Tito 3 - KITABU KITAKATIFU

¹ Wizulizi avandu vovo vegehizi ku miihi kandi ku avami, vatie kandi vetegeke kokora gaveeye amalahi munzira yoosi.

² Uvavoolere vatavoola makuva madamanu ku mundu kali mulala mba, vatava avalembani mba, navuzwa vamenye ni mirembe mu uvulina, kandi valolekizi ovohooma ku avandu vosi.

³ Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

⁴ Navuzwa lwu uvulahi nuvuyanzi vwa Nyasaye Muhonyi wiitu vwalolekizwa,

⁵ yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia.

⁶ Nyasaye yahaana kukunyi Roho Mutakatifu muvunyingi yahaana kuvitira mu Yeso Kristo, Muhonyi wiitu;

⁷ Kunangwa ku zimbavasi zizie, kunyi kuduuki kokolwa avalungi na Nyasaye kandi kuduuki konyoora imiandu lisuuvirizwa lie livamwoyo litahera mba.

⁸ Livoora yili liveeye lie ligali. Inzi nyenya udinyirizi ligali ivindu yivi, kunangwa yavo avamali kusuuvira mu Nyasaye vaduuki kuva nilienya kutumikira ing'inga yavo kokora vikolwa vilahi ku vandu vosi.

⁹ Navuzwa welehe ku mahing'ani guvusiru, ku lihing'ana guvusiru, ku amita manyingi ga vaguuga, mahangali, kandi ovolembani ku lilaga. Vindu yivio siviveeye nuvukara vwosi mba, kandi viveeye via vuzwa.

¹⁰ Vandu valeta liavukana, uviganihizi lwu kutanga nulwakaviri, ma olekane navo ligali.

¹¹ Umanyi vulahi ndi, vandu vulungano yilu sivaveeye valungi mba, uvwoni vwavo vololekizaa ndi vaveeye vadamanu.

Miigizu gukumaliriza

¹² Lwa nduma Aritemi anoho Tukiko ku ivi kola izingulu kuuza kondola ha Nikapoli vwangu; kigira mali kotovola kumenya ho ing'inga yu vukindu.

¹³ Kola izingulu okonye Zena, mwigizi wi lilaga na Apolo vatange logendo lwavo vwangu, kandi olole ndi vaveeye ni kindu choosi ichaveenya.

¹⁴ Kuduuka avandu viitu vigi kutumikira zing'inga ziavo mu likora miyinzi milahi, kunangwa vakonye avandu vaveeye novogeheru. Vatava ni limenya liavuzwa mba.

¹⁵ Avandu vosi avaveeye harara ninzi vahaani mirembe ku munyi. Haana mirembe kandi ku avalina viitu vakuyaanza mu lisuuvira. Zimbavasi zia Nyasaye zive ni munyi mwosi.