Nyooth 5 - Lek Jot de Jecu Kritho 19401 Guɔ kitap ŋem ne ciin cuecde yen man ye reer ne thooc nom, kitap ci gɔɔric ku gar kɔu, ku ci nuat thok ne adok naadherou. 2 Guɔ malaika rir ŋem ne jam ne ror dit, Ye yeŋa piath bi kitap liep, ku bi adok kuɛk wei? 3 Go ciɛn raan pan nhial, ku ne tiɔp nom, ku ne piny thar, ran leu kitap ne liep, ka ŋemic. 4 Guɔ dhiau areet, ne ke cin en ran ci yok ne piath bi kitap liep, ku ŋemic: 5 go ran toŋ de roordit go ɣa yɔɔk, Ye duk dhiau: ŋem, Cuɛr de dhien de Juda, Meei de Dabid, ee tiam, bi kitap liepic ku kuek adɔk wei keedherou ne yekɔu. 6 Ku ŋɛm Nyɔk ne kaac ne kaam de thooc kene lai ye piir keeŋuan, ku ne roordit ciɛl yic, ci ke e ci nɔk, ku nɔŋ tuŋ keedherou, ku nyiin keedherou, ka ye Jakdit ke Nhialic keedherou, cike tuɔɔc ne tiɔp nom ebɛn. 7 Go bɛn, ku loom ne ciin cuecde yen man rɛɛr ne thooc nom. 8 Wen ye ci kitap loom, go lai ye piir keeŋuan ku roordit keethiɛrou ku ŋuan, e ke muke ŋɛk ke thom, ku tony ke wɛnhjini, ci yic thiaŋ ne wal nyir, ka ye ya lɔŋ de kɔc cithiei, goki roth cuat piny ne Nyɔk nom. 9 Ku yiki din jot ket, yiki jam, Yi yin eka piath ne lɔm de kitap, ku bak adɔk kuɛk wei: ne kee cene yi nɔk, ku ca kɔc ɣɔc Nhialic ne riɛmdu, ne dhienic ebɛn, ku ne thokic ebɛn, ku ne juɔric ebɛn, ku ne welic ebɛn, 10 ku ca ke loi e ke ye ka ke ceŋ de Nhialinyda, ku yiki bany ke ka ke Nhialic, ku bik piny ya dɔk nom. 11 Guɔ anyin jɔt, ku piɛŋ malaikai juec piɛŋ kerot e ke yuil thooc ku lai keeŋuan ye piir ku roordit; ku ciinden ee ye bianabur thiɛr naabianabur thiɛr ku bianabur naabianabur; 12 e ke jam ne ror dit, Yi Nyɔŋ e ci nɔk yeneka piath bi riɛr loom, ku naŋ kaŋ, ku nyiny de kaŋ, ku aŋok, ku rieu, ku nuɔm, ku athiɛi. 13 Ku piɛŋ keriɛc ebɛn ci cak ke tɔ pan nhial, ku ke tɔ ne tiɔp nom, ku ke tɔ ne piny thar, ku ke tɔ bɛɛr, ku keriɛc ebɛn tɔ ne keyic, piɛŋ ke ne jam, Yi keewuubi athiɛi, ku rieu, ku nuɔm, ku ceŋ, bik ya tɔ kene yen yen man ye reer ne thooc nom, ku tenɔŋ Nyɔk athɛɛr wada. 14 Go lai keeŋuan ye piir jam, Yi Amen. Ku cuɛt roordit roth piny duurki. |