KIEBEXELU 8 - Disambi Dipyadipya

¹ YI pakaxipayi kilembetelu kia sambwali, mu diulu mwakadi polo nya pa Iwedi lwa ola pakacikaci.

² Yi nakamona bangele sambwali bamakwemana emana ku mpala a Ncembi, yi mpungi sambwali yakabapebwa.

³ Yi munga mwangele akalwa, akakwemana pepe yi kilongolelu, udi yi lusala lwa manonu lwa ôlo ; yi bukula bungi bwa manonu bwakamupebwa, bixebusangisayi yi ndombu ya bena babala boso ku kilongolelu kia ôlo kiakadi ku buxi bwa lukwasa.

⁴ Yi munyinga ă bukula bwa manonu ăkaximuna yi ndombu ya bena babala, mu kianca kia mwangele ku mpala a Ncembi

⁵ Yi mwangele akangata lusala, akalwolubisa mudilu ă ku kilongolelu, yi akalwela pa loboko ; yi meyi akalwa, yi makongola, yi misadi ya kapenya, yi kutepa kwa loboko.

⁶ Yi bangele sambwali bakadi yi mpungi sambwali bakadilungika ndo kukuma mpungi.

⁷ You a buxi akakuma mpungi ; yi mabwe a mbula akalwa yi mudilu, muputola yi maxi, yi biakakwelebwa pa loboko ; yi kicini kimokimwe kiakakwoxebwa kia bicini bisatu bia loboko, yi kicini kimokimwe kiakakwoxebwa kia bicini bisatu bia mici, yi bilo bioso biakadi mai biakakwoxebwa.

⁸ Yi mwangele amubidi akakuma mpungi ; yi lupongo lunene lwakakwelebwa mu mai manene, luna ndo lutanalumuka mudilu, yi kicini kimokimwe kiakalwa maxi kia bicini bisatu bia mai manene ;

⁹ yi kicini kimokimwe kiakafwa kia bicini bisatu bia bipangu bia môyo biakadi mu mai manene ; yi kicini kimokimwe kiakaxipibwa kia bicini bisatu bia bibusu.

¹⁰ Yi mwangele amusatu akakuma mpungi ; yi mutoto munene ăkapona mu diulu, ăkadi mu kulumuka mudilu luna dikolobo, yi ăkapona kulu kwa kicini kimokimwe kia bicini bisatu bia ncedi, yi kulu kwa mpokolo ya mai.

¹¹ Dina lolo dia mutoto didi ene, Apasinto ; yi kicini kimokimwe kiakalwa Apasinto kia bicini bisatu bia mai, yi bantu bangi băkafwa bwalo bwa mai, bwalo bwakatekyebwao bululu.

¹² Yi mwangele amunai akakuma mpungi ; yi kicini kimokimwe kiakakumibwa kia bicini bisatu bia diba, yi kicini kimokimwe kia bicini bisatu bia ngondo, yi kicini kimokimwe kia bicini bisatu bia mitoto ; bixepindixibwa kicini kiabio kimokimwe kia bicini bisatu, bitaxemoneka munyinya ku kicini kimokimwe kia bicini bisatu bia munyinya, yi mo nako ku butuku.

¹³ Nakamona lolo, yi nakakwombwa mpungu apumbuka mu diulu, udi mu kwamena yi diyi dikola ene, Mpeya, mpeya, mpeya, kudi bantu bamaxikama ku loboko ; bwalo bwa meyi a mpungi a bangele basatu batanalanda kukuma.