Nehemiya 7 - Luganuzi Luswanu Kuli Wanhu Wose 2002

¹ Ale, lono majinji gali gakwila, ne milango yose yawicilwa, i walidilizi wa mu Nyumba yo Mulungu, hamonga ne cipuga cono celile ce wembi, ne Walawi, wakawikwa.

² Kanyhi nghawawika wanhu wejete wawe walongola mwi'kaya lya Yelusalemi. Ndugu yangu Hanani, na Hananiya u mulongola muwaha we ligomawakali lyose. Hananiya, yali munhu mwihuwilwa na we cogopo hali Mulungu, kanyhi yali cisindo.

³ Nghawalajiliza vyono, weze leka kudigula milango ya Yelusalemi hakali mitondo muno muno, langa sunga hono wuwe wela swee, ne lizuwa lyatobola. Kanyhi, wawe kuyidinda lono walindilizi wakali nawuka, mwipango lye cinyamihe, lono lizuwa likugwila. Hamonga na zizo, nghawalonjela wawahagule walindilizi, wono wali wekazi wa mu Yelusalemi. Wawice wanji mu wituma milimo ye hayo hayo, na wanji so wulanjilizi e walugu wa mu zikaya zawo.

Liwalo lya wono wawuya ku wulawa ku wuhamywe

⁴ Ale, likaya lya Yelusalemi lyali yiwaha kanyhi yigazi. Ninga i wekazi wa mumo, wali wacefu. Ne zikaya zali zikali nazengwa nyinji.

⁵ Mulungu yakenjiza wuhile muli'ne, ho niwakonghole wanhu wose, ne walongola wawo, hamonga ne wawaha, ho sume kulanga liwalo lye zindelo zawo. Nghalongola kumanya awalya wono wawuya, ku wulawa ku wuhamywe. Nghaciwona citabu cono wali wandikwe awalya wono wawuya ha lulongozi.

⁶ Awa wo wali wali mwi'tumbi wono wawuya munhu na hakwe ku Yelusalemi na ku Yuda, ku wulawilila ku Babiloni, ku wuhamywe wono zindelo zawo, zekalaga ku wuhamywe ku Babiloni, lono Mutemi Nebukadineza yawakunza no kuwawika nha wafungwa mu jela.

⁷ Wono wazana ne walongola wawo wa Zelubabeli, Yoshuwa, Nehemiya, Azaliya, Lamiya, Nahamani, Moledekayi, Bilishani Misepelete, Biguvayi, Nehumu na Baana.

⁸ Ali lyo liwalo lye zi ndelo za Isilayeli, hamonga ne liwalo lye zindelo ze zikaya zawo, wono wawuya ku wulawa ku wuhamywe. I wana wa Paloshi, wali wali elufu nyejete na yigana limonga na makumi mupunghati na wejete.

⁹ I wana wa Shefatiya, wali wali magana madatu na makumi mupunghati na wejete.

¹⁰ I wana wa Ala, wali wali magana mutandatu na makumi mahano na wejete.

¹¹ I wana wa Pahati-mowabu wo wana wa Yeshuwa na Yowabu, wali wali elufu nyejete na magana munana ne kumi na munana.

¹² I wana wa Elamu, wali wali elufu monga na magana mejete na makumi mahano na wane.

¹³ I wana wa Zatu, wali wali magana munana na makumi mane na wahano.

¹⁴ I wana wa Zakayi, wali wali magana mupunghati na makumi mutandatu.

¹⁵ I wana wa Binuyi, wali wali magana mutandatu na makumi mane na munana.

¹⁶ I wana wa Bebayi, wali wali magana mutandatu na makumi mejete na munana.

¹⁷ I wana wa Azigadi, wali wali elufu nyejete na magana madatu na makumi mejete na wejete.

¹⁸ I wana wa Adonikamu, wali wali magana mutandatu na makumi mutandatu na mupunghati.

¹⁹ I wana wa Biguvayi, wali wali elufu nyejete na makumi mutandatu na mupunghati.

²⁰ I wana wa Adini, wali wali magana mutandatu na makumi mahano na wahano.

²¹ I wana wa Ateli, mono hanji yacemwaga Hezekiya, wali wali makumi cenda na munana.

²² I wana wa Hashumu, wali wali magana madatu na makumi mejete na munana.

²³ I wana wa Bezayi, wali wali magana madatu na makumi mejete na wane.

²⁴ I wana wa Halifu, wali wali yigana limonga na yikumi na wejete.

²⁵ I wana wa Gibeyoni, wali wali makumi 'cenda na wahano.

²⁶ Ne wanji wono wasogo zawo, wekalaga mu matumbi gono gatyatizye, nawo wakawuya. Wa ku Betelehemu na Netopasi, wali wali yigana limonga na makumi munana na munana.

²⁷ Wa ku Anatoti, wali wali yigana limonga na makumi mejete na munana.

²⁸ Wa ku Beti-zemiveti, wali wali makumi mane na wejete.

²⁹ Wa ku Kiliyati-yeyalimu, Kefila na Beeloti, wali wali magana mupunghati na makumi mane na wadatu.

³⁰ Wa ku Lama na Geba, wali wali magana mutandatu na makumi mejete na yumonga.

³¹ Wa ku Mikimasi, wali wali yigana limonga na makumi mejete na wejete.

³² Wa ku Beteli na Ayi, ali wali yigana limonga na makumi mejete na wadatu.

³³ Wanji wa ku Nebo, wali wali makumi mahano na wejete.

³⁴ We kejete wa ku Elamu, wali wali elufu monga na magana mejete na makumi mahano na wane.

³⁵ Wa ku Halimu, wali wali magana madatu na makumi mejete.

³⁶ Wa ku Yeliko, wali wali magana madatu na makumi mane na wahano.

³⁷ Wa ku Lode, Hadide na Ono, wali wali magana mupunghati na makumi mejete na yumonga.

³⁸ Wa ku Sena, wali wali elufu yidatu na magana yicenda na makumi madatu.

³⁹ Ali lyo liwalo lye zindelo ze wakohani, wono wawuya ku wulawa ku wuhamywe. Yedaya (we zindelo za Yeshuwa,) wali wali magana yicenda na makumi mupunghati na wadatu.

⁴⁰ Wa Imeli, wali wali elufu monga na makumi mahano na wejete.

⁴¹ Wa Pashuli, wali wali elufu monga na magana majete na makumi mane na mupunghati.

⁴² Wa Halimu, wali wali elufu monga ne 'kumi na mupunghati.

⁴³ Zindelo ze Walawi, zono zawuya ku wulawa ku wuhamywe. Yeshuwa na Kadimiyeli (we zindelo za Hadaviya,) wali wali makumi mupunghati na mane.

⁴⁴ I wembi wa mu Nyumba yo Mulungu (we zindelo za Asafu), wali wali yigana limonga a makumi mane na munana.

⁴⁵ I walindilizi wa mu Nyumba yo Mulungu, (we zindelo za Shalumu, Ateli, Talimoni Akubu, Hatita na Shobayi,) wali wali yigana limonga na makumi madatu na munana.

⁴⁶ Zindelo ze wetumami wa mu Nyumba yo Mulungu wono wawuya ku wulawa ku wuhamywe. Ziha, Hasufa, na Tabayoti,

⁴⁷ Kelosi Siya, Padoni,

⁴⁸ Lebana, Hagaba. Salumanyi.

⁴⁹ Hanani, Gideli Gahali,

⁵⁰ Leyaya, Lezini, Nekoda,

⁵¹ Gazamu, Uza, Paseya,

⁵² Besayi, Mewunimu, Nefushesimu,

⁵³ Bakubuke, Hakufa, Halihuli,

⁵⁴ Baziliti, Mehida, Halisha,

⁵⁵ Balikosi, Sisela, Tema,

⁵⁶ Neziya na Hatifa.

⁵⁷ Zindelo ze wetumami wa Solomona, zono zawuya ku wulawa ku wuhamywe. Sotayi, Sofeleti, Pelida.

⁵⁸ Yala, Dalikoni, Gideli,

⁵⁹ Shefatiya, Hatili, Pocelete-hazebayimu na Amoni.

⁶⁰ Liwalo lyose, lya we zindelo ze wetumami wa mu Nyumba yo Mulungu, hamonga ne wetumami wa Solomona, wono wawuya ku wulawa ku wuhamywe, wali wali magana madatu na makumi 'cenda na wejete.

⁶¹ Wali wali baho na wanji kanyhi, wono wali wa mu Zindelo za Delaya, Tobiya na Nekoda wono liwalo lyawo wali wali magana mutandatu na makumi mane na wejete.

⁶² Awa wakawuya ku wulawilila mu matumbi ga Telumela, Teluhalisha Kelubi, Adoni na Imeli, ninga wene siwalajila calinze vyono nawo wali we ndelo ze Waisilayeli.

⁶³ Yono yityatyizye yo mhuga ye wakohani, wono wejela wasina lwandiko lono lwawalajila ze ndelo yawo. Hobaya, Hakozi, Belezilayi. (Wa mu lulelo lwe wakohani lwa Belezilayi, yakatola mugolece mono yali we mhuga ya Belezilayi wa ku Gileyadi, hodu yakawa kusola ne litagwa lye mhuga yo mukwewe.)

⁶⁴ Alu vyono siwalajila wali wali mu lulelo lwe mhuga ya hayi, holeka siwabocelwa nha wakohani.

⁶⁵ Nayo mulongola we Wayahudi, yakawalonjela vyono, walece kusejelela no kulya ndigwa yono yelile, i ndavye kuli Mulungu, sunga langa yawe yali baho mukohani mono yakwitumamila Ulimu na Tumimu.

⁶⁶ Liwalo lyose lya wono wawuya ku wulawa ku wuhamywe, wali wali elufu makumi mane na nyejete, na magana madatu, na makumi mutandatu.

⁶⁷ Wetumami wawo we cilume na we cicekulu, wali wali elufu mupunghati na magana madatu na makumi madatu na mupunghati. I wemb we cilume na we cicekulu, wali wali magana majete na makumi mane na wahano. Zifwalasi, zali zili magana mupunghati na makumi madatu na mutandatu.

⁶⁸ Zi nyumbu, zali zili magana mejete na makumi mane na yihano.

⁶⁹ Zi Ngamiya, zali zili magana mane na makumi madatu na yihano. Zi ndogowe, zali zli elufu mutandatu na magana mupunghati na makumi mejete.

⁷⁰ Wenji muno, wa muli wanhu wa Isilayeli, wakalavya vinhu, so kuwulipila mulimo wo wuzenji we Nyumba yo Mulungu. Umulongola wa mwi'tumbi, yakalavya kilo munana za zahabu, bakuli makumi mahano zo kulila zindigwa ze zi sikukuu, hamonga ne vivwalo vyo kwitumamila wakohani, vyali vili magana mahano na makumi madatu.

⁷¹ Nawo walongola wa mu zimhuga, wakalavya: Kilo yigana limonga na makumi mutandatu na munana, za zahabu, kilo elufu monga na magana mejete na makumi mahano za fweza.

⁷² I wanji nawo wakalavya kilo yigana limonga na makumi mutandatu na munana za zahabu, na kilo yigana limonga na makumi mane za fweza. Ne vivwalo vyo kuvwala wakohani, hono wali mu mulimo, vyali vili makumi mutandatu na mupunghati.

⁷³ Hobaho i wakohani ne Walawi, ne walindilizi wa mu Nyumba yo Mulungu, ne wembi, ne wanhu wose, hamonga ne wetumami wa mu Nyumba yo Mulungu, ne wanhu wa Isilayeli, wakawa kwikala mu matumbi ne makaya ga Yuda.