२ थेसालोनीकेपा 1 - ॱलोवा1 पाउलु धाङ सीलवानु धाङ तीमोथेउ सुमगी, थेसालोनीकेदु हो़गीन, याप को़न्क्षोक धाङ चोवो येशु मास्यीकागी क्षो़छोकला, 2 होरी याप को़न्क्षोक धाङ चोवो येशु मास्यीकागी, खेक्याला थुक्जे धाङ श्यीदे ॱनाङास्योक। चोवोगी ठीम्चो़ ॱनाङवा 3 पी़न्दाक्याओ, खेक्याई क्षीला हेक्या च्योई को़न्क्षोकला काटीन्क्षे श्यु घोली धेनी दे श्यु घोयेदुक घीझ्येरी ॱनाना खेक्याई धेपा ॱमीच्यीकी फेदुक धेनी फेन्छुनक्या नाङदुवा चेवा क्षेरु डी़। 4 खीकी दुक्ङेलक्या धाङ ङ्याङेनक्या खोकला शो़पा झ्येरी, धेपाला तेन्पो झ्येरी, हेक्या च्योई को़न्क्षोकगी क्षो़छोकक्याई खोक्दु ङोमी हो़क। 5 धेनी को़न्क्षोकगी ग्यासी नाङदु, खेक्या डो थुप्ये मी झ्युङयेगी दो़नला, खेक्याई दुक्पु ङ्याङगीनगो को़न्क्षोकगी ठीम्चो़ ढाङपोगी पाङपो लाक। 6 को़न्क्षोक नी ढाङपो झ्युरी, खोङबागी खेक्याला दुक्पु ताङगीनक्याला दुक्पु ॱनाङगीलाक 7 धेनी खे दुक्पु ङ्याङगीनक्याला हीकीमुला, खोङबागी ङासु ॱनाङगीलाक। चोवो येशु राङगी तोप स्युक्चेनगी भाङछेनक्यामुला नाम्खे श्यीङखामने, मेचे भारकीन नाङने ज्याली घाङला दे झ्युङगीलाक। 8 होदे घाङला को़न्क्षोकला ङो ॱमेस्येगीनक्या धाङ होरी चोवो येशुगी ताम्शाङला ॱमीचीगीनक्याला, खोङबागी छेपा का जेगीलाक। 9 चोवोगी ॱमीक्वाने धाङ खोङबागी शीजेगी वाङने, खा टारी खुङक्याला थामेगीन छीवागी छेपा फोक्कीलाक। 10 दे नी चोवो फेप्कीन ङीमाला झ्युङगीलाक। होदे ङीङमो खोङबाला राङगी धाम्पे मीक्याने, शीजे थोप्कीलाक धेनी धेपा झ्यीगीन घीरीने तो़पा राक्कीलाक। मी देक्या नाङ खेक्या छी़गीलाक घीझ्येरी ॱनाना खेक्याई हीकी तेरता पाङपोक्याला धेपा झ्येवालाक। 11 होझ्येरी को़न्क्षोकगी भो़ जेजा मीछेगो, खोङबागी खेक्याला पी़ थुक्कीन झ्युङये जेये धाङ ॱमीक्यु शाङपो घीरी धाङ धेपागी लेगा, खोङबागी स्युकने डुप्पास्योक ॱनेरी, हे खेक्या क्षीला च्योई ॱमो़लाम श्यी़हो़क। 12 देरे झ्येरी होरी को़न्क्षोक धाङ चोवो येशु मास्यीकागी थुक्जेगी थोक्ने, होरी चोवो येशुगी छेन खेक्याई नाङ धेनी खेक्या खोङबागी नाङ तो़पार हुङास्योक। |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.