EBELEO 11 - Disambi Dipyadipya

¹ KWETABUSA lolo kudi kilubukilu ko kia bintu biamadingidibwa, kiebexelu kia malo atasomoaebwa.

² Ku bwalo bwaku kwakatôbôlelebwa babakulu ntôbô.

³ Ku kwetabusa ndo kutwalembetela ene, mboko yakalungikibwa ku diyi dia Ncembi, mbwôso kipangu kiamamonebwa ku meso kiakadi kakisopangibwa ku bintu biamamoneka.

⁴ Ku kwetabusa kwakaiongola Ebele kbdpilu kudi Ncembi kiakadika kia Kyene kunengela, yi yei akatôbôlelebwa ntôbô ku bwalo bwakio ene, udi yi nkwami, bwalo bwakatôbôla Ncembi ntôbô dia malongi anci ; yi isanga amafwa ukiatôya kudikio.

⁵ Ku kwetabusa kwakakulumunibwa Enoko, bitaxemonayi lufu, yi akadi kasosañanibwa bwalo bwakamukulumuna Ncembi ; yi buxi bwa kukulumunibwa kwanci kwakatôbôlelebwayi ntôbô ene, amaxekyelesa Ncembi.

⁶ Mo kutena kwetabusa kababiyi kumuxekyelesa ; bwalo you ulolwa kudi Ncemoi udi yi dibambu dia kwetabusa ene, Yei udiko ; yi ene, udi musayidi a bantu bamwapalala.

⁷ Ku kwetabusa, Nowa, pakadimuxibwayi kudi Ncembi dia bintu biakadi bikidi kabisomonebwa, akatepexebwa yi bowa bwa Ncembi, yi akalungika kibusu ku kupandixibwa kwa bena nkumbu anci ; yi mo nako akabela loboko, yi akalwa muna mwokito a kukita nkwami yei idi ya kwetabusa.

⁸ Ku kwetabusa, Abalami, pakabikidibwayi, akakwedeya kuya ku kidi kixeangatayi ku mwokito kunyuma ; yi akabatuka kutena kulubukwa kuyeyayi.

⁹ Ku kwetabusa kwakalwayi muntu a babene mu mbata a kilaka, luna mu mbata munga, udi mu kwakala mu ncibo ya bixeba yi Isaka yi Yakobo, bakitañani yinanci ba kilaka kieki ;

¹⁰ bwalo bwakatebelelayi bula budi yi bibangolelu bô, budi yi mupangi abu yi mwabaki abu Ncembi.

¹¹ Ku kwetabusa kabidi kwakangata Sala mikyenci ngulu ya kwembita mwana pakadi amadika lwedi lwa kulela, bwalo bwakamwencayi ene Udi muna kibaku akaxiya kilaka ;

¹² ndo biakalelebwa bantu kudi muntu umoumwe, yi you luna muntu amaxipibwa, badi bungi bea mitoto ya diulu, yi bea yimbwi idi ku mwanca ă mai manene yitasobadibwa.

¹³ Bantu boso baba bakamafwa mu kwetabusa, bakadi kabangacili bilaka, kate bakabimona kulekule yi bakabixekyelela, yi bakasakola ene, badi bantu ba babene yi bena ngendo ku loboko.

¹⁴ Bwalo bantu batôya malo a noku bamakwebesa ene, badi mu kupalala mbata abo mikyeabo.

¹⁵ Yi ndo baxeakala bamakwela mbata you nkanyi akancukabo kudiyi, baxeakala yi kipoma kia kupinana.

¹⁶ Mo nkyekyu bamakyeba munga amadika loko udi a diulu ; mbwôso Ncembi kasobafwila bundu ndo kubikidibwa ene, Ncembi abo ; bwalo bwamabalungikilayi bula.

¹⁷ Ku kwetabusa, Abalami, pakakwelekyexebwayi, akalongola Isaka ; yi you akaxekyeiela kwangata bilaka akadi mu kulongola ditôi dienci ;

¹⁸ you akatôyebwa ku bwalo bwanci ene, Mu Isaka munabikidibwa bana bebe ;

¹⁹ bwalo bwakabalayi ene, Ncembi ubili kubisa muntu isanga kudi bafu, kwakamwangatayi kabidi ku mwele.

²⁰ Ku kwetabusa kwakalwangwasana Isaka Yakobo yi Esô isanga ku bwalo bwa bintu bilolwa.

²¹ Ku kwetabusa, Yakobo, pakadiyi mu kufwa, akalwangwasana mwana mwoso a bana ba Yosefe, yi akaxingila Ncembi udi mu kwengama kulu kwa mucwe ă mulangala ănci.

²² Ku kwetabusa, Yosefe, paxemanayi môyo ănci, akakwela kibatukilu kia bena Isalele lukanyi, yi akalanga mulangu ku bwalo bwa mifwa yenci.

²³ Ku kwetabusa, Mosese, pakalelebwayi, akasokokyebwa ngondo isatu kudi tetenci yi mamanci bwalo bwakamumonabo udi lwoxixi ; yi bakadi kabasocina mulangu ă fumu.

²⁴ Ku kwetabusa, Mosese, pakalundayi mwamukulu, akanyañana kubikidibwa mwana a Falowa mwananci ;

²⁵ akasungula ndo kukoiomonebwa yi bantu ba Ncembi ndonga, kumoni kwakala yi mixekyelelu ya bubi idi ya kikondo kibende.

²⁶ Akabala dia bundu bwa Kalistu ene, budi bodidi bwamadika bima bia Ecipito loko ; bwalo bwakadingilayi sayi ya difuto.

²⁷ Ku kwetabusa kwakakadeyayi Ecipito kutena kucina bisusu bia fumu ; bwalo bwakaxinayi yi bwika bea ndo amamona you utabiyi kumonebwa ;

²⁸ Ku kwetabusa kwakanamayi Kidikixilu, yi kucaka kwa maxi, bitaxebakuma muxipañani a bana ba buxi.

²⁹ Ku kwetabusa kwakadikabo munda mwa Mai a Kakula bea mu mbata mwomu ; yi bena Ecipito, pakakwelekyesabo kwenca nako, bakafwa mu mai.

³⁰ Ku kwetabusa kwakapona bididi bia Yeliko paxi, pakadi biamacimbidibwa matuku sambwali.

³¹ Ku kwetabusa ndo kutafwili mudibi Layaba yi bantu batakwetabusa, pakadi amangata balengedi yi polo.

³² Yi nakutôya manga meyi beci ? Bwalo buxesaka kikondo ndo kutôya dia Ngideono, yi dia Balaka, yi dia Samasono, yi dia Yefata ; dia Dafidi yi dia Samwele yi dia badimuxi.

³³ Ku kwetabusa kwakapwesabo mafumu, yi bakakwenca nkwami, bakangata bilaka, bakakanda misuku ya ntambwi,

³⁴ bakancima ngulu ya mudilu, bakapanduka ku mpala a mwele, mu bubombu ndo mwakatekyebwabo yi ngulu, bakalwa bena mpinyu ku mbita, bakacumuna masalai a bantu babene.

³⁵ Bakakaxi bakangata bafu babo kabidi ku kubisa kwa bafu ; yi banga bakakumibwa pa lufu kutena kwetabuxila kipikudilu ; bixesañanabo kubixibwa kudi bafu kwamadika loko ;

³⁶ yi banga bakakweiekyexebwa ku misudisu yi ku miekaba kukumibwa, ya, yi ku nkanu yi mu ncibo ya nkanu.

³⁷ Bakakwelebwa mabwe, bakabayibwa pakacikaci ku sao, bakakwelekyexebwa, bakaxipibwa ku mwele ; bakasambasamba mu bixeba bia mikwakwa yi bia mbuxi ; bakadi yi bokombi, bakafinibwa, yi bakakolomonebwa ;

³⁸ (loboko lwakadi kalusolelekyela yinabo) ; bakaungaunga mu mbata ya xexenga yi ku mpongo, yi mu ntuxa yi mu mena a loboko.

³⁹ Yi bungi bwa bantu baba, pakadi bamatôbôlelebwa ntôbô bwalo bwa kwetabusa kwabo, bakadi kabasoangata kilaka ;

⁴⁰ bwalo bwakatumonena Ncembi bunga bwalo ku buxi bwamadika loko, bitaxekukixibwabo kutena coco.