Zaburi 93 - KITABU KITAKATIFU

Uvukumi vwa Nyasaye

¹ Yahova, aveeye mwami. Wiviki uvukumi vonene ni zinguru zinene ligali. Usingirizi lirova vudinyu mu vogono vwalio kandi silinyala kusundwa kali hakuzu mba.

² O, Yahova, endeve yooyo yu vwami yaasingirizwa vudinyu kutura mu litanga; kandi ivi waali ho kutura kale kuduuka mihiga ni mihiga.

³ O, Yahova, luliva lwinyanza lugingaa mwoyo gwayo igulu. Lugingaa igulu mwoyo gwayo nukuhuuma. Amazi gizuyi inyanza gagiingi viguvuli viuvutima viayo nigahuuma.

⁴ Yahova yamiha kuvindu viosi mwigulu. Yahova aveeye munene ligali kuvita lihuuma lienyanza. Aveeye wizingulu ligali kuvita viguvuli vienyanza.

⁵ O, Yahova, malago googo gahindiraa mihiga ni mihiga, kandi Litembeli liilio liveeye litakatifu ligali mihiga ni mihiga.