Zabuli 8 - Luganuzi Luswanu Kuli Wanhu Wose 2002

U lukumyo lwo Mulungu ne lilumbo lyo munhu

(Kuli mwimbizi: Nho wimbe wa Gititi Zabuli ya Dawudi)

¹ Gwe Mulungu, go Muwaha wetu, litagwa lyako nha licizize mono'nze yose! No lukumyo lwako nha luficile ko ku wulanga,

² Ne milomo ye wana wadodo na wono wakongha, yose yikukukumya gwegwe. Agwe wizenjeye ligomawakali, kuwemila walugu wako, nagwe kuwapezyaga i walugu wako.

³ Na lono nghuwulanga mwanya, u mulimo we vidole vyako go mweneco, sunga no mwezi ne zinyelezi vyono waviwumba,

⁴ hambi munhu co cici 'gwe go Mulungu, sunga agwe wumwihwese? Hambi munhu co cici, sunga agwe wumucelelele?

⁵ Ninga hamba nhavivyo, wamupela lukumyo ne lilumbo hadodo du, yehwane na gwegwe go Mulungu.

⁶ Nagwe wukamupela wulajilize muli milimo yako yose. Wukaviwika viwumbwa vyose hasi yo wulajilize wakwe,

⁷ zingholo, ne zing'ombe sunga ne vilimu vyose vya mu mbago.

⁸ Zindeje ne zisomba, sunga ne viwumbwa vyose vya mwi'lenga,

⁹ Gwe Mulungu go Muwaha wetu, litagwa lyako nha licizize kononze kose!