Lwimbu lwa Solomoni 8 - KITABU KITAKATIFU

¹ Ndegomba ngano waali amwavo wange, ngano mama wange yakanyunyia zimbeere zizie ku magulu geege. Maku niiva ndakaagani na ivi munzira, ndakakuvusi nu mundu si yakagenyi mba.

² Ndaali nguhili munyumba ya mama wange, ha waali unzigizi vuyanzi. Ndaali ngohe iwaini yazuganywa mu mudalasini. Kunwa mazi ga makuyu gange.

³ Oh ndakayanzi uviiki mukono isi wu mutwi gwange nu mukono gugwo mulungi gungumberere.

⁴ Musuuvirizii, munyi vakali va Jerusalemi ndi simulagoyanyia vulina vwitu mba.

Lwimbu lwa Sita Vakali

⁵ Nivwaha uzaa kutura mu changalangwi, vagumilani nu muyanze weve? Ndakuvukiza nogonaa muchiriri chu musaala gwu mukuyu, hamama wowo yakoverekera, hayaali ni numwa na kwivulilwa ho.

Mukali

⁶ Mwoyo gugwo gutava ku muyanze wundi mba nitali inzi. Utagumira muyanze wundi mba nitali inzi; vuyanzi voveeye ne zinguru kuli likuza. Vovereri voveeye ni zinguru kuli kilindwa.

⁷ Amazi manyingi siganyala kugusiminya mba, kandi mazi gi migera siganyala, navuzwa niiva mundu yakagerizi kugura vuyanzi nu vutugi vwivwe vwosi, alakolerwa kehenyahenye.

Avavozo vu mukali

⁸ Koveeye na mbozo musoleri zimbeere zizie zigikiri kuviruka kulakola ki kuye lwu muyaayi musoleri yaza kumuteeva?

⁹ Niiva aveeye lidigi kulamwumbakila minaara ji ifeza. Navuzwa niiva aveeye muliango, kulamukinga nivibaho viu musaala gwu mudaragwa.

Mukali

¹⁰ Inzi mbeeye kuli lidigi, kandi zimbeere ziange ziveeye kuli minaara, muyanze wange yamanya ndi nyora lidinyirizwa ni mirembe kutura kuye.

Musaza

¹¹ Solomoni yaali numulimi gwi kizabibu, havundu halangwa Bali Hamoni. Yaali mu na valimi vamutunga kugutumikira; vuli mulala yatunga vidonye vie ifeza 1,000.

¹² Solomoni yavugilira vidonye 1,000 ni kidieli cha valimi kuli vidonye 200. Inzi mbeeye nu mulimi gwange gwi kizabibu!

¹³ Muyanze wange, leka mbuliri mwoyo gugwo kutura mu mulimi, valina vange valindilira kukuhulira no molomaa.

Mukali

¹⁴ Muyanze wange, hamba kuinzi kuli embongo, kuli embongo esoleri, ku vigulu hu mudalasini gomeraa.