Romai 3 - Lek Jot de Jecu Kritho 1940

¹ Ye muɔny Juda ŋuɛɛn e ŋo? ka ye ŋuɛlɛɛi piath yede?

² Apiath ebɛn: ke ŋaar ne kaŋ kedhia, aakee ci yiɛn nyuuth de Nhialic.

³ Ete yeŋo yende te e cine kɔk gam? ye dakden de gam ye gam adon de Nhialic cɔk cie ke dɛ?

⁴ Acie yen: ee yic, ne Nhialic ye naŋ yic, ku ye raan ebɛn ye ya alueeth; ci man cene ye gɔɔr, Ya bi yi ya cɔk lajik te yin jam, Ku ba ya diik te yin luk.

⁵ Ku na ye rɛɛcda lajiŋ de Nhialic nyuɔɔth, ke wɔ bi ya jam wuude? Rac Nhialic man ye weei ne ɣok? (ɣan ye jam ne jam de kɔc).

⁶ Acie yen: na ye ye, ke Nhialic bi piny luk nom yede?

⁷ Ku na ye yic de Nhialic dit agut nuɔmde ne luenhdie, ke yeŋo yan dhiac ke ɣan ye luk ya raac?

⁸ ke yeŋo cene yen ye luel (ci man ye kɔc wɔ luɛɛl, ku ye kɔk yiic), Ya yuku rɛɛc loi, bi ya naŋ piath? Lukweiden ee piath.

⁹ Jɔl ya ŋo? wɛrku keek? Aa, aci kɔn yenya: wɔ ci Judai ku Girikii kan guɛɛl wuu kaaye tɔ ne rɛɛcic kedhia,

¹⁰ ci man cene ye gɔɔr, Ya kacin ran tɔŋ ye lajik, naa ye, acin tok;

¹¹ Acin ran toŋ ye kaŋ nyic, Acin ran toŋ ye Nhialic kɔɔr;

¹² Aa yec wei kedhia, ku kaaye wuɔc; Acin ran toŋ ye ke ye kepiath loi, acin raan, acin tok:

¹³ Rorden ee ya raŋ ɣɔr nom; Aaye dhuum ne keliep: Ku yuiri de keroor ee tɔ ne kethook:

¹⁴ Aa thook thiaŋ ne aciɛɛn ku akɛc:

¹⁵ Aapiɔl cok ne leu de riɛm;

¹⁶ Riak kene duɔɔt ee tɔ ne cathdenic;

¹⁷ Ku kaake ken dhol de dɔɔr kan nyic:

¹⁸ Aaye nyiin ciɛn riɔc de Nhialic.

¹⁹ Anyicku ke keriɛc ebɛn ye loŋ luel, ne ye lɛk kɔc ye tɔ ne loŋic; bi thok ebɛn rɔt ya kuɔɔt, ku bi piny nom ebɛn bɛi ne luŋ de Nhialic nom:

²⁰ ne ke ben ya ciɛn ran lajik ne luɔi de loŋ ne yenyin: ne ke yene rɛɛc nyic ne loŋ.

²¹ Lajiŋ de Nhialic ee nyuɔɔth te cin loŋ, ku loŋ kene nebii keeka ye duleekke;

²² ee ya lajiŋ de Nhialic ne gam ne Yecu Krithoic enɔŋ kɔc ye gam kedhia; acin ke ye ke tɛɛk yic.

²³ Kɔc kedhia aa rɛɛc loi, ku kaadɛɛk nuɔm de Nhialic;

²⁴ ku kaa cɔk lajik ne nomlaau ne athiɛide ne wɛɛr ye tɔ ne Yecu Krithoic;

²⁵ man cii Nhialic taau ne ye dupuk, ne ke de gam, ne riɛmde, bi lajiŋde ya nyuɔɔth, ne ke de ret de rɛɛc e ci kan loi ɣɔn, ne kac de piɔu de Nhialic;

²⁶ bi lajiŋde ya nyuɔɔth ne kol cit yemane: bi ya lajik ne guɔpde, ku bi ran ye Yecu gam ya cɔk lajik.

²⁷ Jɔl nuɔm tɔ teno? Ee nyaai. Ye loŋ yinde? ye luoi? Aa: ee ya loŋ de gam.

²⁸ Yen ayuku nyic ke raan ye cɔk lajik ne gam te cin luɔi de loŋ.

²⁹ Ka ye Nhialic ya Nhialiny de Judai kepɛc? cii ye ya Nhialiny de Juurkɔk eya? Ee yic, ee ya ke de Juurkɔk eya:

³⁰ na ye Nhialic ya tok, ku bi aŋualɛɛi ya cɔk lajik ne gam, ku abor ne gam.

³¹ Jɔlku loŋ ya cɔk cie ke dɛ ne ke de gam? Aa: acie yen, wɔ ye loŋ cɔk kaac.