2 TESALONIKA 1 - Disambi Dipyadipya

¹ PAULU yi Silasa yi Timoteo kudi kikokye kia bena Tesalonika mu Ncembi Tetecu yi Fumu Yisu Kalistu,

² lwoxixi lwakali yinenu yi polo kudi Ncembi Tete yi Fumu Yisu Kalistu.

³ Tudi yi dibambu dia kuxingila Ncembi biloba ku bwalo bwenu matuku moso, bakunyi, bea bidi loko ; bwalo bwamalunda kwetabusa kwenu kungi, yi nyinga yenu yamalekola bungi yinwanangañana bungi bwenu, muntu muna kwanci, muntu muna kwanci ;

⁴ bitwamanuxekyelela mikyecu mu bikokye bia Ncembi ku bwalo bwa bwika bwenu yi bwa kwetabusa kwenu mu makolomona enu moso anwamakolomonebwa, yi mu maxitu enu moso anudi mu kwombwa.

⁵ Nako ndo kilayixilu kia kusambola kwa Ncembi kwa nkwami ; binuxebadibwa ene, nwamalelekyela yi bufumu bwa Ncembi bileli, bunwamatacila kabidi.

⁶ Bwalo bwapwakala nkwami yi Ncembi ndo kupingasa buxitu kudibo banwateka yi buxitu ;

⁷ yi kunwomowesa yinecu ndongo, nonu bamatekyebwa mpeya, ku kikondo kinakwebexebwa Fumu Yisu mu diulu yi bangele ba mpinyu yenci,

⁸ yi mudilu ña ña ña ; udi mu kutombokyela bantu batasolubu kwa Ncembi, yi bobo batasokwedeya losangu lunengela lwa Fumwecu Yisu Kalistu.

⁹ Banabelebwa lopelo ; isanga kuncimixibwa kwa kô kô ku mpala a Fumu, yi ku dikai dia mpinyu yenci,

¹⁰ panalwayi kulwa tumbixibwa mu bantu banci ba babala ku dituku dedi, yi kukaminibwa mu bantu boso bamakwetabusa, bwalo bwakakwetabuxibwa ntôbô yecu kunudi.

¹¹ Mbwôso tunwalombelela kabidi matuku moso, Ncembi ecu anubali ene, nwamalelekyela yi kubikidibwa kwenu bileli, akukisi muxekyelelu mwoso ă kunengela kwanci yi mudlmo ă kwetabusa, yi ngulu ;

¹² bixetumbixibwa dina dia Fumwecu Yisu munda mwenu, yi nonu munda mwanci, bea bialelekyela yi lwoxixi lwa Ncembi ecu yi Fumu Yisu Kalistu.