१ थेसालोनीकेपा 1 - ॱलोवा1 पाउलु धाङ सीलवानु धाङ तीमोथेउ सुमने, थेसालोनीकेरु हो़गीन, याप को़न्क्षोक धाङ चोवो येशु मास्यीकागी क्षो़छोकला, थुक्जे धाङ श्यीदे हुङास्योक। थेसालोनीकेपाक्याई धेपाला थुक्जेक्षे 2 हीकी ॱमो़लामला नाम्हीना खेक्याला ढेन्दी, को़न्क्षोकला खेक्याई क्षीला च्योई थुक्जेक्षे श्यी़हो़क। 3 होरी याप को़न्क्षोकगी डुङदु, खेक्याई धेपागी लेगा धाङ झाम्पागी काल्ले धाङ होरी चोवो येशु मास्यीकागी खाला रेवा तेन्पोगोला, हेक्याई ॱमो़लामला ॱमेक्षेता ढेन्दी हो़क। 4 को़न्क्षोकगी चेवे पी़न्दाक्याओ, खेक्याला खोङबागी दाम्बालाक ॱनेरी हेक्याला स्येयेहो़क, 5 घीझ्येरी ॱनाना हीकी ताम्शाङगो खेक्याचारु छीकला च्यीगा मेन्दा, वाङ धाङ धाम्पे थुक्ङी धाङ ॱङोन्ने ढाङने धेन्पे थोक्ने होवालाक। खेक्याई घुङदु खीकी क्षीला हीकी चो़पा घारे हो़तालाक ॱनेरी, खेक्या स्येलालाक। 6 ॱमीच्यीकी दुङा क्षेगी खोकलाः खेक्याई धाम्पे थुक्ङीगी घाटो थोक्ने ताम्शाङगो खेलेन्दी, खेक्या हे धाङ चोवोगी लेमो झ्यीगीन झ्युवालाक। 7 होझ्येरी माकेडोनीया धाङ आकाईयारु हो़गीन, धेपा झ्यीगीन घीरीगी क्षीला, खेक्या पे झ्युदुक। 8 घीझ्येरी ॱनाना खेक्या थोक्ने को़न्क्षोकगी का माकेडोनीया धाङ आकाईयारु च्यीगा मादारपा, खेक्याई को़न्क्षोकला धेपा झ्यीगीनगो क्षोक घीरीदु दारदुक धेनी दी कोरला हेक्या घीया ॱनाघोये मीदुक। 9 घीझ्येरी ॱनाना खेक्याई हेक्याला फेप श्यी़गीन धाङ कुन्डाक्याला भोरती, खेक्या सो़न्पो धाङ धेन्पा, को़न्क्षोकला ॱङीङकुर श्यी़येला हुङगीन धाङ 10 छीवाने सो़न्पो जेगेन, खोङबागी से येशु नाम्खे श्यीङखामने फेप्येला, खेक्या घुक्ती धेगीनगो, मीमाङक्याराङ हेक्याला स्येदीक। माउपारला को़न्क्षोकगी थुक्ठो़ने, होराङक्याला येशुगीराङ थारपा जेगीलाक। |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.