Zabuli 127 - Luganuzi Luswanu Kuli Wanhu Wose 2002

Lukumyo so wuswanu wo Mulungu

¹ Muwaha Mulungu hono yalece kuyizenga kaya, wono wakuyizenga wakwigaza bwete. Muwaha Mulungu hono yalece kulidima likaya, wono wakulilindiliza, wokwikala meso bwete.

² Mulimo wenyu wa bwete. Mwilawaga kwinuka hakali mitondo, no kucela kugona, no kulya ndigwa ye lituguti. Hambi Mulungu nha kawapelaga vyose, wono yawendile lono wali mu nhongo.

³ I wana co cipegwa, cono Muwaha Mulungu kacipelaga nawo, co cipegwa cakwe kuli 'se.

⁴ Wehwanile nhe zisonga zono musilikale yebate, vyo wenha wawo wana wono munhu kawatugaga, lono yakali muzelelo.

⁵ Holeka mumoti munhu, mono yamemizye songa nyinji, hambi nha si kosumilwa lukulu, kolo yakusitakwa, no mulugu wakwe mu mahakama.