Tito 1 - Lek Jot de Jecu Kritho 1940

¹ Paulo, aluaŋ de Nhialic, ku ye metuny de Yecu Kritho, ne ke de gam de kɔc ci Nhialic ke lɔc, kene nyiny de yic ke ye ya ke de luɔi de Nhialic,

² ne ŋath de piir athɛɛr, ke e ci Nhialic, man cie tor ne lueth, ci kan luel aŋoot piny;

³ ku ci wɛtde jal nyuɔɔth ne kolde ne thondeic, thon ci yiɛn ɣɛn ne ke de loŋ de Nhialic Duluɛŋda;

⁴ alɛk Tito, mɛnh yicdie ne gamda wɔɔrou: ya keeyabi athiɛi ku dɔɔr bik ya tɔ kene yin enɔŋ Nhialic Awada ku Yecu Kritho Duluɛŋda.

⁵ Yekene yenekee nyaaŋ ɣan yin Kerete, ba kaŋ kedhia juir ka yeke dak, ku ba kɔcdit lɔc ne bɛidit yic kedhia, ci yook can yi yɔɔk;

⁶ te yen naŋ ran cin awac, ku ye mony de tiŋ tok, ku ye naŋ mith ye gam, mith cie luɛl rɛɛc ku ye ke leu ne dok.

⁷ Bicep abi ciɛn awac ya dhiil, ci awun de Nhialic; aci bi ya kok ne dhɔlke, aci bi ya dai ɣok, aci bi ya ɣok ne tɔŋ de dek, aci bi ya dui, ku cii ye kok ne weu;

⁸ abi ya gooŋ, ku ye piath nhiar, aci nom bi ya liɔk, ku ye naŋ luɔŋ yic, ku ye lajik, ku ye lɔcap;

⁹ ku ye wɛt yic dot wɛt ye ya ke de pioc, bi kɔc ya leu ne yook ne pioc yic, ku ye kɔc ke ariir leu ne kuem nhiim.

¹⁰ Anɔŋ kɔc juec cie leu ne dok, kɔc ke jam de ciɛlic ku yiki ya medhuum, ku kadit ne kɔc ke ŋuɛlɛɛi,

¹¹ kɔc bike ya cɔ ye mim dhiil; kɔc ye ɣot ebɛn riɔk, ku yiki pioc ne ka ete cik kek ke ye pioc, ne ke de nhiɛr de weu.

¹² Ran toŋ de keyic, ye nebiden, ee ci jam, Ye Keretei aaye ya alueth, ku yiki ya lai rac, yiki adakrooth ci wath.

¹³ Yelekne kee yic. Yen ye ke cok ne wɛi, bik ya tɔ ne gamic gam yic,

¹⁴ bik akokool ke Judai cuɔk ye piŋ, ku looŋ ke kɔc ye yic waan.

¹⁵ Kaŋ kedhia aaye lɔcar enɔŋ ran lɔcar: ku kacin ke ye lɔcar enɔŋ kɔc ke acuɔl ku tenɔŋ kɔc cie gam; taŋden ee ya cuɔl kene nyinyden de kepiɔth.

¹⁶ Aaye jam yi nyicki Nhialic; ku kayiki jai ne luɔiden, ne ke rɛɛc kek, ku yiki areecwel, ku cik riak ne luɔi de luɔi piath ebɛn.