Zabuli 53 - Luganuzi Luswanu Kuli Wanhu Wose 2002

Wusocele wo munhu

¹ I walele welonjelaga caka wakutya, “Hasina Mulungu!” Wose wahodanji, wetuma zinghani ze cikomaza, holeka hasina hamba monga, mono yakwituma ziswanu.

² Mulungu yakuwasunjilila wanhu, ku wulawa ku wulanga, ho yawone hono ho yuli yunji we mahala, hono hawe ho yuli munhu wo wose, mono yakumulondola Mulungu.

³ Wose wapatuka, wose watipiye, hasina mono ketumaga ziswanu, hasina hamba monga.

⁴ Alu Mulungu nayo yakutya, “Mwene wawo wono wakwituma makani mabi, alo wasina wizuce lo? Wono wakuwahiziza wanhu wangu, hamba si wakuhemba ane yaye!”

⁵ Baho 'lu langa, wocicima ko woga, u woga wono wakali hamba si nawuwona yaye, hambi Mulungu nha kogeyagaza i mafupa ge walugu, nawo wokolwa cevu, hambi Mulungu nha yakondya kuwaleka.

⁶ Yali yiwe yili ciba, hono mhonelo ya Isilayeli, yali yize kulawa mu Sayuni! Mulungu kolo yawagomola wanhu wakwe, i wana wa Yakobo wosecelela, Waisilayeli wowona nyemo.