Tito 3 - Lek Jot de Jecu Kritho 1940

¹ Ye ke cɔk ciit kenhiim bik roth ya gam dudook, ku riir, bik wel ya gam, ku bik ya tɔ tethiɔk ne luɔi piath ebɛn,

² ku bik ya cuɔk ye jam arac ne ran dɛ, ku cik ye teer, bik ya lɔ cai, ku yiki kuur de piɔu nyuɔth raan ebɛn.

³ Wɔ wɔ kɔn ya acibeel ɣɔn tueŋ, ku yuku areecwel, ku ye wɔ dhoom, ku yuku kɔɔr rɛɛc kuɔt nhiar kene miɛt de piɔu, ku yuku ceŋ ne pian kɛc ku tiɛl, ku man, ye ŋɛk ŋɛk maan.

⁴ Ku ɣɔn ci kac de piɔu de Nhialic Duluɛŋda, ku nhiɛrden de raan ɣɔn acik jal tuɔl,

⁵ ku cie luɔi ye loi ne lajik, yene e cuk ya loi ne gupkuɔ, go wɔ luɔk ne ke de kac de yepiɔu, ne wɛk de beerpiny de dhiɛth ku de cɔkjot de Jɔŋdiit Lajik,

⁶ man ci wal ne wɔgup areet, ne Yecu Kritho Duluɛŋda;

⁷ ku, ci wɔ cɔk lajik ne athiɛide, bi wɔ ya cɔk ye adiit ne ke de ŋath de piir athɛɛr.

⁸ Yewɛte kee wɛt yic, ku an nɔŋ piɔu ya ba keekake ya luel areet, bi kɔc ci Nhialic gam bik luɔi piath ya loi ne tiit de nyin. Keekake aaye piath ku kaaye kɔc kuɔny:

⁹ ye thiɛc beel ye waan, kene kuɛn de rin ke kuat, ku teer, ku ɣeet de ke de loŋ; aaye ciɛn kony ku kaaye ya ciɛlic.

¹⁰ Ran ye dhiac ke teer ne gam, te cene e waai naatok ku aarou, ye rɛɛc;

¹¹ nyiny nyic yin en ke yerane ci yec wei, ku ye rɛɛc loi, ne ci rɔt luɔk wei yetok.

¹² Na tuɔc Artema enɔŋ yin, ka Tukiko, ke yin them bɛn enɔŋ ɣɛn areet ne Nikopoli: ɣan nɔŋ piɔu ba mai eeti.

¹³ Kuɔnye yi Dhena dukuny de luɔk kene Apolo kuɔnyeke dhol ne awaiic, bik ciɛn ke dɛkki.

¹⁴ Ku cɔk kɔckuɔ piɔc ne luɔi de luɔi piath ne ka yeke loi, a goki ya cuɔk cie luɔk.

¹⁵ Kɔc kedhia kɔc tɔ kene ɣɛn aaye yi muɔɔth. Muɔth kɔc kɔc ye wɔ nhiar ne gamic. Eeyabi athiɛi ya tɔ kene week wedhia.