Zabuli 150 - Luganuzi Luswanu Kuli Wanhu Wose 2002Muwaha Mulungu yalumbwe 1 Mumulumbe Muwaha Mulungu! Mumulumbile Mulungu mu Nyumba yakwe! Mumulumbe ku soko yo wutemi wakwe ku wulanga! 2 Mumulumbe ku soko ye metumo gakwe, ge vilungo gono yetumile, mumulumbe ku soko yo lukumyo lwakwe luwaha. 3 Mumulumbe kwe lizi lye ndulele, mumulumbe kwe masumbi ne zindonondo! 4 Mumulumbe kwe zing'oma no wuvina, mumulumbe kwe zifilimbi ne zindonondo! 5 Mumulumbe ne visesele vye mazi mawaha, mumulumbe ne visesele vilizi muno muno. 6 Ale, viwumbwa vyose vyumi, vimulumbe Muwaha Mulungu! Mumulumbe Muwaha Mulungu! |
Cigogo Bible © Bible Society of Tanzania, 2002.
Bible Society of Tanzania