Zabuli 130 - Luganuzi Luswanu Kuli Wanhu Wose 2002

Kulomba wutazi

¹ Gwe go Muwaha Mulungu, mu wukatale wangu ane nghukulilila.

² Holeka go Muwaha, wuhulice cililo cangu, wuhulicize wulombe wangu wunhaze.

³ Gwe go Muwaha Mulungu, hono wali wuwe kukumbucilaga zo wubi wetu, nani 'mbi mono yali yavumilwe nagwe?

⁴ Ninga 'gwe, kucinenelaga wubi wetu, ho cikwitumamile kwe cogopo.

⁵ Niwulindiye wutazi wo Muwaha Mulungu, na mu nghani yakwe nitumbiye.

⁶ Nimulindiye Muwaha Mulungu, kuciza walindilizi vyono walanjililaga, wele wa hakali mitondo, heya, kuciza walindilizi wa hakali mitondo.

⁷ Gwe Isilayeli, wumwitumbile Muwaha Mulungu, hambi mwene nha yena lusungu, yewikanize nhondo zose ho yacikomboze.

⁸ Heya, kowakomboza wanhu wakwe Isilayeli, mu wulawa mu wubi wawo wose.