Nehemiya 10 - Luganuzi Luswanu Kuli Wanhu Wose 2002

¹ Umulongozi kutajila citanjilo, yali Nehemiya mwana wa Hakaliya, na Zedekiya, hamonga na awano wono wakutyatya.

² I wakohani, wali awano, Selaya, Azaliya, Yelemiya, na

³ Pashuli, Amaliya, Maliciya, na

⁴ Hatushi, Shebaniya, Maluki, na

⁵ Halimu, Malemoti, Obadiya, na

⁶ Danyeli, Ginetoni, Baluki, na

⁷ Meshulamu, Abiya, Miyamini, na

⁸ Maziya, Biligayi, na Shemaya.

⁹ I Walawi, wali awano, Yeshuwa u mwana wa Azaniya, Binuyi, e mhuga ya Henadadi, na Kadimiyeli.

¹⁰ Ne wandugu zawo wono watajila citanjilo wali awano: Shebaniya, Hodiya, na Kelita, Pelaya, Hanani, na

¹¹ Mika, Lehobu, Hashabiya, na

¹² Zekuli, Shelebiya, Shebaniya, na

¹³ Hodiya, Bani, na Beninu.

¹⁴ I walongola we wanhu, wali awano, Paloshi, Pahati-mowabu, Elamu, na Zatu, Bani,

¹⁵ Buni, na Azigadi, Bebayi,

¹⁶ Adoniya, na Biguvayi, Adini na

¹⁷ Ateli, Hezekiya, Azuli,

¹⁸ Hodiya, na Hashumu, Bezayi,

¹⁹ Halifu, Anatoti, na Nobayi,

²⁰ Magupiyashi, Meshulamu, na Hezili,

²¹ Meshezabeli, Zadoki, na Yoduwa,

²² Pelatiya, Hanani, na Anaya,

²³ Hosheya, Hananiya, na Hashubu,

²⁴ Haloheshi, Piliha, na Shobeke,

²⁵ Lehumu, Hashabuna, Maseya,

²⁶ Ahiya, Hanani, Anaani,

²⁷ Maluki, Halimu na Baana.

Wilumbanize wawo

²⁸ Ase co wanhu wa Isilayeli, co wakohani, ne Walawi, ne walindilizi we Nyumba yo Mulungu, ne wembi we Nyumba yo Mulungu, ne wetumami wa mu Nyumba yo Mulungu, hamonga na wose wono so wibata Lilajilizo lyo Mulungu, wakesiwanula ne wanhu we makungugo ganji, wono wekalanaga nase mu yisi yetu. Hamonga ne wagolece zetu, ne wana wetu wono waficila lizika lyo kumanya no kutanga zo Wulajilize.

²⁹ Cikwilunza hamonga ne walongola wetu mu wilahize, nha vyono cokwikala mu mikalile nha vyono Wulajilize wukucitonga. Wulajilize wono Mulungu yacipelela muli Musa mwitumami wakwe. Na vyono kanyhi cozityatya zose zono Muwaha Mulungu, u Mulungu wetu, yacilajiliza. Na vyono cogakamisa ne malajilizo gakwe, hamonga no wuhile wakwe. Na vyono, hono cilibene lilajilzo lili, hodu cilijitwe.

³⁰ Kanyhi sicokwitolanila na wono si Wayahudi, wono cikalane nawo mu yisi yetu.

³¹ Kanyhi na hono wacambazize ndigwa hamba cinhu cinji mwi'zuwa lye Sabato, hamba mwi'zuwa lyono lyelile, ho waciguzize, ase sicogula yaye. Kanyhi mu mwaka wo mupunghati sicoyilima yisi, hamba ne migawa yono wacikopile si coyidaya yaye.

³² Na mu myaka yose, cowa kulavya munhu monga gulamu yihano za fweza, ho zitumamilwe mu milimo yo wuzenji we Nyumba yo Mulungu wetu.

³³ Cowa kulavya vinhu avi, so wuhembi mu Nyumba yo Mulungu, mukate wono welile, cilavywa co wusaje, ce nhondo zose, hamonga ne mitugo so cilavywa cinyanywe, ca nhondo zose, so likumbiko, ne cilavywa ce Sabato, na ce sikukuu yo mwezi mupya, na ce vilo vinji viwaha, ne zisikukuu zose zono zelile, so kuwanozeza wilamule i Waisilayeli wose, ne cinhu co cose cono cosakwa so milimo yose ya mu Nyumba yo Mulungu wetu.

³⁴ Ase wose, ne Wakohani, hamonga ne Walawi, cowa kuhagula mu mwaka, mu nzila yo kutowa kula, ho ciyituje mhuga ya hayi yono yowa kuleta zingwagu, zo kunyanyila cilavywa cinyanywe kuli Muwaha Mulungu, u Mulungu wetu, nha vyono Wulajilize wukulolosa.

³⁵ Cowa kuleta ne malimbuko kuli Muwaha Mulungu, mu wulawa mu zindigwa zono zolongola kupya no kududulwa, hamonga ne mikalo milongozi kupya, mu migunda yetu.

³⁶ Cowa kuwategula i wana wetu i walongozi kulelwa, kuli wakohani wono wetumaga ku Nyumba yo Mulungu, ho cikalavye kuli Mulungu nha vyono Wulajilize wukutya. Kanyhi cowa kumulavizya Muwaha Mulungu zi ng'ombe zinongozi kulelwa, hamonga na mu zingholo zetu ne zimhene zetu.

³⁷ Cowa kutegula mu myaka yose, no wusaje wutiwe, wo wuhemba wupya, kuli Wakohani, mu Nyumba yo Mulungu, wo kunoza mukate, hamonga ne vilavywa vinji vinji vye divayi, ne mafuta, hamonga ne mikalo ye hayo hayo. Cowa kutegula kuli Walawi, ne zi zaka zono zikulawa mu migunda yetu, ne zaka ze ndigwa yono cowa kutuga mu migunda yetu.

³⁸ Wakohani wana wa Haluni, yiwanojeye wawalilizwe hamonga ne Walawi, lono zaka yikukongholwa, wasole monga kwe kumi ya mu zaka yono woyikonghola, wayiwice mu cinyumba co kuwika zi sawo ze Nyumba yo Mulungu, so witumami wa mu Nyumba yo Mulungu wetu.

³⁹ I wanhu wose wa Isilayeli hamonga ne Walawi, yiwanojeye wasole i vilavywa vyose vye zaka, waviwice mu vinyumba vyono viwikwaga viwutwa vya mu Nyumba yo Mulungu. Vilavywa vyo wuhemba, vye divayi na vye mafuta. Ho viwikwe hamonga ne viya vyose vye Nyumba yo Mulungu, lono ne Wakohani wono wali mu witumami wali baho, ne walanjilizi, hamonga ne cipuga ce wembi, nawo ho wasole lobo ye zi zaka zose, wetumamile. Nase si coyileka Nyumba yo Mulungu wetu.