1 Zinghomo 6 - Luganuzi Luswanu Kuli Wanhu Wose 2002

Wityatye we zimhuga ze Wakohani wawaha

¹ Lawi yali yena wana wadatu, Gelishomu, Kohati, na Melali.

² Kohati yali yena wana wane, Amulamu, Izikali, Hebuloni, na Uziyeli.

³ Amulamu yali yena wana wejete, Aloni, na Musa, no mwana monga we cicekulu mono yacemwaga Milyamu. Nayo Aloni yali yena wana wane, Nadabu, Abihu, Eliyazali, na Itamali.

⁴ Nawo i wana wa Eliyazali ku wulawa ndelo na ndelo, wali wali nhavi: Eliyazali yakamulela Finehasi, Finehasi yakamulela na Abishuwa, Abishuwa yakamulela Buki,

⁵ Buki yakamulela Uzi.

⁶ Nayo Uzi yakamulela Zelahiya, Zelahiya yakamulela Melayoti.

⁷ Nayo Melayoti yakamulela Amaliya, Amaliya yakamulela Ahitubu,

⁸ Ahitubu yakamulela Zadoki, Zadoki yakamulela Amaziya,

⁹ Amaziya yakamulela Azaliya, Azaliya yakamulela Yohana.

¹⁰ Nayo Yohana yakamulela Azaliya, (Azaliya mono yetumaga mu Nyumba yo Mulungu yono mutemi Solomona yayizenga ku Yelusalemi.)

¹¹ Azaliya yakamulela Amaliya, Amaliya yakamulela Ahitubu,

¹² Ahitubu yakamulela Zadoki, Zadoki yakamulela Meshulamu,

¹³ Meshulamu yakamulela Hilikiya, Hilikiya yakamulela Azaliya,

¹⁴ Azaliya yakamulela Selaya, Selaya yakamulela Yehozadaki.

¹⁵ Nayo Yehozadaki, u mutemi Nebukadineza, yakamuhamya hamonga ne wanhu wa Yuda na Yelusalemi, wono Muwaha Mulungu yasaka mutemi Nebukadineza yawahamye.

Wanji wo lulelo lwa Lawi

¹⁶ Nayo Lawi, yali yena wana wadatu, Gelishoni, Kohati, na Melali.

¹⁷ Ne wana wawano wose, wali wena wana. Gelishoni, yakamulela Libuni, na Shimeyi.

¹⁸ Nayo Kohati yakamulela Amulamu, Iziha, Hebuloni, na Uziyeli.

¹⁹ Nayo Melali, yakamulela Mahili na Mushi.

²⁰ Nawo i wana wa Gelishoni ku wulawa ndelo na ndelo, wali wali nhavi, Libuni yakamulela Yahati, Yahati yakamulela Zima.

²¹ Zima nayo yakamulela Yowa, Yowa yakamulela Ido, nayo Ido yakamulela Zela, Zela yakamulela Yeyatelayi.

²² Awa nawo wo wana wa Kohati, ku wulawa ndelo na ndelo, Abinadabu yakamulela Kola, nayo Kola yakamulela Asili,

²³ Asili nayo yakamulela Elikana, nayo Elikana yakamulela Abiyasafu, nayo Abiyasafu yakamulela Asili,

²⁴ Asili yakamulela Tahati, nayo Tahati yakamulela Uliyeli, nayo Uliyeli yakamulela Uziya, nayo Uziya yakamulela Shawuli.

²⁵ Elikana nayo yali yena wana wejete, Amasayi na Ahimoti.

²⁶ Na wawa wo wana wa Ahimoti ku wulawa mu ndelo zawo. Elikana yakamulela Zofayi, nayo Zofayi yakamulela Nahati,

²⁷ nayo Nahati yakamulela Eliyabi, Eliyabi yakamulela Yelohamu, Yelohamu yakamulela Elikana.

²⁸ Samwili yali yena wana wejete, Yoweli mwana u mulongozi kulelwa, na Abiya u mwanakwawe.

²⁹ Awa nawo wo wana wa Melali ku wulawa mu zindelo zawo, Mahili yakamulela Libuni, nayo Libuni yakamulela Shimeyi, nayo Shimeyi yakamulela Uza,

³⁰ nayo Uza yakamulela Shimeya, Shimeya yakamulela Hagiya, nayo Hagiya yakamulela Asaya.

I wembi wa mu Nyumba yo Mulungu

³¹ Awa wo wanhu wono mutemi Dawudi yawawika, wawe wo watonji wo wimbi, mu vipango vyo wuhembi, ku Yelusalemi; lono Lisanduku lye cilagane lyali lyakondya kutegulwa kuko.

³² Wene wawo wo welecelaga mu milimo ya mwi'Hema lyono Lyelile, sunga mu mapango lono mutemi Solomona yali yakondya kuyizenga Nyumba yo Mulungu.

³³ Ne liwalo lye zimhuga za wawo wono wahagulwa ho webate mulimo wuwo, wali awano: Mu mhuga ya Kohati, yali Hemani, u mutonji mulongozi wo wimbi, nayo yali yo mwana wa Yoweli. Ne ndelwa ye mhuga yakwe, yilawiliye kuli Yakobo nha vyono nhavi, Hemani mwana wa Yoweli, nayo Yoweli mwana wa Samwili.

³⁴ Nayo Samwili mwana wa Elikana, nayo Elikana mwana wa Yelohamu, nayo Yelohamu mwana wa Eliyeli, nayo Eliyeli mwana wa Towa.

³⁵ Nayo Towa mwana wa Zufu, nayo Zufu mwana wa Elikana, nayo Elikana mwana wa Mahati, nayo Mahati mwana wa Amasayi.

³⁶ Amasayi mwana wa Elikana, nayo Elikana mwana wa Yoweli, nayo Yoweli mwana wa Azaliya, nayo Azaliya mwana wa Zefaniya.

³⁷ Zefaniya mwana wa Tahati, nayo Tahati, mwana wa Asili, nayo Asili mwana wa Abiyasafu, nayo Abiyasafu mwana wa Kola.

³⁸ Nayo Kola mwana wa Izihali, nayo Izihali mwana wa Kohati, nayo Kohati mwana wa Lawi, nayo Lawi mwana wa Yakobo.

³⁹ Asafu yali yo mulongoza wimbi we cipuga ce kejete. Ne ndelwa ye mhuga yakwe, yilawiliye ku wulawa kuli Lawi nha vyono nhavi; Asafu mwana wa Belekiya, nayo Belekiya wa mwana Shimeya.

⁴⁰ Nayo Shimeya mwana wa Mikayeli, nayo Mikayeli mwana wa Baseya, nayo Baseya mwana wa Malikiya.

⁴¹ Malikiya mwana wa Etini, nayo Etini mwana wa Zela, nayo Zela mwana wa Adaya,

⁴² Adaya mwana wa Etani, nayo Etani mwana wa Zima, nayo Zima mwana wa Shimeyi.

⁴³ Shimeyi mwana wa Yahati, nayo Yahati mwana wa Gelishoni, nayo Gelishoni, mwana wa Lawi.

⁴⁴ Nayo Etani we mhuga ya Melali, yakawa yo mutonji we cipuga ce kadatu ce wembi. Nayo i ndelwa ye mhuga yakwe yilawiliye ku wulawilila kuli Lawi, nha vyono nhavi: Etani mwana wa Kishi, nayo Kishi mwana wa Abudi, nayo Abudi mwana wa Maluki,

⁴⁵ Nayo Maluki mwana wa Hashabiya, nayo Hashabiya mwana wa Amaziya, nayo Amaziya mwana wa Hilikiya,

⁴⁶ nayo Hilikiya mwana wa Amuzi, nayo Amuzi mwana wa Bani, nayo Bani mwana wa Shemeli.

⁴⁷ Nayo Shemeli mwana wa Mahili, nayo Mahili mwana wa Mushi, nayo Mushi mwana wa Melali, nayo Melali mwana wa Lawi.

⁴⁸ Ninga i Walawi, wose wakapegwa milimo yose yo wulanjilizi we hanhu ho Wuhembelo.

Wo lulelo lwa Haluni

⁴⁹ Haluni hamonga na wo lulelo lwakwe, mulimo wawo wali kulavya vilavywa vyo wuvumba, hamonga ne vilavywa vinyanywe mu cikumbicilo. Kanyhi wali wo mulimo wawo wo wuhembi wose we Hanhu Hono helile, helile muno. Ho wawanozeze Waisilayeli wilamule. Nawo wasumaga kuzituma zizino zose, wakutyatya mejizo nha vyono wejizwa na Musa, u mwitumami wo Mulungu.

⁵⁰ No lulelo lwe wana wa Haluni wuli nhavi: Eliyazali yakamulela Finehasi, nayo Finehasi yakamulela Abishuwa,

⁵¹ nayo Abishuwa yakamulela Buki, nayo Buki yakamulela Uzi, nayo Uzi yakamulela Zelahiya,

⁵² Zelahiya yakamulela Melayoti, nayo Melayoti yakamulela Amaliya, nayo Amaliya yakamulela Ahitubu.

⁵³ Nayo Ahitubu yakamulela Zadoki, nayo Zadoki yakamulela Ahimazi.

I hanhu hono wekalaga i Walawi

⁵⁴ Ayi yo yisi yono wakapegwa i wana wa Haluni we mhuga ye Wakohati. Wakapegwa ligawo lilongozi lya mu yisi yono wapegwa Walawi.

⁵⁵ Hamonga na Hebuloni mu yisi ya Yuda, hamonga no wudimilo we mitugo, wono wali wuyipilime.

⁵⁶ Langa mawimbi hamonga ne vitumbi, vyono vyali vipilime likaya, avyo yakapegwa Kalebi u mwana wa Yefune.

⁵⁷ Ne makaya gaga gono getyatizye go wapegwa i wana wa

⁵⁸ Haluni: Hebuloni, likaya lyo wutizizo, na Yatili, hamonga ne vikaya vya Libuna, na Eshitemowa, na Holeni, na Debili,

⁵⁹ na Ashani, na Bete-shemeshi, hamonga ne hanhu ho wudimilo we mitugo.

⁶⁰ Na mu yisi yo mulango wa Benyamini, wakapegwa makaya, hamonga ne hanhu ho wudimilo we mitugo zawo, nha cinji Geba, na Alemeti, na Anatoti. Gakawa hamonga makaya yikumi na madatu, gono wapegwa ho wekale mumo zimhuga zawo wose.

⁶¹ Nago makaya yikumi gono gali gali mu yisi ya ku lubavu lwa kumwezi lye yisi ya Manase, wakapegwa we zimhuga ze Wakohati mhuga na mhuga, mu nzila yo kutowela kula.

⁶² Nawo we mhuga ya Gelishomu, wakapegwa makaya yikumi na madatu, ga mu yisi ya Isaka, na Asheli, na Nafutali, hamonga na ga ku lubavu lwe Manase ya kucilima, mu yisi ya Bashani.

⁶³ Na mu nzila yiyo du, i makaya ganji nago yikumi na mejete ga mu yisi ya Lubeni, na Gadi, na Zabuloni, wakapegwa we mhuga ya Melali, mhuga na mhuga.

⁶⁴ Na mu nzila yiyo yo wutowela kula, yo nzila yono i wanhu wa Isilayeli wetumamila ku wugawa makaya kuli Walawi, wekale mumo, hamonga no wudimo we mitugo zawo, wono wugapilime makaya gawo.

⁶⁵ (Sunga ne makaya gono gali mu yisi ya Yuda, na Simiyoni, na Benyamini, gono gatambuligwe hacanyha, gose gakagawa mu nzila yo kutowa kula.)

⁶⁶ Na wanji wa mu mhuga ye Wakohati, wapegwa makaya ga mu yisi ya Efulayimu, hamonga no wudimo we mitugo zawo.

⁶⁷ Na Shekemu likaya lyo wutizizo, lyono lili mu matunda ga Efulayimu, nha cinji, likaya lya Gezeli,

⁶⁸ na Yokimeyamu, na Bete-holoni,

⁶⁹ na Ayiloni, hamonga na Gati-limoni.

⁷⁰ Na wa mu yisi ya Manase ya kumwezi, wakapegwa makaya ga Aneli, na Bileyamu, hamonga ne hanhu ho wudimilo we mitugo zawo.

⁷¹ Nawo we mhuga ya Gelishoni, wakapegwa makaya agano; hamonga no wudimo we mitugo zawo. Mu yisi ya Manase wa kucilima, wakapegwa Golani ya mu Bashani, hamonga na Ashitaloti.

⁷² Na mu yisi ya Isakali, wakapegwa Kadeshi, na Dabelati,

⁷³ na Lamoti, hamonga na Anemu.

⁷⁴ Na wa mu yisi ya Asheli, wakapegwa Mashali, na Abudoni,

⁷⁵ na Hukoki, hamonga na Lehobu.

⁷⁶ Na wa mu yisi ya Nafutali, wakapegwa Kadeshi, ya mu Galilaya, na Hamoni, hamonga na Kiliyatayimu.

⁷⁷ Ne zimhuga zono zasigala ze mhuga ya Melali, wakapegwa makaya, hamonga no wudimo we mitugo zawo, mu yisi ya Zabuloni, na Limoni hamonga na Taboli.

⁷⁸ Na wa mu yisi ya Lubeni, ku lubavu lwa kucilima ye likolongo lya Yoludani, ku nhumbi ya Yeliko, nako wakapegwa Bezeli mu yisi yono yinuce, hamonga na Yahiza,

⁷⁹ na Kedemoti, hamonga na Mefati.

⁸⁰ Na wa mu yisi ya Gadi, namo wakapegwa Lamoti ya mu Gileyadi, na Mahanayimu,

⁸¹ na Heshiboni, hamonga na Yazeli.