1 Kyetsinyinga 7 - KITABU KITAKATIFU

Visukululwi via Isakari

¹ Isakari yaali na vayaayi vane: Tola, Pua, Jashubu na Shimuroni.

² Tola yaali na vayaayi sita: Uzi, Refaya, Jerieli, Jahamai, Ibusamu na Shemueli. Vaali mitwi ja avizinyumba Vi kiliango cha Tola kandi vaali avasikari vi liihe vi liizominywa. Ku ing'inga yu mwami Daudi livaliza lia visukululwi viavo liaduuka 22,600.

³ Uzi yaali nu muyaayi mulala, Izirahia. Izirahia yaali na vayaayi veve vane, Mikaeli, Obadia, Joeli na Ishaya vaali vosi mitwi ja avizinyumba ziavo.

⁴ Vaali na vakali vanyingi ligali kandi na vana vanyingi ligali. Kali visukululwi viavo viali vinyala kuhaana avasaza 36,000 kigira uvutumiki vwi liihe.

⁵ Amakuva gang'odwa mu vitabu viu vwamihi ga avizinyumba zie ihiiri ya Isakari viahaana livaliza lia vasaza 87,000 avaadukana kuzia mu vutumiki vwi liihe.

Visukululwi via Benjamini na Dani

⁶ Benjamini yaali na vayaayi vavaga: Bela, Bekeri na Jediaeli.

⁷ Bela yaali na vayaayi vatano: Eziboni, Uzi, Uzieli, Jerimozi, kandi Iri. Vaali aviimiliri vizinyumba mu kiliango, kandi vaali vosi aviimiliri vi lizominywa mu vulwani. Visukululwi viavo vaali mu avasaza 22,034 avaari vanyara kong'odwa kuzia mu vutumiki vwi liihe.

⁸ Bekeri yaali na vayaayi tisa: Zemira, Joashi, Elieza, Eleoenali, Omuri, Jeremozi, Abija, Anazozi, na Elemezi.

⁹ Kolondekana na gang'odwa mu vitabu viu vwamihi via visukululwi viavo ku avizinyumba vaduuka avasaza 20,200 avukuzia mu vutumiki vwi liihe.

¹⁰ Jadiaheli yaali nu muyaayi mulala walangwa, Bilihamu, na Bilihamu yaali na vayaayi saba: Jeushi, Benjamini, Ehudi, Kenaana, Zezani, Tarishishi kandi Ahishahari.

¹¹ Vaali mitwi ja vizinyumba mu kiliango chavo kandi vaali avasikari vi lizominywa mu vulwani kandi avizingulu. Visukululwi viavo viali harara na vasaza 17,200 avaadukana kung'odwa mu vutumiki vwi liihi.

¹² Shupimu na Hupimu viali avayaayi va Iri vi ihiiri yiyi. Dani yaali nu muyaayi mulala uwalangwa Hushimu, kisukururwi cha Aheri.

Visukululwi via Nafutali

¹³ Nafutali yaali na vayaayi vane: Jahazieli, Guni, Jezeri na Shalumu. (Yivi viali visukululwi via Biliha).

Visukululwi va Manase

¹⁴ Ku mukali weve mbikaa kutura Siria, Manase yaali na vayaayi vaviri - Asirieli na Makiri. Makiri yivula Gileadi.

¹⁵ Makiri yaleeta mukali weve (Maaka) mbozo Hupimu na Shupimu. Lieta liu mwisukulu wa Gileadi liali Zelofehadi; navuzwa Zelofehadi yivula vana avakaana veng'ine vuzwa.

¹⁶ Maaka, mukali wa Makiri yivula avayaayi vaviri, ava yagulika Pereshi na Shereshi. Pereshi yaali na vayaayi vaviri, Ulamu na Rakemu.

¹⁷ Ulamu naye yaali nu muyaayi walangwa Bedani. Yava vosi vaveeye kisukururwi cha Gileadi; muyaayi wa Makiri nu umwisukulu wa Manase.

¹⁸ Mbozo Gileadi, Hamolekezi, yivula vayaayi vavaga: Ishodi, Abiezeri, na Mahala.

¹⁹ Shemida yaali na vayaayi vane: Ahiani, Shekemu, Liki na Aniamu.

Visukululwi via Efuraimu

²⁰ Yivi nivio visukululwi via Efuraimu kutura ku likula kuduuka ku likula: Shuzela, Beredi, Tahazi, Eleada, Tahazi

²¹ Zabadi, Shuzela. Efuraimu yaali na vayaayi vandi vaviri komeeda ku Shuzela: Ezeri na Eliadi, aviitwa lwa vageriza kwiva mitugu ja avandu avamenyaa mu Gazi.

²² Baba wavo Efuraimu yavasiomera ku madiku manyingi, kandi aviiko veve vaza ku muleminya mwoyo.

²³ Maku yaali harara nu mukali weve kandi, yavereka ma ni yivula mwana muyaayi. Vamugulika Beria, kigira ikivi ichaali ni kiduuki ku avinyumba yaavo.

²⁴ Efuraimu yaali nu mukaana uwalangwa Sheera. Yumbaka madaala gi luhia kandi indangu wa Bezi-horoni, kandi yumbaka Uzeni Sheera.

²⁵ Efuraimu yaali kandi nu muyaayi walangwa Refa, uwi kisukururwi chiche chaali kuli ndi: Reshefu, Tela, Tahani,

²⁶ Ladani, Amihudi, Elishama,

²⁷ Nuni, na yivula Joshua.

²⁸ Kivala cha vavugura, kandi ni vamenya mu chaali harara na Bezeli kandi na madaala agakikumbiriza, kali kuduuka Ivugwi kuli Naarani kandi Imadioli Gezeri na madaala agakikumbiriza. Gaali harara kandi na madaala manene ga Shekemu na Aya, kandi madaala agakikumbiriza.

²⁹ Visukululwi via Manase viamiha madaala manene ga Bezi Shani, Tanaki, Megido, kandi Dori, harara na madaala gago gagakumbiriza. Yaga goosi nigo madaala gi visukululwi via Josefu, muyaayi wa Yakobo viamenya mu.

Visukululwi via Asheri

³⁰ Yivi nivio visukululwi via Asheri. Yaali na vayaayi vane: Imuna, Ishiva, Ishivi, na Beria; nu mukaana mulala, Sera.

³¹ Beria yaali na vayaayi vaviri, Heberi na Malikieli. (Malikieli yaali mutangizi wi lidaala linene lia Birizaizi)

³² Heberi yaali na vayaayi vavaga: Jafuleti, Shomeri na Hozamu; nu mukaana mulala, Shua.

³³ Jafuleti naye kandi yaali na vayaayi vavaga: Pasaki, Bimuhali na Ashivazi.

³⁴ Amwavo weve Shomeri yaali na vayaayi vavaga: Rohiga, Jehuba na Aramu.

³⁵ Amwavo weve Hozamu yaali na vayaayi vane: Zofa, Imuna, Sheleshi, na Amali.

³⁶ Visukululwi via Zofa viali Sua, Harinefa, Shuali, Beri, Imura,

³⁷ Beza, Hodi, Shama, Shilisha, Izurami, na Beera.

³⁸ Visukululwi va Jezeri vaali Jefune, Pisipa, na Ara.

³⁹ Visukululwi va Ula vaali Ara, Hanieli na Rizia.

⁴⁰ Yava vosi vaali visukululwi va Asheri. Vaali aviimiliri vi zinyumba, avasaza vi lizominywa vu kulwaana kandi aviimiliri vi zinguru. Livalizwa lie kisukururwi cha Asheri, vaali mu na vasaza 26,000 vaduukana kuzia mu vutumiki vwi liihe.