FILIPI 1 - Disambi Dipyadipya

¹ PAULU yi Timoteo, basadi ba Kalistu Yisu kudi bungi bwa bena babala mu Kalistu Yisu badi ku Filipi, yi batebedi yi basadi ba kikokys ;

² lwoxixi lwakali yinenu yi polo kudi Ncembi Tetecu yi Fumu Yisu Kalistu.

³ Ngwaxingila Ncembi amene biloba ku lukanyi lwoso lungwelela ku bwalo bwenu.

⁴ Matuku moso ku lulombu Iwamene lwoso lungwalombela bungi bwenu, ndi mu kulomba yi kiango ;

⁵ bwalo bwa busangilañani bwenu yi losangu lunengela pôi dituku dia buxi pôi nkyekyu.

⁶ Namalubukwa bwalo bobu sôsôlwo ene, You akabanga mudimo unengela munda mwenu unausudeya poi dituku dia Yisu Kalistu.

⁷ Kudi yi nkwami meme kwakala yi lukanyi lolu ku bwalo bwenu bungi bwenu, bwalo bunudi yinami mu mucima ěnu. Ku nkanu yamene, yi pa kukyata bwalo bwa losangu lunengela, yi pa kulusubisa, nonu bungi bwenu nudi babanyañani yinami ku lwoxixi lwamene.

⁸ Bwalo budi Ncembi mutôbôdi amene munamanudila bungi bwenu mu mala a Kalistu Yisu.

⁹ Yi ngwalomba noku ene, nyinga yenu yilekoli bungi bungi ku kilubukilu kioso yi mayala moso ;

¹⁰ binuxekwalakana malo amadika kunengela ; binuxeakala bena sôsôlwo kutena bwalo bubi pôi dituku dia Kalistu ;

¹¹ bwalo bunwamakwolubixibwa yi dimoma dia nkwami dilolwa kudi Yisu Kalistu, ndo kulundisa dikai dia Ncembi, yi lotumbu lwanci.

¹² Mo ngwakyeba nuxelubukwa bakunyi, ene, malo amene amanguponena amalanda kulundisa losangu lunengela ;

¹³ mbwôso nkanu yamene yamakwebexebwa ene, idi bwa-lo bwa Kalistu ku bungi bwa muxengi ă Kyesa, yi kudi banga bantu boso.

¹⁴ Nako bakunyi bangi, biamakwetabuxilabo Fumu bwalo bwa nkanu yamene, bamalekola yi mucima ă kutôya diyi dia Ncembi kutena bowa.

¹⁵ Banga sôsôlwo bamakwambila dia Kalistu isanga ku mwokunyo yi ku kitumba ; yi banga kabidi ku kiango.

¹⁶ Baba noku bencenca ku nyinga, bwalo bwamalubukwabo ene, namatekyebwa ndo kukyata bwalo bwa losangu lunengela ;

¹⁷ kate banga basakola Kalistu ku mpeto, kumoni yi sôsôlwo, bamakisa ndo kulundisa buxitu ku bwalo bwamene ku nkanu yamene.

¹⁸ Mbwôso kai ? Ku mukixilu mwoso, ndo ă mancanga ndo ă sôsôlwo, kwamasakolebwa Kalistu ; yi ngwaxekyelela bwalo bobu ; ya, yi nakubuxekyelela.

¹⁹ Bwalo bungwalubukwa ene, nako kunakwencañana m ku kipandukilu kiamene, bwalo bwa lulombu lwenu, yi bwalo bwa kuyiba kwa Mwoxixi a Yisu Kalistu.

²⁰ Bea bidi kidingidilo kiamene yi mudingidilu ămene ungwadingidila sosonyi, ene, kinaxipibwa bundu ku kintu kioso, kate Kalistu unalundixibwa nkyekyu kabidi bea matuku ku moso ku mumbidi ămene yi mucima mwoso, ndo ku lufu ndo ku môyo.

²¹ Ku bwalo bwamene, kwakala yi môyo kudi Kalistu, yi kufwa kudi kutetowa.

²² Mo ndo bwalo bwamene budi kwakala yi môyo, nako kudi kwakala yi mamoma ku mudimo ămene ; mbwôso mwa kusungula meme kisolubukwa.

²³ Ndi mu kuntunka ntunka ku malo abidi ; ndi yi nyinga ya kuncuka kuya akala yi Kalistu, yi bwaio bobu bwamadika kunengela kungi kungi ;

²⁴ kaninga ausala mu munyu kwamadika loko ku mucwe ěnu.

²⁵ Yi bwalo bundi yi kwetabusa kwa noku, ngwalubukwa ene, nakusala ; ya, yi nakusala yinenu bungi bwenu bwalo bwa kulundbdbwa kwenu, yi bwa kiango kienu kia kwetabusa ;

²⁶ bixelekola mwanu ěnu mu Kalistu Yisu ku bwalo bwamene, bwalo bwa meme kwakala yinenu kabidi.

²⁷ Mo nwendi yi mwosambu ălelekyela yi losangu lunengela lwa Kalistu ; mbwôso aka meme ndolwa numona, ndo ambeci ndi kunga, gi nxekwombwa dia mwakadilu ěnu ; ene, nudi mu kwemana bô, yi kidimu kimokimwe yi mucima umoumwe ;

²⁸ nudi mu kutandila kwetabusa kwa losangu lunengela, kutena kucina pô bwalo bwa bantu batanda yinenu. Nako kudi kilayixilu kia kuxipibwa ku meso abo, mo kia kupandixibwa kwenu, kiloiwa pako kudi Ncembi.

²⁹ Bwalo bwamanupebwa ku mucwe ă Kalistu, kumoni kumwetabuxila kutupu, kate kutata kabidi ku bwalo bwanci ;

³⁰ bwalo bunudi yi mbita ulexi yi you unwakamona munda mwamene, yi unwombombwa nkyekyu ene, udi munda mwamene.