Zabuli 87 - Luganuzi Luswanu Kuli Wanhu Wose 2002

Lukumyo kuli Yelusalemi

¹ Mulungu yazenga likaya lya Sayuni, yalizenga mucanyha ye litunda lyono lyelile.

² Muwaha Mulungu, yalyendile likaya lya Sayuni, kuciza wikalo winji wo wose wa Yakobo.

³ Ale ta wuhulicize zinghani zo lukumyo, zono zikulongwa kuli'gwe, agwe gwe 'kaya lyo Mulungu.

⁴ “Mwi'walo lya wono wamanyile ane no Mulungu, wali baho wanhu wa ku Misili na ku Babiloni. Nhavivilya kanyhi na ku Filisiti na ku, Tulo na ku Etiyopiya, wono wadahile kutegwa vyono, ‘Awa wo walelelwa ku Sayuni.’ ”

⁵ Ninga kuli za Sayuni yotegwa, “Sayuni yo nyina yawo wose, Mulungu Mono Yalawiliciye yo kolikamya.”

⁶ Nayo Muwaha Mulungu yo kowika liwalo lye makungugo, nayo yo kowandika munhu na lwakwe yatye, “Ayuno mulelelwa ku Sayuni!”

⁷ Nawo wose wakwidawala, akuno wakwimba wakutya, “Agwe Sayuni yo gwegwe mwamulizo wetu.”