Yoshuwa 15 - Luganuzi Luswanu Kuli Wanhu Wose 2002

I yisi yono yapegwa Yuda

¹ Ale, ne zimhuga za wo mulango wa Yuda, nazo zikapegwa yisi yono yali yibitile ku lubavu lwa kutakama, sunga ko kutakama ku mupaka wa Edomu, mu nyika ya Zini.

² No mupaka wuwu wa kulubavu lwa kutakama, wali wulawiliye ku ndumilizo ye Lilenga lyo Mwino,

³ wukajendelela kulubavu lwa kutakama ku wulawilila Akelabimu, wukakola sunga ku Zini. Wukawa kujendelela sunga kulubavu lwa kutakama lwa Kadeshi Balineya, no kukolela Hezeloni, sunga ko ku Adali, sunga ko ku Kalika,

⁴ wukajendela sunga ko ku Azimoni, wukawa kutyatya cikolongo mu mupaka wa Misili, wukawa kujendelela sunga ko kwi'lenga lya Meditelaneya. Mupaka wawo, baho ho wadumila. Awu wali wo mupaka wa ku lubavu lwa kutakama.

⁵ U mupaka wawo wa ku lubavu lwa kucilima nawo, wali wulawiliye he 'lenga lyo Mwino, no kujendelela sunga ko ku ndumilizo ye likolongo lya Yoludani kono vitang'aniliye ne Lilenga lyo Mwino. Nawo mupaka wa ku lubavu lwa kusumuka, wali wulawiliye baho,

⁶ nawo wukajendelela sunga ko ku Bete-hojila, no kujendelela kulubavu lwa kusumuka sunga ko ku Aleba, no kwidoma ne lilolo lya Yoludani. Hanyuma wukakolela he'bwe lya Bohani (Bohani yali yo mwana we cilume wa Lubeni.)

⁷ Wulawilila lilolo lya Akoli, nhunizo yayo, lilolo lyo “Wugazwe” sunga ku Debili. Hanyuma kanyhi wukadoma ku lubavu lwa kusumuka sunga Giligali, kono vidomile na Adumimu, kulubavu lwa kutakama ye lilolo. Hanyuma kanyhi wukajendelela sunga mu mivwilo ye cikolongo ca Eni shemeshi, wukajendelela sunga ku Enelogeli.

⁸ Mupaka wukajendelela wukakolela mwi'lolo lya Hinomu, ku lubavu lwa kutakama ye litunda, hono likaya liwaha lye Wayebusi lya Yelusalemi, lyali lizenjigwe. Hobaho mupaka wukajendelela sunga mucanyha ye litunda, ku lubavu lwa ku mwezi ye lilolo lya Hinomu, kundumilizo ye lilolo lya Lefayi kulubavu lwa kusumuka.

⁹ Na ku wulawilila baho, wukajendelela sunga ha mivwilo ye cikolongo ca Nefetowa, wukajendelela kanyhi sunga mu makaya gono gali gali behi ne litunda liwaha lye Efeloni. Hobaho kanyhi mupaka wukalanga ku Baala (wo wutya ku Kiliyati-yeyalimu.)

¹⁰ Na ku wulawa baho, mupaka wukapilimila ku lubavu lwa ku mwezi ya Baala, sunga mu yisi ye matunda ga Edomu. Kanyhi wukawa ku lubavu lwa kusumuka ye litunda lya Yeyalimu, (wo wutya Cesaloni) no kutenenhuka sunga ku Bete Shemeshi no kujendelela sunga ku Timina.

¹¹ U mupaka wukajendelela kanyhi sunga mwitunda ku lubavu lwa kusumuka ya Ekiloni, wukawuya ne nyuma kanyhi, wukakolela Shikeloni he 'tunda lya Baala, sunga ku Jabineli. Nawo mupaka wukadumila he 'lenga lya Meditelaneya

¹² lyono lyalajila mupaka wawo wa kulubavu lwa kumwezi. Na wuwo wali wo mupaka we yisi yono zekalaga zimhuga zo mulango wa Yuda.

Kalebi yakuyisuma Hebuloni na Debili

¹³ Lubavu lunji lwe yisi ya we mhuga ya Yuda, yakapegwa Kalebi u mwana wa Yefune, nha vyono Muwaha Mulungu yamulajiliza Yoshuwa. Yakapegwa likaya lya Hebuloni, likaya lyono lyali lya Aluba u sogwe wa Anaki.

¹⁴ Nayo Kalebi yakawawinjila kunze ye likaya wana wa Anaki we mhuga ya Sheshayi, na ya Ahimani na ya Talimayi.

¹⁵ Wulawa baho, yakabita kuwahoma i wanhu wose wono wekalaga ha Debili, (likaya lili lyacemwaga Kiliyati-sefeli.)

¹⁶ Kalebi yakatya, “Ane nomutoza mwanangu we cicekulu Akisa, kuli munhu mono kosuma kuyihoma no kuyiteka Kiliyati-sefeli.”

¹⁷ Nayo Otiniyeli u mwana wa Kenazi, u mwanakwawe wa Kalebi, yakalihoma likaya, yakalisola. Hobaho Kalebi yakamukombolela Otiniyeli u mwanagwe we cicekulu Akisa, wetole nayo.

¹⁸ Kukawa mwi'zuwa lye Halusi, Otiniyeli yakamufunda Akisa yalombe mugunda kuli sogwe Kalebi. Ale baho Akisa yakatenenhuka ne ndogowe yakwe sunga kuli sogwe. Kalebi yakamuwuza Akisa cono yasakaga.

¹⁹ Nayo Akisa yakamupitula sogwe yakatya, “Nghulomba wumhele wulugutizwe, wumhele ne mivwilo ye malenga. Hambi mugunda wono wumhelile, nha wuli mu yisi nghavu muno.” Hobaho Kalebi yakamupela Akisa mivwilo ya kucanyha na ya kusika.

I makaya ga Yuda

²⁰ Awu wo wuhazi we yisi, yono i wana wo mulango wa Yuda wapegwa wayiteme.

²¹ I makaya ga ku lubavu lwa kutakama, gose gali gawo. Na galya gono gali gali behi no mupaka wa ku Edomu, go aga, Kabizeli, na Edeli, na Jaguli,

²² na Kina, na Dimona, na Adada,

²³ na Kadeshi, na Hazoli, na Itinani,

²⁴ na Zifu, na Telemu, na Beyaloti,

²⁵ Hazoli-hadata. Ciliyati-hezeloni (yo Hazoli),

²⁶ Amamu, na Shema, na Molada,

²⁷ Hazali Gada, na Heshimoni, na Betipeleti.

²⁸ Na Hazali Shuwali, na Belisheba, na Bisiyotiya.

²⁹ Baala, na Iyimu, na Ezemu,

³⁰ na Elitoladi, na Cesili, na Holema,

³¹ na Zikilagi, na Mademana, na Sanisana,

³² na Lebayoti, na Shilihimu, na Ayini, na Limoni, Makaya makumi mejete ne 'cenda, hamonga ne matumbi gono gali gagapilime.

³³ I makaya ga mu zinhenenhuko ye matunda, gali Eshitayoli, na Zola, na Ashina,

³⁴ na Zanowa, na Ene-ganimu, na Tapuwa, na Enamu,

³⁵ na Yalimuti, na Adulamu, na Soko, na Azeka,

³⁶ na Shayalayimu, na Aditayimu, na Gedela, na Gedelotayimu, Makaya yikumi na mane, hamonga ne matumbi gono gali gagapilime.

³⁷ Kanyhi ganji gali Zenani, na Hadasha, na Migidaligadi, na

³⁸ Dileyani, na Mizipa, na Joketeyeli,

³⁹ na Lakishi, na Bozikati, na Ejiloni,

⁴⁰ na Kaboni, na Lahimamu, na Citilishi,

⁴¹ Gedeloti, na Bete-dagoni, na Nama, na Makeda. Makaya yikumi na mutandatu, hamonga na matumbi gono gali gagapilime.

⁴² Kanyhi ganji, gali, Libina, na Eteli, na Ashani,

⁴³ na Ifita, na Ashina, na Nezibu,

⁴⁴ na Keyila, na Acizibu, na Malesha. Makaya yicenda, hamonga ne matumbi gono gali gagapilime.

⁴⁵ Na Ekiloni hamonga ne matumbi ne vikaya,

⁴⁶ hamonga ne makaya ne matumbi gono gali gali behi na Ashidodi, ku wulawilila Ekiloni sunga ko kwi'lenga lya Meditelaneya.

⁴⁷ Kanyhi ganji Ashidodi na Gaza hamonga ne matumbi, ne vikaya vyono vyali vidomile no mupaka wa ku Misili, no mwejelele we lilenga lya Meditelaneya.

⁴⁸ Na mu yisi ya mu matunda, gali Shamili, na Yatili, na Soko,

⁴⁹ na Dana, na Kiliyati-sano, (yo Debili,)

⁵⁰ na Anabu, na Ashetemo, na Animu.

⁵¹ Na Gosheni, na Holoni, na Gilo. Makaya yikumi na limonga, hamonga ne matumbi gono gali gagapilime.

⁵² Kanyhi ganji, gali, Alabu, na Duma, na Eshani,

⁵³ na Yanimu, na Bete-tapuwa, na Afeka,

⁵⁴ na Mumeta, na Hebuloni, na Ziyoli. Makaya yicenda, hamonga ne matumbi gono gali gagapilime.

⁵⁵ Kanyhi ganji, gali, Mawoni, na Kalimeli, na Zifu, na Juta.

⁵⁶ Na Yezeleli, na Yokideyamu, na Zanowa,

⁵⁷ na Kayini, na Gibeya, na Timina, Makaya yikumi, hamonga ne matumbi gono gali gagapilime.

⁵⁸ Kanyhi ganji, gali, Halihuli, na Betezuli, na Gedoli.

⁵⁹ Na Malati, na Betanoti, na Elitekoni. Makaya mutandatu, hamonga ne matumbi gono gali gagapilime.

⁶⁰ Kanyhi ganji, gali, Kiliyati Baali (yo Kiliyati Yeyalimu) na Laba. Makaya mejete, hamonga ne matumbi gono gali gagapilime.

⁶¹ Mu nyika, gali, Beti Alaba, na Midini, na Secaca.

⁶² Na Nibishani, ne Likaya lyo mwino, na Engedi. Makaya mutandatu, hamonga ne matumbi gono gali gagapilime.

⁶³ Ninga i wanhu wa Yuda, si wawawinga Wayebusi wono wekalaga ha Yelusalemi. Holeka Wayebusi wajendeleye kwikalana ne wanhu wa Yuda sunga nalu.