Zabuli 120 - Luganuzi Luswanu Kuli Wanhu Wose 2002

Kulomba wutazi

¹ Lono nali nili mu wugazice, namucemeleza Muwaha Mulungu, nayo yakahulika.

² Gwe go Muwaha Mulungu, wumhonye kuli wanhu wakonji kanyhi walambi.

³ Anye nyo wanhu walambi, mwene mopegwa cinhuci no Mulungu? Hamba Mulungu komulipicizenyi vye wule, mumo mu wulambi wenyu?

⁴ Mbeka komulipicizenyi, kwe zisonga zinghali ze wasilikale, kanyhi na kwe makala go moto!

⁵ Sunga no wikala muli'nye, wambuce du, hambi nha winha wikala mu Mesheki, hamba kotya nha wikala mu wanhu wa Kedali.

⁶ Ku wulawa katali, nekalana ne wanhu wono si wendile mulamu yaye!

⁷ Ane nili wo mulamu, lono nghulonga zo mulamu, wene wakusaka wulugu.