1 TESALONIKA 3 - Disambi Dipyadipya

¹ MBWÔSO pakadi katubiyi kupudikila kabidi, twakamona loko kuxiyibwa ku Atene, mikyecu batupu,

² yi twakatuma Timoteo, mwakunyecu yi musadi a Ncembi mu losangu lunengela lwa Kalistu, ndo kunusubisayi kunubondabonda bwalo bwa kwetabusa kwenu ;

³ bitaxenyingixibwa muntu umoumwe ku maxitu aa ; bwalo bunwalubukwa mikyenu ene, twamanamunibwa kudio.

⁴ Bwalo butwakanudimusa buxi, pakadi tutani yinenu, ene, tuxekwombwexebwa buxitu, bea biamalwa noku, yi nonu nwamalubukwa.

⁵ Mbwôso meme kabidi, panakadi kibiyi kupudikila nyô, nakatuma ene, Ndubukwi kwetabusa kwenu, ximbi ambeci mwelekyexi amanwelekyesa, yi mudimo ěcu uxeakala kanana.

⁶ Kaninga papulwa Timoteo mo nkyekyu kutudi, amancuka kunudi, amatucwadila losangu lunengela lwa kwetabusa kwenu yi lwa nyinga yenu, yi binwamatwela nkanyi matuku moso, nudi mu kukyeba kutumona bea coco kabidi kunumona ;

⁷ mbwôso bakunyi, twamabondebwa ku micwe yenu mu bungi bwa buxitu bwecu, yi mpeya yecu, bwalo bwa kwetabusa kwenu ;

⁸ bwalo bututani yi môyo nkyekyu ndo nonu nwamakwemana mu Fumu bô.

⁹ Tunaxinga Ncembi yi biloba kai ku bwalo bwenu ? ku mucwe ă kiango kioso kitwaxekyelela yinakio ku micwe yenu, ku mpala a Ncembi ecu ;

¹⁰ tudi mu kulomba kungi kungi yi ku Dutuku yi ku munyinya, bituxelwa mona mpala yenu, yi bituxekukisa kintu kioso kiamasaka mu kwetabusa kwenu.

¹¹ Nkyekyu Ncembi ecu yi Tetecu mikyenci, yi Fumwecu Yisu axembeyi ncila ecu a kulwa kunudi ;

¹² yi Fumu anulundisi yi anulekolesi yi nyinga, muntu mwoso kudi muna kwanci, yi kudi bantu boso, bea bitwakala kabidi yinenu ;

¹³ bixesubisayi micima yenu mu babala utena bwalo bubi, ku mpala a Ncembi Tetecu, ku kilulu kia Fumwecu Yisu yi bantu banci boso ba babala.