1 Zinghomo 25 - Luganuzi Luswanu Kuli Wanhu Wose 2002

I wembi wa mu Nyumba yo Mulungu

¹ Mutemi Dawudi hamonga ne walongola we Walawi, wakayihagula mhuga ye Walawi, wo walongoze wuhembi mwi'pango lyo wuhembi, nawo wo awa: Asafu, Hemani, na Yedutuni. Wawa wakasakwa wayiganule nghani yo Mulungu mu nzila yo wimbe hamonga ne masumbi ne ndonondo ne zimbilili. Nawo awa wo wanhu wono wakahagulwa ho walongoze wuhembi, hamonga no wuhembi wose wono vipuga cimonga cimonga canozaga.

² Ne wana wane wa Asafu, Zakuli, Yusufu, Netaniya na Ashalela. Wawa wose wali wali hasi yo wutonji wa Asafu, wono waganulaga nghani yo Mulungu, mu mapango go gose gono mutemi yalajilizaga.

³ Yedutuni, yali yena wana mutandatu, Gedaliya, Zeli, Yeshaya, Shimeyi, Hashabiya, na Matitiya. Wakawa wali mu wulanjilizi wo sogo yawo Yedutuni, mono yaganulaga nghani yo Mulungu akuno yakutowa masumbi ne ndonondo, hamonga no kwimba zinyimbo zo lukumyo na zo kumulumba Muwaha Mulungu.

⁴ Hemani yali yena wana yikumi na wane, Bukiya, Mataniya, Uziyeli, Shebuweli, Yelimoti, Hananiya, Hanani, Eliyata, Gidaliti, Lomamuti Ezeli, Yoshibekasha, Maloti, Hotili, na Mahaziyoti.

⁵ Mulungu yakamupela wana wa cilume yikumi na wane na we cicekulu wadatu, yuyu Hemani mono yali yo muwizi wo mutemi, nha vyono mwene Mulungu yehuwiza, ho yamonjeleze vilungo Hemani.

⁶ Ne wana wose wawo, wali wo watowi we misesele ne zindonondo, nha vyono walanjizwaga no sogo yawo, vyono wosuma kwitumama mu wuhembi wa mu Nyumba yo Mulungu. Hamba nhavivyo, Asafu, na Yedutuni, hamonga na Hemani, wali wali hasi yo wulajilize wo mutemi.

⁷ Ne wanhu wose wawa makumi mejete na wane, wali wanghula muno, hamonga ne wayawo Walawi, wose wali wejizwe muno muli ze masumbi. Nawo hamonga, wali waficile wanhu magana mejete, na makumi munana na munana liwalo lyawo.

⁸ Ne milimo yawo yono wapegwa, yose yikakangazizwa mu wutowa kula, wakapegwa muling'ano wose wadodo ne wawaha, wanghula, na wono wakali ho wakwanza.

⁹ Ne wanhu wawo wose magana mejete na makumi munana na munana, wakagawa mu nghango ye zimhuga zawo, wakagawa vipuga makumi mejete na vine, vya wanhu yikumi na wejete, wejete, ne vipuga vyose vikapegwa cipuga na mulanjilizi wayo. Na alino lyo liwalo lya wono wali wali mu witumami. Yusufu wa mu mhuga ya Asafu, na Gadeliya,

¹⁰ Zekuli hamonga ne wanagwe ne wanduguze yikumi na wejete.

¹¹ Zeli, ne wanagwe ne wanduguze, yikumi na wejete.

¹² Netaniya ne wanagwe ne wanduguze, yikumi na wejete.

¹³ Bukiya, ne wanagwe ne wanduguze, yikumi na wejete.

¹⁴ Ashalela, wose hamonga ne wanagwe ne wanduguze yikumi na wejete.

¹⁵ Yeshaya, wose hamonga ne wanagwe ne wanduguze, yikumi na wejete.

¹⁶ Mataniya, wose hamonga ne wanagwe ne wanduguze yikumi na wejete.

¹⁷ Shimeyi, wose hamonga ne wanagwe ne wanduguze, yikumi na wejete

¹⁸ Uziyeli, wose hamonga ne wanagwe ne wanduguze, yikumi na wejete.

¹⁹ Hashabiya, wose hamonga ne wanagwe ne wanduguze, yikumi na wejete.

²⁰ Shebuweli, wose hamonga ne wanagwe ne wanduguze yikumi na nyejete.

²¹ Matitiya, wose hamonga ne wanagwe ne wanduguze, yikumi na wejete.

²² Yelemoti, wose hamonga ne wanagwe ne wanduguze, yikumi na wejete.

²³ Hananiya, wose hamonga ne wanagwe ne wanduguze, yikumi na wejete

²⁴ Yoshibekasha, wose hamonga ne wanagwe ne wanaduguze, yikumi na wejete.

²⁵ Hanani, wose hamonga ne wanagwe ne wanduguze, yikumi na wejete.

²⁶ Maloti, wose hamonga ne wanagwe ne wanduguze, yikumi na wejete.

²⁷ Eliyata, wose hamonga ne wanagwe ne wanduguze, yikumi na wejete.

²⁸ Hotili, wose hamonga ne wanagwe ne wanduguze, yikumi na wejete.

²⁹ Gidaliti, wose hamonga ne wanagwe ne wanduguze, yikumi na wejete.

³⁰ Mahaziyoti, wose hamonga ne wanagwe ne wanduguze, yikumi na wejete.

³¹ Lomamuti Ezeli, wose hamonga ne wanagwe ne wanduguze, yikumi na wejete.