KIEBEXELU 22 - Disambi Dipyadipya

¹ YI akangwebesa ncedi a mai a môyo, obo luna mai makwata, adi mu kubatuka mu lukwasa lwa Ncembi yi lwa Mwana a mukwakwa.

² Pakacikaci pa mwolongo ă bula yi pa mbalu ibidi ya ncedi pakadi muci ă môyo, udi mu kukama mamoma a miecindu disangi yi ibidi, ku ngondo umoumwe mwocindu umoumwe, ku ngondo umoumwe mwocindu umoumwe ; yi malwa a muci akadi bwalo bwa kupandisa mabila masama.

³ Yi koku kakunakala mulau kabidi nyô ; yi lukwasa lwa Ncembi yi lwa Mwana a mukwakwa lunakala munda momu ; yi basadi banci banamusadila,

⁴ yi banamona mpala anci, yi dina dienci dinakala ku mpala yabo.

⁵ Yi butuku kabunakala koku kabidi nyô, yi kabanakwabila obo a mwinda, ndo obo a diba kumoni ; bwalo bunabatekyela Fumu Ncembi obo ; yi banakala yi bufumu ku mieciya ya mieciya.

⁶ Yi akangwambila ene, Meyi aa adi a kibaku yi a sôsôlwo ; yi Fumu Ncembi a bidimu bia badimuxi akatuma mwangele anci ndo kwebesa basadi band bintu bixelwa mo nkyekyu.

⁷ Yi mona, ndolwa mangwoso. Mulwangwasanibwi ndo you amanama meyi a kidimuxilu kia mukanda ou.

⁸ Yi meme Yoano ndi you akakwombwa yi akamona bintu bebi. Yi panakakwombwa yi panakamona, nakapona ku makasa a mwangele amangwebesa bintu bebi ndo kumuxingila.

⁹ Yi akangutôyela ene, Kwenci noku. Meme ndi musadi amasalañ ana yinebe mudimo, yi bena kwebe badi badimuxi, yi bantu bamanama meyi a mukanda ou. Xingila Ncembi.

¹⁰ Yl akangwambila ene, Kubuciki meyi a kidimuxilu kia mukanda ou ; bwalo budi kikondo pepe.

¹¹ You encenca kutena nkwami, a-enci kutena nkwami kô kô ; you akyesowa, adikyesoli kô kô ; yi you udi yi nkwami, enci yi nkwami kô kô ; yi you udi yi babala, asusudibwi babala kô kô.

¹² Mona, ndolwa mangwo so, yi sayi yamene idi yinami, ya kusayila muntu mwoso bea bidi mudimo ănci.

¹³ Meme ndi Aiafa yi Omenga, you a buxi yi you a nyuma, bubangabanga yi ku sula.

¹⁴ Balwangwasanibwi ndo baba bamakusula bilamba biabo, bixeakanlabo yi bumanya bwalo bwa muci ă moyo, yi bixebwelabo mu bula ku bibwelelu.

¹⁵ Kunci kutani yimbwa, yi baloxi, yi bena mendela, yi bondi, yi bena ngixi, yi muntu mwoso ananga lodimbu yi ulwencenca.

¹⁶ Meme Yisu namatuma mwangele amene ndo kunutôbôlela bintu bebi ntôbô mu bikokye. Meme ndi dicina dia Dafidi, yi mwananci, Mutoto kaikai ă butwatuku.

¹⁷ Yi Mwoxixi yi Muna dibakwa batôya ene, Lwaka. Yi you ombombwa atôyi ene, Lwaka. Yi you udi yi nyota alwi ; you amananga, angati mai a môyo kutena diso.

¹⁸ Ngwatôbôlela muntu mwoso ntôbô ombombwa meyi a kidimuxilu kia mukanda ou ene, Aka muntu mwoso unabodeya kintu ku bintu bebi, Ncembi unamubodeyela masama amafundibwa mu mukanda ou.

¹⁹ Aka lolo muntu unancula meyi a mukanda ă kidimuxilu kieki, Ncembi unancula dikapa dienci ku muci ă môyo, yi mu bula bwa babala, biamafundibwa mu mukanda ou.

²⁰ You atôbôlela bintu bebi ntôbô amatôya ene, Sôsôlwo, ndolwa mangwoso. Amen ; Iwaka, Fumu Yisu.

²¹ Lwoxixi lwa Fumu Yisu Kalistu lwakali yi bena babala boso. Amen.