Ezila 2 - Luganuzi Luswanu Kuli Wanhu Wose 2002

Liwalo lya wono wawuya ku Yelusalemi ku wulawa ku Babiloni

¹ I wahamywa wenji wakawuka mu yisi ya Babiloni, wakawuya ku Yelusalemi na ku Yuda, munhu na hanhu hakwe hono yalawilila. Wandugu zawo wanji, wakajendelela kwikala mu yisi yo wujenzi ku Babiloni, ku wulawa vyono Mutemi Nebukadineza yawasola no kuwategula kotya wafungwa.

² Walongola wawo wali awa Zelubabeli, Yoshuwa, Nehemiya, Selaya, Lelaya, Moledekayi, Bilishani, Misipali, Bigivayi, Lehumu na Bana. Awano, wo wanhu wose we liwalo lya mu zindelo ze Waisilayeli, wono wawuya ku Yelusalemi ku wulawilila ku Babiloni ku yisi yo wujenzi. Lulelo ne liwalo lyawo.

³ We mhuga ya Paloshi wawuya elufu nyejete ne 'gana limonga, na makumi mupunghati na wejete.

⁴ We mhuga ya Shafati, wali wali magana madatu na makumi mupunghati na wejete.

⁵ We mhuga ya ala, wali wali magana mupunghati na makumi mupunghati na wahano.

⁶ We mhuga ya Pohati Yowabu wa mu lulelo lwa Yeshuwa na Yowabu, wali wali elufu nyejete na magana munana na yikumi na wejete.

⁷ We mhuga ya Elamu, wali wali elufu monga na magana mejete na makumi mahano na wane.

⁸ We mhuga ya Zatu, wali wali magana yicenda na makumi mane na wahano.

⁹ We mhuga ya Zakayi, wali wali magana mupunghati na makumi mutandatu.

¹⁰ We mhuga ya Bani, wali wali magana mutandatu na makumi mane na wejete.

¹¹ We mhuga ya Babayi, wali wali magana mutandatu na makumi mejete na wadatu.

¹² We mhuga ya Azigadi, wali wali elufu monga na magana mejete na makumi mejete na wejete.

¹³ We mhuga ya Adonikamu, wali wali magana mutandatu na makumi mutandatu na mutandatu.

¹⁴ We mhuga ya Bigivayi, wali wali elufu nyejete na makumi mahano na mutandatu.

¹⁵ We mhuga ya Adini, wali wali magana mane na makumi mahano na wane.

¹⁶ We mhuga ya Ateli, (hanji yacemwaga Hezekiya) wali wali makumi 'cenda na munana.

¹⁷ We mhuga ya Bezayi, wali wali magana madatu na makumi mejete na wadatu.

¹⁸ We mhuga ya Yola, wali wali yigana limonga ne 'kumi na wejete.

¹⁹ We mhuga ya Hashumu, wali wali magana mejete na makumi mejete na wadatu.

²⁰ We mhuga ya Gibali, wali wali makumi 'cenda na wahano.

²¹ Hamonga na wawa, mhuga zinji zono zekalaga mu matumbi gago gono hamonga ne zindelo zawo, nawo wakawuya. Ku Betelehemu, wawuya yigana limonga na makumi mejete na wadatu.

²² Netofa, wawuya makumi mahano na mutandatu

²³ Anatoti, wawuya yigana limonga na makumi mejete na munana

²⁴ Azimaveti, wawuya makumi mane na wejete.

²⁵ Kiliyati Yeyalimu, na Kefila na Beeloti, wawuya magana mupunghati na makumi mane na wadatu.

²⁶ Lama na Geba, wawuya magana mutandatu na makumi mejete na yumonga.

²⁷ Mikimashi, wawuya yigana limonga na makumi mejete na wejete.

²⁸ Beteli na Ayi, wawuya magana mejete na makumi mejete na wadatu.

²⁹ Nebo, wawuya makumi mahano na wejete.

³⁰ Magubishi, wawuya yigana limonga na makumi mahano na mutandatu.

³¹ Wanji wa ku Elamu, wawuya elufu monga na magana mejete na makumi mahano na wane.

³² Halimu, wawuya magana madatu na makumi mejete.

³³ Lodi, Hadidi na Ono, wawuya magana mupunghati na makumi mejete na wahano.

³⁴ Yeliko, wawuya magana madatu na makumi mane na wahano.

³⁵ Sena, wawuya elufu yidatu na magana mutandatu na makumi madatu.

³⁶ Ali lyo liwalo lyo lulelo lwe wakohani wono wawuya ku wulawilila ku wuhamywe. Yedaya wa mu lulelo lwa Yeshuwa, wali wali magana yicenda na makumi mupunghati na wadatu.

³⁷ Wana wa Imeli, wali wali elufu monga na makumi mahano na wejete.

³⁸ Wana wa Pashuli, wali wali elufu monga na magana mejete na makumi mane na mupunghati.

³⁹ Wana wa Halimu, wali wali elufu monga ne 'kumi na mupunghati.

⁴⁰ Ndelo ze Walawi wono wawuya ku wulawa ku wuhamywe. Wana wa Yoshuwa na Kadimiyeli, (wo lulelo lwa Hadaviya) wali wali makumi mupunghati na wane.

⁴¹ I wembi wa mu Nyumba yo Mulungu, (wo lulelo lwa Asafu) wali wali yigana limonga na makumi mejete na munana.

⁴² Walindilizi we Nyumba yo Mulungu wo lulelo lwa Shalumu na Ateli na Talimoni na Akubu, Hatita na Shobayi wali wali yigana limonga na makumi madatu ne 'cenda.

⁴³ Ndelo ze wetumami wa mu Nyumba yo Mulungu, zono zawuya ku wulawilila ku wuhamywe zo azi: Mhuga ya Ziyaha, Hazufa, Tabayoti,

⁴⁴ Kelosi, Siha, Padoni,

⁴⁵ Lebana, Hagaba, Akubu,

⁴⁶ Hagabu, Shamulayi, Hanani,

⁴⁷ Gideli, Gahali, Leyaya,

⁴⁸ Lezini, Nekoda, Gazamu,

⁴⁹ Uza, Paseya, Besayi,

⁵⁰ Asena, Mawunimu, Nefusimu,

⁵¹ Bakubuke, Hakufa, Halihuli,

⁵² Bezeluti, Mehida, Helesha.

⁵³ Belekosi, Sisela, Tema,

⁵⁴ Neziya na Hatifa.

⁵⁵ Ndelo ze wetumami wa Solomona zono zikawuya ku wulawilila ku wuhamywe zo azi, Wana wa Sotayi Hasofeleti, Peluda,

⁵⁶ Yala, Dalikoni, Gididela,

⁵⁷ Shefatiya, Hatili, Pokeleti-hazebayimu ne wana wa Ami.

⁵⁸ Liwalo lyose lye ndelo ye wetumami wa mu Nyumba yo Mulungu, hamonga ne wetumami wa Solomona, wono wawuya ku wulawilila ku wuhamywe, wali wali magana madatu na makumi 'cenda na wejete.

⁵⁹ Ndelo zono zali za mu mhuga ya Delaya, Tobiya na Nekoda, zono zawuya ku wulawilila ku wuhamywe zono zalawilila mu makaya ga Teli Mela, Teli Halisha, Kelubu, Adani na ku Imeli, zali zificile wanhu magana mutandatu, na makumi mahano na wejete. Ninga si wamanyika viswanu nha vyono wene nawo wali wo wo lulelo lwe wana wa Isilayeli.

⁶⁰ I wene wali wo lulelo lwa Delaya, na lwa Tobiya, na lwa Nekoda.

⁶¹ Nawo awa wono watyatizye, wo wa mu zindelo ze wakohani, zono zikawa zisina wulolose wa calinze, wo kulajila vyono wene nawo, wali wo lulelo lwa hayi lwe wakohani. Wana wa Habaya, Hakozi na Balezilayi. Lulelo lwe wakohani lono lwali lwe mhuga ya Balezilayi, lukatola wacekulu wono wali we mhuga ya Balezilayi wa ku Gileyadi, wakawa kwicemela ne litagwa lye mhuga yo mukwe wawo.

⁶² Nawo wali weza kulemwa kulajila calinze vyono wali wo wo lulelo lwa hayi, holeka siwavumilwa yaye kuwikwa mu mulimo wo wukohani.

⁶³ Umulongola we Wayahudi, yakawalonjela vyono walece kulya ndigwa yono ndavye kuli Mulungu, sunga langa mukohani mono yakwitumamila Ulimu na Tumimu yawe yali baho.

⁶⁴ Liwalo lyose hamonga lya wono wakawuya ku wulawa ku wuhamywe, lyali lificile wanhu elufu makumi mane na nyejete, na magana madatu na makumi mutandatu.

⁶⁵ Wetumami we cilume na we cicekulu, wali waficile elufu mupunghati, na magana madatu, na makumi madatu na mupunghati. I wembi we cilume na we cicekulu, wali wali magana mejete.

⁶⁶ Fwalasi zali zili magana mupunghati na makumi madatu na mutandatu. Nyumbu zali zili magana majete na makumi mane ne 'hano.

⁶⁷ Ngamiya zali zili magana mane na makumi madatu ne 'hano. Ndogowe zali zili elufu mutandatu na magana mupunghati na makumi mejete.

⁶⁸ I wahamywa wawa, lono wali wakondya kufika mu Nyumba yo Mulungu ku Yelusalemi, wanji wa muli zimhuga ze walongola wa kuko, wakalavya ko welecele, vinhu vyono vyawagwa so kuyizenga kanyhi Nyumba yo Mulungu, i hanhu hono yali nzengwe katali.

⁶⁹ Wakalavya vinhu vinji muno nha vyono wasuma so mulimo wuwu. Liwalo lyose likejela kilo magana mahano ga zahabu, na kilo elufu nyejete na magana munana za fweza, hamonga na vivwalo vye wakohani yigana limonga.

⁷⁰ Baho i wakohani, ne Walawi, hamonga ne wanhu wanji wakanoza wikalo wawo mu Yelusalemi, hamba behi na Yelusalemi. Ninga i wembi wa mu Nyumba yo Mulungu ne wetumami wayo, hamonga ne walindilizi wayo wana wose wakanoza wikalo wawo mu makaya ge behi na Yelusalemi. Na wanji wa muli Waisilayeli, nawo wakanoza wikalo wawo behi ne makaya gono zindelo zawo zekalaga katali.