Zabuli 13 - Luganuzi Luswanu Kuli Wanhu Wose 2002

Kulomba wutazi

(Kuli mwimbizi: Zabuli ya Dawudi)

¹ Gwe go Muwaha Mulungu, kosemwa 'ne lo sunga nili?

² Kokwihundika hali'ne lo sunga nili? Nokwikala no wugazice mu mutima wangu sunga nili lo? Nokwikala no wukalale vilo vyose, mu nhumbula yangu sunga nili lo? I walugu wangu wajendelele kuwusangalalila wugazice wangu, sunga nili lo?

³ Gwe go Muwaha Mulungu, go Mulungu wangu, wunangaje, wumhitule wunyenzelule meso gangu, ho ndece kugona nhongo zo kufwa.

⁴ Wulece kulumbila lukulu i walugu wangu wutuje cilejeho co kutya, “Langa ta, camusuma ayuno!” Wulece kuwalecela cilejeho, ho walece kuwusangalalila wugwe wangu.

⁵ Ninga ane nilwitumbiye lusungu lwako, ne nhumbula yangu yiyisangalalile mhonelo yako.

⁶ Nane nokwimbila gwegwe du go Muwaha Mulungu, ko so wuswanu wako wa kuli'ne.