३ योहान्ना 1 - ॱलोवा1 ङी ॱङोन्नेगी चेवा झ्येजा, ङी चेवे रोवा गायुला, ङा गेम्पाने यीक दे ढीयाहीन। 2 चेवे रोवाओ, ख्यी़ सेम्ङीला थाङा हो़गीन च्योक्रे, दो़न घीरीला ख्यो़ला शाङा हुङये धाङ ख्यी़ ली़ थाङा हुङास्योक ॱनेरी, ङा ॱमो़लाम ग्यावीहो़क। 3 पी़न रीङगा होरी, ख्यो़ धेन्पाला तेन्ती मीजी क्याली ॱनेरी, ख्यी़ धेन्पाला खुङक्याई पाङपो झ्यीदाराङ, ङा ॱमीच्यीकी ङ्यामो घेजुङ। 4 ङी टुवाक्या धेन्पाला तेन्ती मीजी क्यागीन, लाब दे घोरयेने ल्हाक, घाटो क्षे ङाला श्येम्मा घीया मेक। 5 चेवे रोवाओ, पी़नक्या ङो ॱमेस्येगीन हीन्नाः ख्यी़ खुङक्याला रोवा झ्येरी, ख्यी़ ॱलो का थुप्कीन लेगा झ्येदुक। 6 खुङक्याई ख्यी़ झाम्पागी कोरला, क्षो़छोकदु पाङपो झ्येजुङ। को़न्क्षोकला थुक्ङेउ हुङगीन चो़लामला, खुङक्याई डु ग्याप्येगी क्षीदु ख्यी़ खुङक्याला च्योई रोवा झ्यीरोझ्यी। 7 घीझ्येरी ॱनाना धेपा मीझ्यीगीनक्याने खुङक्याई रोक्राम घीया मालेन्बा, खुङक्या खोङबागी छेनगी क्षीदु डुला थो़न्दुक। 8 होझ्येरी धेन्पे दो़न्दु होराङमुला लेगा झ्यीये क्षीदु, देरे मीक्याला होराङ ग्यापक्यो़र झ्यीघो़। 9 ङी क्षो़छोकला यीक च्यीक ढीक्पालाक हीना राङला थोस्योक चीगीन दीयोटेरेफे ॱनागीन, मीगी हीकी वाङला या मीझ्यीदा। 10 होझ्येरी ङा हुङी घाङला, खी़ घी झ्यीगीन लेगाक्याई कोरला ङा लाब झ्यीयेहीन। खी़ हीकी कोरला, लाब ङेन्पाक्या स्येदीक। धेनी देला च्यीगा दो़पा ॱमाखाङा, खी़ श्येम्मा मास्यीकावा पी़नक्यालाः ॱनेचाङ ॱमेयारालाक धेनी ॱयारङी दो़गीनक्याला खी़ काः लाक धेनी खुङक्याला क्षो़छोकने पी़दी जाङालाक। 11 चेवे रोवाओ, ङेन्पागी पे माशीम हीना शाङा हीन्गीनगी पेगो लेन। शाङा झ्यीगीनगो नी, को़न्क्षोकगी मी लाक। धेनी ङेन्पा झ्यीगीनगी़ को़न्क्षोकला ज्याङ्युङ मेतालाक। 12 देमेतीरीहुगी कोरला, मी घीरीगी लाब घा ताङी धेनी धेन्पागीयाः देला पाङपो झ्यीदीक। हेक्याः पाङपो तेराहीन धेनी हीकी पाङपो धेन्पा लाक ॱनेरी, ख्यी़ स्येलालाक। 13 ङा ख्यो़ला ढीक्ये माङा हो़क हीना ङा ॱङ्यु धाङ ॱनाक्चागी, होदेक्या ढीक्ङी मेदो़दा। 14 ङा ख्यो़ला ग्योक्वा थुक्येगी रेवा हो़क धेनी ङो थुक्ती लाब ताङु। 15 ख्यो़ला श्यीदे हुङास्योक। दुरु हो़गीन रोवाक्याई, ख्यो़ला छाम्डी श्यी़क धेनी होदुरु हो़गीन रोवाक्याला रे-रेगी मीङ भो़री, छाम्डी श्यी़रोझ्यी। |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.