KIEBEXELU 18 - Disambi Dipyadipya

¹ KUNYUMA kwa bintu bebi, nakamona munga mwangele udi mu kupweka mu diulu, udi yi bumanya bungi ; yi loboko lwakaiumuxibwa yi dikai dienci.

² Yi akakwamena diyi dikola ene, Babelono munene amapona, amapona, amalwa ncibo a bidimu bibi, yi kibumbilu kia kidimu kioso kia mbindu, yi kibumbilu kia nyonyi mwoso a mbindu yi a nyete ;

³ bwalo bwamanwa mabila moso malufu a bisusu bia diendela dienci ; yi bafumu ba loboko bamamwendela mendela, yi bena maso ba loboko bamangata madidi bwalo bwa ngulu ya bodidi bwanci.

⁴ Yi nakakwombwa dinga diyi mu diulu didi mu kutôya ene, Nubatuki munda mwanci, bantu bamene, binutaxesangila yi mabi anci, yi binutaxeangata masama anci ;

⁵ bwalo bwamakwapemañana mabi anci pôi diulu, yi Ncembi amakwela mona anci lukanyi.

⁶ Numufuti bea biamafutayi bantu mikyenci ; numufuti ncedi ibidi bea biamalelekyela yi makisa anci. Mu mpamba amaputolayi yei, numuputoleli ncedi ibidi.

⁷ Bea biamadikayi kuditumbisa yi kwakala yi madidi, numupi kusama yi bidilu bia noku. Bwalo bwamatôyayi mu mucima ănci ene, Ngwaxikama fumu a babakaxi ; kiena mukasa a mufu ; yi kinamona bidilu pô.

⁸ Ku bwalo bobu kunalwa masama anci ku dituku dimodimwe, lufu, yi bidilu, yi ncala ; yi unakwoxebwa mudilu nya ; bwalo butani Fumu Ncembi yi ngulu umwabela.

⁹ Yi bafumu ba loboko bakamwendela mendela yi bakakala yinanci ku madidi anci, banancula masonci yi banadila bidilu ku bwalo bwanci, panamonabo munyinga ă botumba bwanci,

¹⁰ badi mu kwemana kulekule bwalo bwa bowa bwa kipekye kienci, badi mu kutôya lolo ene, Mpeya, mpeya, bula bunene bwa Babelono, bula bwa ngulu. Bwalo bwamalwa lopelo lwebe ku ola umoumwe.

¹¹ Yi bena maso ba loboko banancula masonci yi banadila bidilu ku bwalo bwanci, bwalo butasokwola muntu bima biabo kabidi nyô ;

¹² bima bia ôlo yi bia mpalata, bia mabwe a mapiko yi mabwe a mayamba, yi mbuxa a bwinu a susu, yi a tululu a bwinu, yi a kisuwa yi a mumbidi ă maxi ; mici ya mapiko, yi kintu kioso kia mubanga, yi kintu kioso kia muci ă diso dikola, yi kia kiengele, yi kia kidimadima, yi kia dibwe dia susu ;

¹³ yi kinamono yi amomo ; yi bukula bwa manonu, yi manyi a ncobo, yi bukula bwa ncobo, yi malufu a finyo, yi manyi ; tukula bwa susu, yi masangu a witi, yi ñ ombi yi mikwakwa ; yi bima bia tubala yi bicwadilu yi bapika ; yi bidimu bia bantu.

¹⁴ Yi mamoma akaxindila mucima ӗbe luxindilu amancuka kudi, yi bintu bioso bia lwoxixi yi bia dikai biamakuncimina, yi kabanabisañana kabidi nyô.

¹⁵ Balekañ ani ba bintu bebi, bamalwa yi madidi ku bwalo bwanci, banakwemana kulekule bwalo bwa bowa bwa kusama kwanci, badi mu kuncula masonci yi mu kudila bidilu

¹⁶ ene, Ai ! Ai ! bula bunene, bwakalatixibwa mbuxa a bwinu a susu, yi a tululu a bwinu yi a mumbidi ă maxi, yi bwakabongexebwa yi ôlo yi mabwe a mapiko yi a mayamba ;

¹⁷ bwalo bwamapixibwa madidi bungi noku ku ola umoumwe. Yi kapitene koso ka kibusu, yi muntu mwoso amakwenda ku kibusu, yi bena bibusu boso, yi bantu boso badi yi midimo ku mai manene, bakakwemana kulekule,

¹⁸ yi pakamonabo munyinga ă botumba bwanci bakakwamena ene, Bula kai bulexi yi bula bobu bunene ?

¹⁹ Yi bakapula yimbwi kulu kwa micwe yabo, yi bakakwamena, yi bakancula masonci yi bakadila bidilu, ene, Ai ! Ai ! bula bunene, bwakatekyebwa bantu boso yi madidi munda mwabu bakadi yi bibusu biabo mu mai manene, bwalo bwa bodidi bwabu ; bwalo bwamapixibwabu ku ola umoumwe.

²⁰ Diulu, xekyelela ku bwalo bwabu ; yi nuxekyeleli, bena babala, yi nonu batumibwi, yi nonu badimuxi ; bwalo bwamabubela Ncembi yi lopelo lwenu.

²¹ Yi mwangele a ngulu akakwongula dibwe, luna dibwe dinene diapelebwa masangu, yi akadiela mu mai manene, ene, Babelono, bula bunene, bunantuntudibwa mo nako ntuntu, yi kabusosananibwa kabidi nyô.

²² Yi diyi dia bena sese yi dia bena biombelu yi dia bena mixembi yi dia bena mpungi kadinakwombwebwa munda mwebe kabidi nyô ; yi munda mwebe kamunasananibwa kabidi mukixi a mudimo mwoso nyô ; yi diyi dia dibwe diapelabo masangu kadinakwombwebwa munda mwebe kabidi nyô ;

²³ yi obo a mwinda kanalumuka munda mwebe kabidi nyô ; yi diyi dia mwangaci a dibakwa yi dia muna dibakwa kadinakwombwebwa munda mwebe kabidi nyô ; bwalo bwakadi bena maso bebe bantu banene ba loboko ; bwalo bwakadimbibwa mabila moso ku buloxi bwebe.

²⁴ Yi munda mwabu mwakasañanibwa maxi a badimuxi yi a bena babala, yi a bungi bwa bantu bamaxipibwa pa loboko.