Zaburi 110 - KITABU KITAKATIFU

Yahova nu mwami weve mutovole

¹ Yahova yavolera mwami wange “Yikala ha mukono gwange mulungi kuduuka lwa mbikaa avasigu vovo isi wi virenge vivio.”

² Yahova alavambalaliza uvwami vuvwo vwi zinguru kutura Ziyoni. Yavoola, “Ulamiha ku vasigu vovo vosi.”

³ Ku lidiku lia uzia kulwaana vasigu vovo, avandu vovo valiihaana aveene. Avayaayi vovo valaza ku ivi ku vigulu vitakatifu kuli lime lia mugambazuri.

⁴ Yahova yalomba lisuuvirizwa na sialagirung'anyia zing'anagani zizie mba, “Ivi ulava musaalisi mihiga ni mihiga kolondekana ku ovolohizi vwu vusaalisi vwa Melikizedeki.”

⁵ Yahova aveeye ha mukono gugwo mulungi; lwa asinyika aladuvulanyia avami.

⁶ Alakalagira zihiiri nukwita avandu vanyingi. Alaguuta avami ku lirova liosi.

⁷ Mwami alanwa amazi kutura mu mugera gwu kunzira, kandi niyakanyoola zinguru alasingira mu vuguuti.