Zaburi 6 - KITABU KITAKATIFU

Lisaala ing'inga yuvudinyu

¹ O, Yahova, utang'ondokera mu vutima vuvwo mba; utaamba mageri mu vutima vuvwo vululu mba!

² Ombere zimbavasi, O, Yahova! Zinguru ziange zifeye ombonyie kutura mu vulwaye vwange, O, Yahova,

³ kigira mbulira uvuzunu vululu mu vigumba viange. Muviri gwange gwosi goveeye mu kivi kenene. O, Yahova, ulalindagira kongonya kuduuka ng'inga ki?

⁴ Hamba ombonyie ongonye O, Yahova; kuvitira muzimbavasi zizio mbonyia kutura mulikuza.

⁵ Mu kivala cha vakuzu, siaveeye ho nu unyala kukwizuliza mba. Mu kihadisi, siaveeye ho nunyala kukwizominya mba.

⁶ Nduhiziywi ligali kigira vovereri. Vuli vudiku nzilirizaa kidali change na maliga gange. Maliga gange gazilizi ipilo yange.

⁷ Zimoni ziange ziiluhi kigira ovovereri; zizengeye kigira lidambizwa na vasigu vange.

⁸ Tuli ku inze, munyi avandu vadamanu! Yahova ahuliraa lisioma liange kigira ovokonyi.

⁹ Yahova uhuliyi lisaala liange kigira ovokonyi Yahova undivuliyi lisaala liange.

¹⁰ Avasigu vange vosi valava soni kandi valahenda mwoyo. Valilanywa nukuviikwa mu zisoni vwangu.