KIEBEXELU 6 - Disambi Dipyadipya

¹ YI nakatebela pakaxipa Mwana a mukwakwa kilembetelu kimokimwe kia sambwali, yi nakakwombwa kipangu kimokimwe kia bipangu bia môyo binai kidi mu kutôya bea yi diyi dia dikongola, ene, Lwaka.

² Nakatebela lolo, yi mona kabala ka susu obo ; yi you akakikama kulu kwako akadl yi buta ; yi kilongo kiakamupebwa ; yi akabatuka udi mu kudika yi bumanya, yi bixedikayi bumanya.

³ Yi pakaxipayi kilembetelu kiamubidi, nakakwombwa kipangu kia môyo kiamubidi kidi mu kutôya ene, Lwaka.

⁴ Yi kamo kabala kakabatuka, kabala ka mumbidi ă maxi ; yi kudi you akaxikama kulu kwako kwakapebwa ndo kuncula polo ku loboko, yi bixexipañana bantu ; yi mwele munene ăkamupebwa.

⁵ Yi pakaxipayi kilembetelu kiamusatu, nakakwombwa kipangu kia môyo kiamusatu kidi mu kutôya ene, Lwaka. Yi nakatebela, yi mona, kabala ka tululu ; yi you akaxikama kulu kwako akadi yi kielekyexelu mu kianca kienci.

⁶ Yi nakakwombwa bea diyi pakacikaci pa bipangu bia môyo binai didi mu kutôya ene, Lwedi lumolumwe lwa masangu a witi ku denalio umoumwe, yi ncedi isatu ya bali ku denalio umoumwe ; mo kwoni ndo manyi ndo malufu a finyo.

⁷ Yi pakaxipayi kilembetelu kiamunai, nakakwombwa diyi dia kipangu kia môyo kiamunai kidi mu kutôya, ene, Lwaka.

⁸ Nakatebela lolo, yi mona, kabala ka susu mubende ; yi you akaxikama kulu kwako, dina dienci ene, Lufu ; yi Adese akalanda yinanci. Yi bumanya bwakabapebwa kulu kwa kicini kimokimwe kia bicini binai bia loboko, ndo kuxipa yi mwele, yi ncala, yi lufu, yi nyama ya bilei ya loboko.

⁹ Yi pakaxipayi kilembetelu kiamutano, nakamona muxi mwa kilongolelu bidimu bia bantu bakaxipibwa bwalo bwa diyi dia Ncembi, yi bwalo bwa ntôbô akatôbôlabo.

¹⁰ Yi bakakwamena diyi dikola ene, Kikondo kinakala beci, Mukyelengi a babala yi a sôsôlwo, kitasosambola Owe, yi kitasosombolesa bantu maxi ecu bamaxikama ku loboko ?

¹¹ Yi miembonda ya susu yakabapebwa, muntu mwoso mwombonda, muntu mwoso mwombonda ; yi bakakwambidibwa ene, bomowi kakondo kabende pôi kikondo kixekukixibwa bambai babo yi bena kwabo baxexipibwa bea biakaxipibwa bobo.

¹² Yi nakatebela pakaxipayi kilembetelu kiamusambomo, yi mona, loboko lwakatepa kutepa kunene ; yi diba diakapinda tululu bea luna dikutu dia nyonyi fu ; yi ngondo muncimancima akalwa luna maxi ;

¹³ mitoto lolo ya diulu yakapona luna bielela muci ă kikuyi mamoma anci a bisusumbala papunyingixibwau yi lupepele lwa ngulu.

¹⁴ Yi diulu diakancudibwa bea luna mwobotaku papubotakibwau, yi lupongo lwoso yi kisala kioso biakancudibwa ku bidi biabio.

¹⁵ Yi bafumu ba loboko, yi bantu banene, yi biliaka, yi badidi, yi bena ngulu, yi bapika boso, yi bena bula boso, bakadisokoka mikyeabo mu ntuxa yi mu mabwe manene a mpongo ;

¹⁶ yi bakatôyela mpongo yi mabwe manene ene, Nuponi kulu kwecu, nutusokoki ku mpala a You amaxikama ku lukwasa, yi ku bisusu bia Mwana a mukwakwa ;

¹⁷ bwalo bwapulwa dituku dinene dia bisusu bienci, yi nani ubili kwemana ?