi mwele unatubula isanga mucima ěbe) ; bixekwebexebwa nkanyi ya mu micima mingi.

³⁶ Yi mudimuxi akadiko a babakaxi, Ana, mwana a Fanwele, a bulungu bwa Axele, akalekola yi mbula bungi. Akadi amasala yi bayend mbula sambwali pôi ku buxika bwand,

³⁷ yi mikyend akakala mukasa a mufu pôi ku mbula masangi yenana yi mbula inai. Yei akadi kasoncuka ku tempelo, udi mu kusadila Ncembi yi ku butuku yi ku munyinya yi kundla kwa oidya ndlu yi ndombu kuiomba lomba.

³⁸ Yei lolo akalwa ku ola you akaxinga Ncembi, yi akatôya ku bwalo bwand kudi bantu boso bakakungila kipikudilu kia Yelusaleme.

³⁹ Yi pakadi bamamana bintu bioso bia bwadi bwa Fumu, bakapiñana ku Ngalili ku bula bwabo bwa Nasalete.

⁴⁰ Yi mwana akalunda, yi akasuba, akakwolubixibwa yi bwinu, yi lwoxixi lwa Ncembi lwakadi kulu kwand.

⁴¹ Yi tetend yi mamanci bakaya ku mbula mwoso ku Yelusaleme ku kitula kia Kidikixilu.

⁴² Yi pakadi yei udi yi mbula disangi yi ibidi pakaximunabo bea biakadi mwosambu ă kitula.

⁴³ Yi pakadi bamakukisa matuku a kitula, biakapiñanabo, Mwana Yisu akasala kunyuma mu Yelusaleme ; yi tetend yi mamand bakadi kaôasclubukwa.

⁴⁴ Mo bwalo bwakakwencabo ene, udi mu kibumbu kia bena lwendo, ndo bwakakwendabo lwendo lwa dituku dimodimwe ; yi bakamupalala mu bilungu biabo ;

⁴⁵ yi pakadi kabasomusañana, bakapiñana ku Yelusaleme, badi mu kumupalala.

⁴⁶ Yi kunyuma kwa matuku asatu kwakamusañanabo mu tempelo, uxikamini pakacikaci pa beyexi, utanabombwa yi utanabapangusa miapangusu.

⁴⁷ Yi bungi bwa bantu bakamwombwa bakakamina bwinu bwanci, yi meyi akapingasayi.

⁴⁸ Yi pakamumonabo bakakama kama ; yi mamanci akamutôyela ene, Mwana, kukai wamakwenca yinecu nako ? Mona, tetebe yi meme twamakupalala yi buxitu bungi.

⁴⁹ Yi akabambila ene, Nwamangupalala kukai ? Kanwalubukwa ene, kudi bwalo bwamene meme kwakala mu bintu bia Tetemi ?

⁵⁰ Yi bobo bakadi kabasolubukwa diyi diakabambilayi.

⁵¹ Yi akapweka yinabo, yi akalwa ku Nasalete, yi akabedeya edeya. Yi mamanci akabumba malo aa moso mu mucima ănci.

⁵² Yi Yisu akalunda yi bwinu yi bule yi lwoxixi ku mpala a Ncembi yi ku mpala a bantu.