Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

2 Zinghomo 4 - Luganuzi Luswanu Kuli Wanhu Wose 2002


I vinhu vyo kuzenjela Nyumba yo Mulungu
( 1Wat 7:23-51 )

1 Mutemi Solomona yali yena cikumbicilo ca shaba, cono cali cina wugazi wayo mita yicenda mbavu zose, no wutali wayo wa kucanyha mita yine na nusu.

2 Kanyhi yakanoza yitanji lya shaba, lyono lyali no wupilime walyo wa mu mugo walyo, mita yine na nusu. Na mita nyejete na lobo, wima walyo, na mita yikumi ne'datu na nusu, wuwaha wo wupilime walyo.

3 Yakawicila micilili myejete yo wihambo mumo mwitanji, wunji hasika yayo, no muyagwe nawo ha kacanyha yayo. No wihambo wuwo, wukawa wa hwani ya ng'ombe, wono wali mulunzize lukulu ne litanji.

4 Yakalijeleka mucanyha ye migongo ye vihwani vye zing'ombe yikumi na nyejete ze shaba. Nazo zikawa zimile yidatu yidatu zilanjile yidatu ne langa lyazo. Yidatu zilanjile ku sumuka, yidatu, zilanjile ku mwezi, yidatu zilanjile kutakama ne zidatu zikawa zilanjile kucilima.

5 Ne cuma cono canozwa litanji, cali cina wukangazi wa sentimita mupunghati na nusu. No mugo wayo wali munoze nha mugo we cikombe, winhe 'luwa. Ne litanji lilyo, lyenjilaga lita za malenga elufu makumi mutandatu.

6 Yakanoza na mabeseni yikumi, yakawika mahano lubavu lwa kutakama lwe Nyumba yo Mulungu, ne mahano nago lubavu lwayo lwa kusumuka. Ne mabeseni gago, getumamilwaga so mulimo wo kukwema zinyama zinji ze mitugo ze makumbiko ge vilavywa vinyanywe. Ninga malenga gono gekalaga mwi'tanji liwaha, ago wezuguzaga wakohani du wali wene.

7 Kanyhi yakanoza viwicilo vya tala, vili 'kumi vya zahabu, mu nghango nha vyono yalajilizwa, yakaviwika mwi'kumbo lye Nyumba yo Mulungu, vihano lubavu lwa kutakama, ne vihano lubavu lwa kusumuka. Hanyuma kanyhi yakanoza mabeseni yigana limonga ga zahabu.

8 Yakanoza na meza yikumi, yakaviwika vyose mugati ye cumba ca haciligati, mu Nyumba yo Mulungu. Yakawika viwicilo vye tala vihano, hamonga na meza yihano lubavu aluno na viwicilo vye tala vihano kanyhi na meza yihano, navyo yakaviwika lubavu luyagwe mumo mugati. Kanyhi yakanoza na bakuli yigana za zahabu.

9 Kanyhi yakanoza na ha wuduwilo we wakohani, hamonga no wuduwilo wuwaha, yakawicila ne milango yayo. Ne milango yono yali yili haciligati ya ha wuduwilo, yose yali mihiliwe shaba.

10 Nalyo litanji lilyo lye malenga, lyali yiwikwe behi ne nhuzi yo lubavu lwa kucilima ye takama ye Nyumba yo Mulungu.

11 Hulamu, yakanoza zinyungu, ne masili, ne zibakuli. Nhondo yakakondya kuvinoza vinhu vyose, vyono yehuwiza kuli Mutemi Solomona, nha vyono kovinoza so Nyumba yo Mulungu navyo vyali vyovi:

12 Masumbili mejete Mikumbo myejete, yono yali mucanyha ye masumbili, zi nyavu nyejete zo kufunika mucanyha ye masumbili mejete.

13 Ne makomamanga magana mane ga shaba ga mu zinyavu zi nyejete, zali micilili myejete myejete, mhilimye mwi'sumbili limonga limonga kucanyha yayo.

14 Mikokoteni yo kudinghulila, yikumi. Mabeseni go kwizuguziza, yikumi, ne Litanji limonga.

15 Ne vihwani vye ng'ombe za shaba yikumi na nyejete, zono zajelekwa litanji.

16 Zinyungu, masili, hamonga ne viya vyayo vyose. Nayo yuyo Hulamu u munghula, yakanoza vinhu vyose, kwe shaba nhelemeze viswanu muno, nha vyono mutemi Solomona yamulajiliza, so witumamilwa mu Nyumba yo Muwaha Mulungu.

17 Mutemi yakavinoza vinhu vivyo vyose, mwi'longo linamu lya mu nyika ya mwi'lolo lya Yoludani, muciligati ya Sukoti na Zeleda.

18 Ne viya vivyo vyose vyono vyanozwa, hasina hamba munhu monga, mono yasuma kumanya wuzito we shaba yono yetumamilwa, vyono wali winha.

19 Mutemi Solomona, yakanoza ne viya vye zahabu so Nyumba yo Mulungu, nha cinji, cikumbicilo, hamonga ne zimeza zo kuwika mikate yono yali milavywe kuli Mulungu.

20 Hamonga no wuwiko we zitala, ne zitala zono zali nozwe ne zahabu nengu lwe, ziwe kwaka ku mwande ye Hanhu Hono Helile, Helile muno, nha vyono zategwa.

21 Hamonga ne maluwa go kuhamba, ne zitala, ne vibatilo,

22 ne visimizyo vye zitala ne zibakuli, ne mitela yo kufusiza wuvumba, hamonga ne mazaye go kupalila makala go moto. Vinhu vivino vyose, vyali vinozwe ne zahabu nengu. I milango ya kunze ye Nyumba yo Mulungu, hamonga ne milango yo kwinjilila i Hanhu Hono Helile, Helile muno, yose yali mihiliwe zahabu.

Cigogo Bible © Bible Society of Tanzania, 2002.

Bible Society of Tanzania
ကြှနျုပျတို့နောကျလိုကျပါ:



ကြော်ငြာတွေ