Zabuli 23 - Luganuzi Luswanu Kuli Wanhu Wose 2002

U Mulungu yo mudimi wangu

(Zabuli ya Dawudi)

¹ U Muwaha Mulungu, yo mudimi wangu, holeka sinocepucilwa na cinji.

² Kanyhehezaga mu wudimilo we mahanze madece, kanhongaga ku vilamba vyono visunjile vye malenga maswanu,

³ no kumhela vilungo vipya. Kanyhi kanhongaga mu nzila yo mugoloka, nha vyono yehuwiza.

⁴ Holeka hamba nghole mwi'lolo lyo mwenzenze we lifwa, sinokogopa cinji, hambi 'gwe, agwe go Muwaha Mulungu, nha wuli hamonga nane, ne nghome yako, hamonga ne shale yako, vikundima.

⁵ Wukunhenjela ndigwa hamwande ye walugu wangu, wukumbaka ne mafuta mu mutwe wangu, sunga ne cikombe cangu wukucimemya twaa no mwitiko.

⁶ U wuswanu wako hamonga no lusungu lwako, mbeka, vyowa hamonga nane mu vilo vyose vyo wikale wangu. Nane nokwikala mu nyumba yo Muwaha Mulungu cibitilila.