1 Kyetsinyinga 3 - KITABU KITAKATIFU

Avana vu mwami Daudi

¹ Yava nivo avana vu mwami Daudi aviivulwa kuye mu Heburoni: mwana wu kutanga mu livulwa yaali Amunoni wa yivula nu mukali Ahinoamu kutura Jezireeli. Mwana wa kaviri yaali Danieli wa viivula na Abigaeli mukali kutura Karimeli.

² Mwana wa kavaga kwivulwa yaali Abisolomu uwa mama weve yalangwa Maaka, mukaana wa Talimai, mwami wa Geshuru. Mwana wa kane yaali Adonija, uwa mama weve yaali Hagizu.

³ Mwana wa katano yaali Shefatia ku mukali weve Abitali. Mwana wa Sita yaali Izureamu, ku mukali weve uwalangwa Egila.

⁴ Avana sita yava vosi viivulwa mu kivala cha Heburoni, aha Daudi yamiha ku mihiga saba ni mieli sita. Yamiha mu Jerusalemi mihiga makomi gavaga na givaga,

⁵ na vayaayi vanyingi viivulwa kuye mu Jerusalemi. Mukali weve Bazisheba, mukaana wa Amieli yivula avana vane avayaayi: Shimea, Shobabu, Nazani na Solomoni.

⁶ Daudi yivula na avakali vandi avana tisa komeeda ku ava yaali ni yivula na Bazisheba; navo ni yava: Ibiharu, Elishua, Elipeleti,

⁷ Noga, Nefegi, Jafia,

⁸ Elishama, Eliada, na Elifeleti.

⁹ Komeeda ku yava vosi, Daudi yaali na avana vandi avayiivula na avakali vaviika, Tamara yaali mbozo wavo.

Ivisukulurwi viu mwami Solomoni

¹⁰ Yivi nivio ivisukulurwi viu mwami Solomoni kutura ku baba kuduuka ku mwana! Solomoni, Rehoboamu, Abija, Asa, Jehoshafati,

¹¹ Jehoramu, Ahazia, Joashi,

¹² Amazia, Uzia, Jozamu,

¹³ Ahazi, Hezekia, Manase,

¹⁴ Amoni, na Josia.

¹⁵ Josia yaali na vayaayi vane: Johanani, Jehoyakimu, Zedekia na Shalumu.

¹⁶ Jehoyakimu yaali na avayaayi vaviri: Jehoyakini, na Zedekia.

Ivisukulurwi viu mwami Jehoyakini

¹⁷ Yivi nivio ivisukulurwi viu mwami Jehoyakini uwahilwa mu vuhaambe na Avababilonia. Jehoyakini yaali na vayaayi saba: Shealitieli,

¹⁸ Malikiramu, Pedaya, Shenazari, Jekamia, Hoshama na Nedabia.

¹⁹ Pedaya yaali na vayaayi vaviri. Zerubabeli na Shimei. Zerubabeli yaali na avayaayi vaviri nu mukaana mulala Shelomozi. Yaali na vayaayi vandi vatano: Meshulami, na Hanania.

²⁰ Zerubabeli yaali na avayaayi vandi vatano: Hashuba, Oheli, Berekia, Hasadia na Jushabu-Hesedi.

²¹ Hanania mwana wa Zerubabeli yaali navayayi vaviri: Pelatia na Jeshaya. Jeshaya mwana wa Hanania yivula Refaya, na Refaya yivula Arinani, na Arinani yivula Obadia, na Obadia yivula Shekania.

²² Shekania yivula muyaayi mulala walangwa Shemaya, harara na visukuru vayaayi vatano: Hatushi, Igali, Baria Nearia, na Shafati.

²³ Nearia mwisukulu wa Shekania yaali na vayaayi vavaga: Elioenai, Hizicha na Azirikamu.

²⁴ Elioenai mwana wa Nearia yaali na avana saba avayaayi: Hodavia, Eliashibu, Pelaya, Akubu, Johanani, Delaya na Anani.