Zabuli 61 - Luganuzi Luswanu Kuli Wanhu Wose 2002

Kulomba wudimwe

¹ Gwe go Mulungu, wuhulice cililo cangu, wuhulice wulombe wangu.

² Ku wulawa ku mhelo ye yinze, nghukulilila ne nhumbula yangu yizilice. Wunhegule mu canyha ye litalawe liwaha.

³ Hambi agwe, nha yo gwegwe go wutizizo wangu, kanyhi yo gwegwe go ligomawakali lyangu, kuli walugu wangu.

⁴ Alu wunghombole, nikale mwi'hema lyako cibitilila, ho nikale mholile hasi ye mabawa gako.

⁵ Hambi 'gwe go Mulungu, nha kuhulika zo wihuwizo wangu, kanyhi kumhela ne ziswanu, zono wawehuwiza wono wakogopile gwegwe.

⁶ Wumonjeleze mutemi vilo vyo wikale wakwe, i myaka yakwe yo wikale yiwe minji.

⁷ Yateme cibitilila hali'gwe go Mulungu, u lusungu no wihuwilwa wako, vimudime.

⁸ Nane baho nhondo, ho nokwimbila zinyimbo zo lukumyo, akuno nghuwufisiliza no wihuwizo wangu nhondo zose.