2 TESALONIKA 2 - Disambi Dipyadipya

¹ TUNWALOMBA lolo bakunyi, bwalo bwa kilulu kia Fumwecu Yisu Kalistu, yi bwa kikokaminu kiecu kudiyi,

² kumoni kutepexebwa mangwoso ku lukanyi, kunyingixibwa kumoni, ndo kudi kidimu, ndo ku diyi, ndo ku mukanda bea luna mukanda ěcu, ămafundabo ene, dituku dia Fumu didiko.

³ Muntu kanudimbi pô ; bwalo butasolwadio kutena musalu ămaiwa buxi, yi you a bubi amakwebexebwa, mwana a buncimini ;

⁴ amatandañana yi kintu kioso kiamabikidibwa ene, Ncembi, ndo kiamaxingidibwa ; amadibandisa mikyenci kulu kwakio ; biamaxikamayi mu tempelo a Ncembi, udi mu kudiebesa mikyenci, ene, ndi Ncembi.

⁵ Nonu kanusokwela nkanyi munakanwambila bintu bebi, binakadi yinenu ?

⁶ Nkyekyu nwalubukwa kiximbilu kimwaximba bixekwebexebwayi mu kikondo kienci.

⁷ Bwalo bwamakisa bwisa bwa bubi isanga nkyekyu, mo muximbanani udiko nkyekyu, pôi kikondo kinancudibwayi.

⁸ Yi ku kikondo kieki kunakwebexebwa you a bubi unancimisa Fumu Yisu yi mwoxixi ă musuku ănci, unalengolayi ku kimonekyelu kia kilulu kienci ;

⁹ isanga you udi yi kilulu kienci yi nkambi ya Satana, yi ngulu mioso, yi bilembetelu, yi bikamakama bia ncimi,

¹⁰ yi lodimbu Iwoso lwa kwona, bwalo bwa bantu badi mu kuncimixibwa ; bwalo bwakadibo kabasoangata nyinga ya sôsôlwo, bixepandixibwabo.

¹¹ Mbwôso Ncembi unabatumina kisadixilu kia bwilwa, bixekwetabusabo ncimi,

¹² bixebelebwabo bungi bwabo batasokwetabusa sôsôlwo, kate baxekyelela kwona.

¹³ Mo tudi yi bwalo bwecu bwa kuxingila Ncembi biloba ku micwe yenu matuku moso, bakunyi, banangibwi ba Fumu ; bwalo bwamanusungula Ncembi pôi bubangabanga ndo kupandixibwa, ku kubalolebwa kudi Mwoxixi yi ku kwetabusa kwa sôsôlwo,

¹⁴ kwakanubikilayi ku losangu lwecu lunengela ku kwangata kwa dikai dia Fumwecu Yisu Kalistu.

¹⁵ Mbwôso, bakunyi, nwemani bô ; nubambi mambi anwamakweyexebwa ndo ku diyi, ndo ku mukanda ăcu.

¹⁶ Nkyekyu Fumwecu Yisu Kalistu mikyenci, yi Ncembi Tetecu akatunanga, akatupa kibondelu kia kô kô, yi mudingidilu unengela bwalo bwa lwoxixi,

¹⁷ abondi micima yenu, anusubisi mu mudimo mwoso unengela yi mu diyi dioso dinengela.