Zabuli 100 - Luganuzi Luswanu Kuli Wanhu Wose 2002

Lwimbo lwo lukumyo

¹ Mwimbilenyi Muwaha Mulungu, 'nye nyo we yinze wose!

² Mumuhembe Muwaha Mulungu ne nyemo, mumubitile akuno mukwimba no wusangalale!

³ Mumanye vyono Muwaha Mulungu, yo Mulungu du. Yo mweneco mono yaciwumba, nase cili sawo yakwe, cili wanhu wakwe, kanyhi cili ngholo ze madimo gakwe.

⁴ Mwinjilaje mu milango ye Nyumba yakwe, akuno mukulumba, mwinjilaje mu wikalo wakwe no wulumbe. Mumupelaje lilumbo, no kulikumya litagwa lyakwe.

⁵ Hambi u Muwaha Mulungu nha muswanu, no lusungu lwakwe lwikalaga cibitilila, ne mbeka yakwe yikalaga mu zindelo zose.