EBELEO 9 - Disambi Dipyadipya

¹ MBWÔSO isanga disambi dia buxi diakadi kabidi yi mixiyilu ya kixingilu kia Ncembi ; yi kidi kiadio kia babala kia kwelekyesa kipangu kincimancima.

² Bwalo bwakalungikibwa ncibo a bixeba, ngumbu a buxi akadi mwinda munda, yi mesa, yi kiebexelu kia mampa ; kayou amabikidibwa ene, Kidi kia babala.

³ Mo kunyuma kwa ngumbu a mbuxa amubidi, ncibo amabikidibwa ene, Babala a babala ;

⁴ akadi yi mpamba a manonu a ôlo yi muxeti ă disambi muncibika dyendeli yi ôlo, ăkadi yi dibungu dia ôlo diakadi “ Mana ” munda, yi kanonge ka Alono kakapandika masusu, yi bikidi bia disambi ;

⁵ yi kulu kwau kwakadi bakyelubi ba dikai bakakwengamina nkwasa a mwengo. Ku bwalo bwa bintu bebi katubiyi kutôya ku kintu ku kintu nkyekyu.

⁶ Mbwôso pakadi bintu bebi biamalungikibwa, makanda akabwela bwela matuku moso mu ncibo a buxi, akadi mu kunama kixingilu ;

⁷ mo mu ncibo amubidi mwakabwela bokanda bunene butupu, dibwela dimodimwe ku mbula umoumwe, kumoni kutena maxi, akalongolayi ku mucwe ănci mikyenci yi ku mucwe ă malo a bwilwa a bantu.

⁸ Mwoxixi a babala akakwebesa nako ene, ncila a kubwela mu kidi kia babala akadi ukidi kasokwebexebwa, pakadi ncibo a buxi ukidi mu kwemana ;

⁹ udi kielekyexelu ku bwalo bwa kikondo kia nkyekyu ; yi ku bwalo bwanci kwakaiongolebwa yi malongi yi bixipilu bitasolubukwa kukukisa muxingidi a kixingilu ku kilubukilu kia munda ;

¹⁰ bidi mo ku mucwe ă kudya yi ă kunwa yi ă binga binumeyelu, mixiyilu ya munyu yakaxiyibwa pôi kikondo kla kikwameyelu kia bintu.

¹¹ Mo Kalistu akalwa Bokanda bunene bwa bintu binengela bilolwa, bwalo bwa ncibo amadika munene yi amadika kukuka, utasopangibwa ku makad, kulexi yi kutôya ene, kumoni a kipangu kiekio,

¹² yi kumoni lolo ku mucwe ă maxi a mbuxi yi a bana ba ñombi, mo ku mucwe ă maxi anci mikyenci, kwakabwelayi ku kikondo kimokimwe dyendeli nya mu bidi bia babala, bwalo bwakadiyi amasañana mpiku ya kô kô.

¹³ Bwalo ndo maxi a mbuxi yi a ñombi, yi macu a mwana a ñombi, pa kucakibwa kulu kwa bena mbindu, amabalola bantu bwalo bwa kususula kwa munyu ;

¹⁴ ka maxi a Kalistu, akadilongola mikyenci kudi Mwoxixi a kô kô ku mpala a Ncembi, kutena kantobo kamokamwe, amadika kususula kilubukilu kienu kia munda bwaio bwa makisa mafu, ndo kusadila Ncembi a môyo ?

¹⁵ Yi ku mucwe ou kudiyi musambodi a disambi dipyadipya ; nako, bwalo bwamafwibwa lufu, kipikudilu kia mabi akakwencebwa muxi mwa disambi dia buxi, bobo bamabikidibwa baxeangata kilaka kia mwokito ă kô kô.

¹⁶ Ku kidi kioso kiapwakala mukanda ă mwokito, koku kudi dibambu dia lufu kufwibwa lwa you akaufunda.

¹⁷ Mukanda ă mwokito ulolwa bwalo, panakaia bantu bamafwa ; yi kausolwa bwalo pô pakala mufundi au ukidi yi môyo.

¹⁸ Mbwôso isanga disambi dia buxi diakadi kadisobangolebwa kutena maxi.

¹⁹ Pakadi mulangu mwoso ămatôyebwa ă bwadi ku macu a bungi bwa bantu kudi Mosese, akangata maxi a bana ba ñombi yi a mbuxi, yi mai, yi nyonyi ya mikwakwa ya telelelele, yi usopo, yi akacaka yi mukanda mikyeu yi bungi bwa bantu,

²⁰ ene, Aa ndo maxi a disambi diamanulanga Ncembi.

²¹ Yi ncibo a bixeba kabidi yi bungi bwa mpamba ya kixingilu ndo akacakayi mo nako yi maxi.

²² Yi ku bwalo bwa bwadi, bintu bidi mo bibende nci bitasosusudibwa yi maxi, yi kutena kuncula kwa maxi, kakuna kulekyelebwa kwa mabi pô.

²³ Mbwôso dibambu diakadiko dia bielekyexelu bia bintu mu melu kulu kususudibwa ku bintu bebi ; mo bintu mikyebio bia mu melu kulu ku bixipilu biamadika bebi binengela.

²⁴ Bwalo butabwela Kalistu mu bidi bia babala biamapangibwa ku makaci, biakadi yi bufwani bwa bebi bia sôsôlwo ; kate mu diulu mikyedio, ndo kumoneka ku mpala a Ncembi nkyekyu ku micwe yecu ;

²⁵ yi kumoni kudilongola mikyenci i malongola mangi, bea biamabwela bokanda bunene mu bidi bia babala ku mbula mwoso yi maxi atena anci ;

²⁶ ximbi noku uxetata matata mangi pôi kibangolelu kia loboko. Mo nkyekyu amakwebexebwa diebesa dimodimwe ku sula kwa mieciya ndo kuncula bubi ku kixipilu kia mikyenci.

²⁷ Yi bea biakalungikidibwa bantu ndo kufwa difwa dimodimwe, yi kunyuma kwaku ndo kubelebwa,

²⁸ mo i nako Kalistu kabidi, bwalo bwamalongolebwayi dilongola dimodimwe ndo kucwala mabi a bantu bangi, unamoneka diamubidi kutena bubi kudi bantu bamwadingidila, ku kipandilu kia môyo.