Zabuli 98 - Luganuzi Luswanu Kuli Wanhu Wose 2002

Mulungu yo mutemi we yinze yose

¹ Mumwimbile Muwaha Mulungu lwimbo lupya, hambi nha ketuma nghani zo wizine! Nayo ketujila wusume, so vilungo no wuwaha wakwe vyono vyelile.

² Muwaha Mulungu kalajila zo wusume wakwe, kawanzalicila we makungugo, ze vilungo vyakwe vye mhonelo.

³ Kawukumbucila wuswanu wakwe, no wihuwilwa wakwe kuli wanhu wa Isilayeli. Nazo zimbavu zose ze yinze zakondya, kuwuwona wusume ne vilungo vyo Mulungu wetu.

⁴ Yinze yose yimusangalalile Muwaha Mulungu, yimukumye kwe zinyimbo ne zinyhenze.

⁵ Mumukumye Muwaha Mulungu kwa nyemo, kwe lizi liswanu hamonga ne masumbi.

⁶ Mutowelenyi zinyheze Muwaha Mulungu mutemi wetu, musangalalilenyi kwa ndulele, hamonga ne mazi ge zifilimbi.

⁷ Nalyo lilenga litowe cihumbi, hamonga na vyose vyono vili mumo, yinze hamonga na wose wono wekaye mugati yayo.

⁸ Nanye mo makolongo, towenyi maganza, nanye mo matunda, mwimbe hamonga ne nyemo.

⁹ Sangalalenyi hali Muwaha Mulungu, hambi nha yakuza kuyitema yinze. Nayo koyiling'aniza yinze mu ling'ani, i wanhu nawo kowatemela mu ling'ani.