1 Zinghomo 8 - Luganuzi Luswanu Kuli Wanhu Wose 2002Wo lulelo lwa Benyamini 1 Benyamini yali yena wana wahano, na mu ndelwa yawo wali weleceye nhavi: Bela yali yo mulongozi kulelwa, yakamulecela Ashibeli, nayo Ashibeli yakamulecela Ahala, 2 nayo Ahala yakamulecela Noha, nayo Noha yakamulecela Lafa. 3 I wana wa Bela, wali awa Ada, Gela, Abihudi, 4 Abishuwa, Naamani, Ahoya, 5 Gela, Shefufani, na Hulamu. 6 Nawo wana wa Ehudi, wali awa, Naamani, Ahiya na Gela. Nawo wawa wakawa wo walongola we zimhuga zawo wono wekalaga ku Geba, ninga wakawingwa wakahama, wakabita kwikala ku Manahati. 7 Gela yali yo sogo ya Uza na Ahihudi, kanyhi wo wawataza na mu luhamo lulo. 8 Nayo Shahalayimu yali yena wacekulu wejete, Hushimu na Bala, ninga yakawapela talaka, yakawaleka. 9 Hanyuma yayo, lono yekalaga ku yisi ya Mowabu, yakatola mucekulu yunji, litagwa lyakwe Hodeshi, wakalelana nayo wana mupunghati, Yobabu, Zibiya, Mesha, Malikamu. 10 Na Yewuzi, Saciya, na Milima. Ne wanagwe wawa wose, wakawa wo walongola we zimhuga zawo. 11 Na kanyhi yali yakondya kulela wana wanji wejete, kuli Hushimu, nha cinji Abitubu na Elipali. 12 Nayo Elipali yali yena wana wadatu, Ebeli, Mishamu, na Shemedi. Nayo Shemedi yo yagazenga makaya ga Ono na Lodi, hamonga ne vitumbi vyayo vyono vyali vipilime. Wo mulango wa Benyamini wono wekalaga ku yisi ya Gati na Ayijaloni 13 Beliya na Shema, wakawa wo walongola wa mu zimhuga zawo, wono wekalaga mwi'kaya lya Ayijaloni, wakawawinga i wanhu wono wekalaga mwi'kaya lya Gati. 14 I wana wa Beliya wali wali hamonga na awa: Ahiyo, Shashaki, Yelemoti, 15 Zebadiya, Aladi, Edeli, 16 Mikayeli, Ishipa, hamonga na Yoha. We mulango wa Benyamini wono wekalaga Yelusalemi 17 Nawo wana wa Elipali wali awa: Zebadiya, Meshulamu, Hiziki, Hebeli, 18 Ishimelayi, Iziliya, na Yobabu. 19 Wana wa Shimeyi wali awa: Yakimu, Zikili, Zabudi, 20 Eliyenayi, Ziletayi, Eliyeli, 21 Adaya, Beleya, na Shimulati. 22 Wana wa Shashaki wali awa: Ishipani, Ebeli, Eliyeli, 23 Abudoni, Zikili, Hanani, 24 Hananiya, Elamu, na Anitotiya, 25 Ifudeya, na Penuweli. 26 Nawo wana wa Yelohamu, wali awa: Shemushelayi, Shehaliya, Ataliya, 27 Yaleshiya, Eliya na Zikili. 28 Na wawa, wali walongola mu zindelo ze wasogo zawo, mu lulelo lwawo lose wono wekalaga ku Yelusalemi. Wo mulango wa Benyamini wono wekalaga ku Gibeyoni na ku Yelusalemi 29 Yeyiyeli yo yalizenga likaya lya Gibeyoni, yakekala mumo. No mugolece wakwe litagwa lyakwe, yali Maaka. 30 No mwanagwe u mulongozi kulelwa, yacemwaga Abudoni. I wanagwe wanji wali awa: Zuli, Kishi, Baali, Neli, Nadabu, 31 Gedoli, Ahiyo, Zekeli, 32 na Makiloti, u sogwe wa Shimeya. No lulelo lwawo lose, wekalaga mu Yelusalemi behi ne zimhuga zinji ze wandugu zawo. Mhuga yo mutemi Sawuli 33 Neli yali yo sogo wa Kishi, nayo Kishi yakamulela mutemi Sawuli. Yuyu Sawuli, yali yena wana wane, Yonazani, Melikishuwa, Abinadabu, na Eshibali. 34 Nayo Yonazani yakamulela Melibali, nayo Melibali yakamulela Mika. 35 Nayo Mika yali yena wana wane, Pitoni, Meleki, Taleya, na Ahazi. 36 Ahazi yakamulela Yehoyada. Nayo Yehoyada yali yena wana wadatu, Ameleti, Azimaveti, na Zimuli. Nayo Zimuli yakamulela Moza, 37 nayo Moza yakamulela Bineya, nayo Bineya yakamulela Lafayeli, nayo Lafayeli yakamulela Eleyasa, nayo Eleyasa yakamulela Aseli. 38 Nayo Aseli yali yena wana mutandatu, Azilikamu, Bocelu, Ishimayeli, Sheyaliya, Obadiya, na Hanani. 39 Nayo Esheki u nduguye wa Aseli, yali yena wana wadatu, Ulamu, Yewushi, na Elifeleti. 40 I wana wa Ulamu, wali wali citung'ati muno ku wulugu, kanyhi wanghula ku wuguma no wupinde. Ulamu, yali yena wana yigana limonga na makumi mahano, hamonga ne wezukulu wenji. Na wawo wose wali wo wo mulango wa Benyamini. |
Cigogo Bible © Bible Society of Tanzania, 2002.
Bible Society of Tanzania