Malaki 4 - Luganuzi Luswanu Kuli Wanhu Wose 2002

Lizuwa lyo Muwaha Mulungu likuza

¹ U Muwaha Mulungu we mihanga yakutya, “Lizuwa likuza lyono i wanhu we cibede, hamonga ne wanhu wabi, wolotakamizwa nhe mahanze. Mwi'zuwa lilyo, wene wolotakamizwa. Hamba si wolosigazizwa na cinji co cose.

² Ninga kuli'nye mono muhulicile 'ne, i vilungo vyangu vye mhonelo, vyolomulawilenyi nhe'zuwa, no kumuletelenyi mhono, nhe nyhenjezi ye lizuwa. Mowa muli welecele, akuno musangalaye, kotya nyehe ndigulile mu wulawa mwi'kumbo.

³ Na mwi'zuwa lyono nolokuziza kuwufisiliza wihuwizo wangu, anye molowasuma i wabi, nawo wolokwihwana manghundi hasi ye magulu genyu.

⁴ “Ninga mukumbucile mejizo go mwitumami wangu Musa, hamonga no wulajilize, ne malajilizo gono namupelela kwi'tunda lya Sinayi, anye wanhu wose wa Isilayeli, mugebate.

⁵ “Ninga lono likali si naza lizuwa lilyo liwaha lyo wogofye lyo Muwaha Mulungu, ane nomutumilenyi muwizi Eliya.

⁶ Nayo kolo yakuza, kozipitula zinhumbula ze wasogo zo munhu zilanje wana wawo, ne zinhumbula ze wana, nazo, zilanje wasogo zawo, ho nize ndece kuyihodanga yisi yenyu.”