Wuwale 7 - Luganuzi Luswanu Kuli Wanhu Wose 2002

I vilavywa vye walongola we wanhu

¹ Na mwizuwa lyono Musa yakondezya mulimo wo kukoma Lihema lyono Lyelile, hobaho yakawa kulitila Lihema i mafuta go witile, yakalisiwanula, hamonga ne vitumamilwa vyayo vyose, yakacisiwanula ne cikumbicilo, hamonga ne vitumamilwa vyayo vyose.

² Hanyuma i wawaha we milango, wono wali wo walongola mu milango ye Waisilayeli, wawalya wono wali walanjilizi mu mulimo wo wu wala liwalo lye wanhu,

³ wakaleta vilavywa vyawo kuli Muwaha Mulungu. Waleta mikokoteni mutandatu. Wakawa wakulavya walongola wejete, mukokoteni monga, walongola wejete, mukokoteni monga. Kanyhi wawo walongola, wakalavya na nghongolo yikumi na nyejete, walavya munhu nghongolo monga, munhu nghongolo monga. Nawo wali weza kukondya kulavya vinhu vivyo,

⁴ Muwaha Mulungu yakamulonjela Musa yakatya,

⁵ “Ale, wuvibocelaje vipegwa vivyo vitumamilwe mu mulimo we Lihema lyono Lyelile. Nagwe wuwapele Walawi vinhu vivyo ho vitumamilwe mu mulimo wono wukusakwa witumwe.”

⁶ Musa yakawa kuwapela Walawi i mikokoteni yiyo hamonga ne zinghongolo.

⁷ Yakawapela we mhuga ye Wagelishoni mikokoteni myejete, hamonga na nghongolo yine.

⁸ Nawo we mhuga ye Wamelali, yakawapela mikokoteni mine, hamonga na nghongolo munana. Ne milimo yawo yose, yikawa yikwitumwa hasi yo wulanjilizi wa Itamali u mwana wa Haluni u mukohani.

⁹ Ninga Musa si yawapela mikokoteni hamba nghongolo we mhuga ye Wakohati, vyono wene wali walanjilizi we vinhu vyono vyelile, kanyhi wali wo wadinghuzi we vinhu vivyo, wavipikaga mu mawega gawo.

¹⁰ I walongola wa wano, wakaleta kanyhi vilavywa vinji so mulimo wo wuhembi wo kucisiwanula cikumbicilo. Na lono wali wewikaniza ku wulete vilavywa vyawo ku cikumbicilo,

¹¹ Hanyuma Muwaha Mulungu yakamulonjela Musa yakatya, “U mulongola yumunga yumonga yalavye cilavyocakwe, munhu ne zuwa lyakwe, so wusiwanule we cikumbicilo.”

¹² Nayo mono yalavya cilavya cakwe mwi zuwa lilongozi, yali Nasoni u mwana wa Binadabu wo mulango wa Yuda.

¹³ Ne cilavya cakwe cali sahani monga ya fweza, wuzito wayo kilo monga, na nusu, bakuli monga ya fweza, wuzito wa yogulamu magana munana mu nghango ye cipimo cono cikwitumamilwa mwi hema lyono lyelile, sahani ne bakuli yiyo vyali vimemile wusaje wono wunamuce wono wuhanzahanza ne mafuta, so cilavywa co wuseje.

¹⁴ Cisahani cimonga ca fweza wuzito wa yo gulamu yigana limonga ne kumi, cimemile wuvumba.

¹⁵ Nzeku monga, nduwilu monga, nyana ya ngholo nume monga ya mwaka monga; so cilavywa linyanywe.

¹⁶ Mvulati monga so cilalvywa co wubi!

¹⁷ Nzeku nyejete, nduwilu yi hano, mvulati yihano, hamonga na nyana za nghalo nume yihano za mwaka monga, so likambiko lye cilavya co mulamu. Acico cilavywa ca Nasoni mwana wa Aminadabu.

¹⁸ Mwi'zuwa lye kejete, yali Nataneli u mwana wa Suwali, u mulongola womulango wa Isakali, cilavywa cakwe,

¹⁹ sahani monga ya fweza wuzito wa yo kilo monga na nusu, bakuli monga ya fweza yo wuzito wa gulamu magana munana munghango ye cipimo cono cikwitumamilwa mwi'hema lyono iyelile. Sahani ne bakuli vyali vimemile wusaje wono wunamuce wono wuhanzahanze ne mafuta. So vilavywa co wusaje.

²⁰ Cisahani cimonga co wuzito wa gulamu yigana limonga ne kumi, cono cimemile wuvumba.

²¹ Nzeku monga, nduwili monga nyana ye ngholo nume monga ya mwaka monga, so cilavywa cinyanywe.

²² Mvulati monga so cilavywa co wubi.

²³ Nzeku nyejete nduwilu yihano, mvulati yihano, na nyana za ngholo nune yihano za mwaka monga so likumbiko lye cilavywa co mulamu. Acico cilavywa ca Nataneli u mwana wa Suwali.

²⁴ Mwi'zuwa lye kadatu Eliyabi u mwana wa Heloni u mulongola wo mulango wa Zabuloni.

²⁵ Cilavywa cakwe sahani monga ya fweza wuzito wayo kilo monga na nusu, bakuli monga ya fweza wuzito wayo gulamu magana munana mu nghango ye cipimo cono cikwitumamilwa mwi'hema lyono lyelile. Sahani ne bakuli vyali vimemile wusaje wono wunamuce, wono wuhanzahanze ne mafuta, so cilavywa co wusaje.

²⁶ Cisahani cimonga co wuzito wa gulamu yigana limonga ne kumi cono cimemile wuvumba.

²⁷ Nzeku monga, nduwilu mongo nyana ya ngholo nume monga ya mwaka monga, so cilavywa cinyanywe.

²⁸ Mvulati monga so cilavywa co wubi.

²⁹ Nzeku nyejete, nduwilu yihano, mvulati yihano, na nyana za ngholo nume yihano za mwaka monga; so likumbiko lye cilavywa co mulamu. Aci co cilavywa ca Eliyabi mwana wa Heloni.

³⁰ Mwi'zuwa lye 'kane, Elizuli u mwana wa Shedewuli, u mulongola wo mulango wa Lubeni.

³¹ Cilavywa cakwe, sahani monga ya fuweza, wuzito wayo kilo monga na nusu, bakuli monga ya fweza, wuzito wayo gulamu magana munana, mu, nghango ye cipimo cono cikwitimamilwa mwi'hema lyono lyelile. Sahani ne bakuli vyali vimemile wusaye wono wunamuce wono wuhanzahanze ne mafuta so cilavywo co wusaje.

³² Cisahani cimonga co wuzito wa gulamu yigana limonga ne 'kumi; cono cimemile wuvumba.

³³ Nzeku monga, nduwilu monga, na nyana ya ngholo nume monga ya mwaka monga, so cilavywa cinyanywe.

³⁴ Mvulati monga so cilavywa co wubi.

³⁵ Nzeku nyejete, nduwilu yihano, mvulati yihano, nyana za ngholo, nume yihano za mwaka monga, so likumbiko lye cilavywa co mulamu. Aci co cilavywa ca Elizuli u mwana wa Shedewuli.

³⁶ Mwi'zuwa lye 'hano Shelumiyeli u mwana wa Zulishadayi, u mulongola wo mulango wa Simiyoni.

³⁷ Cilavywa cakwe, sahani monga ya fweza, wuzito wayo, kilo monga na nusu, bakuli monga ya fweza, wuzito wayo, gulamu magana munana, munghango ye cipimo cono cikwitumamilwa mwi'hema lyono lyelile. Sahani ne bakuli yiyo, vyali vimemile wusaje wono wunamuce, wono wuhanzahanze ne mafuta, so cilavya co wusaja.

³⁸ Cisahani cimonga cafweza, wuzito wayo gulamu yigana limonga ne 'kumi, cono cimemile wuvumba.

³⁹ Nzeku monga, nduwilu monga, nyana ya ngholo nume monga ya mwaka monga, so cilavywa cinyanye.

⁴⁰ Mvulati monga so cilavywa co wubi.

⁴¹ Nzeku nyejete, nduwilu yihano, mvulati yihano nyanaza ngholo nume yihano, za mwaka monga so likumbiko lye cilavywa co mulamu. Aci co cilavywa ca shelumiyeli, u mwana wa Zulishadayi.

⁴² Mwi'zuwa lyo mutandatu, Eliyasafu u mwana wa Dewuyeli wo mulango wa Gadi.

⁴³ Cilavywa cakwe, sahani monga ya fweza, wuzito wayo, kilo monga na nusu, bakuli monga ya fweza, wuzito wayo gulamu magana munana mu nghango ye cipimo cono cikwitumamilwa mwi-hema lyono lyelile, sahani ne bakuli yiyo, vyali vimemile wusaje wono wunamuce, wono wuhanzahanze ne mafuta, so cilavywa co wuseje.

⁴⁴ Cisahani cimonga ca fweza, wuzito wayo, gulamu yigana limonga ne'kumi; cono cimemile wuvumba.

⁴⁵ Nzeke monga, nduwilu monga, nyana ya ngholo nume monga ya mwaka monga so cilavywa cinyanywe.

⁴⁶ Mvulati monga so cilavywa co wubi;

⁴⁷ Nzeku nyejete, nduwilu yihano, mvulati yihano, nyana za ngholo nume yihano za mwaka monga so likumbiko lye cilavywa co mulamu. Aci co cilavywa ca Eliyasafu u mwana wa Dewuyeli.

⁴⁸ Mwi'zuwa lyo mupunghati Elishama u mwana wa Amihudi u mulongola wo mulango wa Efulayimu.

⁴⁹ Cilavywa cakwe, sahani monga ya fweza, wuzito wayo kilo monga na nusu, bakuli monga ya fweza, wuzito wayo, gulamu magana munana, munghango ye cipimo cono cikwitumamilwa, mwi'hema lyono lyelile, sahani ne bakuli yiyo vyalivimemile wusaje wono wunamuce, wono wuhanza hanze ne mafuta, so cilavywa co wusaje.

⁵⁰ Cisahani cimonga ca fweza wuzito wayo gulamu yigana limonga ne 'kumi cono cimemile wuvumba.

⁵¹ Nzeka monga, nduwilu monga, nyana ya ngholo nume monga ya mwaka monga, so cilavywa cinyanywe.

⁵² Mvulati monga so cilavywa co wubi.

⁵³ Nzeku, nyejete nduwilu yihano, mvulati yihano, nyana za ngholo nume yihano za mwaka monga, so likumbiko lye cilavywa co mulamu. Aci co cilavywa ca Elishama u mwana wa Amihudi.

⁵⁴ Mwi'zuwa lyo munana, Gamaliyeli u mwana wa Pedazuli u mulongola wo mulango wa Manase.

⁵⁵ Cilavywa cakwe, sahani monga ya fweza, wuzito wayo kilo munana na nusu, bakuli monga ya fweza, wuzito wayo, gulamu magana munana, mu nghango ye cipimo cono cikwitumamilwo mwi'hema lyono lyelile. Sahani ne akuli yiyo vyali vimemile wusaje wono wunamuce, wono wuhanzahanze ne mafuta so cilavywa co wusaje.

⁵⁶ Cisahani cimonga ca fweza wuzito wayo gulamu yigano limonga ne 'kumi cono cimemile wuvumba.

⁵⁷ Nzeka monga nduwilu monga, nyana ya ngholo nume, monga ya mwaka monga, so cilavywa cinyanywe.

⁵⁸ Mvulati monga so alavywa co wubi;

⁵⁹ Nzeku nyejete, nduwilu yihano, mvulati yihano, nyana za ngholo nume yihano za mwaka monga, so likumbiko lye cilavywa co mulamu. Aci co cilavywa ca Gamaliyeli u mwana wa Pedazuli.

⁶⁰ Mwi'zuwa lye licenda, Abidani u mwana wa Gideyoni u mulongola wo mulango wa Benyamini.

⁶¹ Cilavywa cakwe, sahani monga ya fweza, wuzito wayo kilo monga na nusu, bakuli monga ya fweza, wuzito wayo gulamu magana munana, mu nghango ye cipimo cono cikwitumamilwa mwi'hema lyono lyelile, sahani ne bakuli yiyo, vyali vimemile wusaje wono wunamuce, wono wuhanzahanze ne mafuta, so cilavywa co wusaje.

⁶² Cisahani cimonga ca fweza, wuzito wayo, gulamu yigana limonga ne kumi cono cimemile wuvumba.

⁶³ Nzeku monga, nduwilu monga, nyana ya ngholo nume mongo ya mwaka monga so silavywa cinyanywe.

⁶⁴ Mvulati monga so cilavywa co wubi.

⁶⁵ Nzeku nyejete, nduwilu yihano, mvulati yihano, nyana za ngholo nume, yihano za mwaka monga so likumbiko lye cilavywa co mulamu. Acico cilavywa ca Abidani u mwana wa Gideyoni.

⁶⁶ Mwi'zuwa lye likumi, Ehiyezeli u mwana wa Amishadayi u mulongola wo mulango wa Dani.

⁶⁷ Cilavywa cakwe, sahani monga ya fweza, wuzito wayo, kilo monga na nusu, bakuli monga ya fweza, wuzito wayo gulamu magana munana, mu nghango, ye cipimo cono cikwitumamilwa mwi'hema lyono lyelile, sahani ne bakuli yiyo vyalivimemile wusaje wono wunamuce, wono wuhanzahanze ne mafuta so cilavywa co wusaje.

⁶⁸ Cisahani cimonga ca fweza wuzito wayo gulamu yigana limonga ne'kumi, cono cimemile wuvumba.

⁶⁹ Nzeku mongo nduwilu monga, nyana ya ngholo nume monga, ya mwaka monga so cilavywa cinyanywe.

⁷⁰ Mvulati monga so cilavywa co wubi.

⁷¹ Nzeku nyejete, nduwilu yihano, mvulati yihano, nyana za ngholo nume yihano za mwaka monga so liku mbiko lye cilavywa co mulamu. Aci co cilavywa ca Ehiyezeli u mwana wa Amishadayi.

⁷² Mwi'zuwa lye likumi na monga Pajiyeli, u mwana wa Ikilani u mulongola wo mulango wa Asheli.

⁷³ Cilavywa cakwe, sahani monga ya fweza, wuzito wayo kilo monga na nusu, bakuli monga ya fweza wuzito wayo gulamu magana munana mu nghango ye cipimo cono cikwitumamilwa mwi'hema lyono lyelile. Sahani ne bakuli yiyo vyali vimemile wusaje wono wanamuce wono wuhanzahanze ne mafuta so cilavywa co wusaje.

⁷⁴ Cisahani cimonga ca fweza wuzito wayo gulamu yigana limonga, ne'kumi cono cimemile wuvumba.

⁷⁵ Nzeku monga, nduwilu monga, nyana ya ngholo nume monga ya mwaka monga so cilavywa cinyanywe.

⁷⁶ Mvulati monga so cilavywa co wubi.

⁷⁷ Nzeku nyejete, nduwilu yihano, mvulati yihano nyana za ngholo nume yihano za mwaka monga so likumbiko lye cilavywa co mulamu. Aci co cilavywa ca Pajiyeli u mwana wa Okilani.

⁷⁸ Mwi'zuwa lye likumi na nyejete, Ahila u mwana wa Enani, u mulongola wo mulango wa Nafutali.

⁷⁹ Cilavywa cakwe, sahani monga ya fweza, wuzito wayo kilo monga na nusu, bakuli monga ya fweza, wuzito wayo, gulamu magana munana, munghango ye cipimo cono cikwitumamilwa mwi'hema lyono lyelile. Sahani ne bakuli yiyo vyali vimemile wusaje wono wunamuce, wono wuhanzahanze ne mafuta so cilavywa co wusaje.

⁸⁰ Cisahani cimonga ca fweza, wuzito wayo gulamu yigana limonga ne'kumi cono cimemile wuvumba.

⁸¹ Nzeku monga, nduwilu monga, nyana ya ngholo nume monga ya mwaka monga so cilavywa cinyanywe.

⁸² Mvulati monga so cilavywa co wubi.

⁸³ Nzeku nyejete, nduwilu yihano, mvulati yihano, nyana za ngholo nume yihano za mwaka monga, so likumbiko lye cilavywa co mulamu. Acico cilavywa ca Ahila, u mwana wa Enani.

⁸⁴ No winji we vilavywa, vyono wawo i walongola we likumi na wejete walavya, ku so wusiwanuzi we cikumbicilo, wali wuli nhavi:

⁸⁵ Makalayi ga fweza yikumi na mejete na bakuli za fweza yikumi na nyejete, zose hamonga, zali zina wuzito wa kilo makumi mejete na mupunghati, na gulamu magana mutandatu.

⁸⁶ Zibakuli za zahabu yikumi na nyejete, zose hamonga zali zina wuzito wa kilo monga, na gulamu magana madatu na makumi mejete, nazo zikawa zimemile no wuvumba.

⁸⁷ Nzeku yikumi na nyejete, na nduwilu yikumi na nyejete. Hamonga na nyana za ngholo yikumi na nyejete za mwaka monga. Hamonga ne cilavywa co wusaje, so cilavywa cinyanywe.

⁸⁸ Kanyhi na mvulati yikumi na nyejete so cilavywa co wubi. Hamonga na nzeku yine na nduwilu makumi mutandatu, na mvulati makumi mutandatu, hamonga na nyana za ngholo makumi mutandatu za mwaka monga monga, so cilavywa co mulamu.

⁸⁹ Nayo Musa yali yeza kwinjila mugati ye Lihema lyono Lyelile, ho yakalongane no Muwaha Mulungu, yakamuhulika Muwaha Mulungu yakulongana nayo, mu wulawa hacanyha ye cigubiko ce Lisanduku lye Cilagane, haciligati ye makelubi mejete.